حمايه السياره من الخدوش

**ESSWAR** · 26-07-2007 11:24 PM

الساده الاعضاء
كل شخص عنده سياره وبالاخص لو جديده يتمنى ان لا يتم خدشها او اصابتها بخبطه تشوه شكلها وعاده ما يحدث ذلك وهى مركونه بالشارع نتيجه شخص متهور يخبطها وهى واقفه او شخص لا يعرف يسوق جيدا يجرحها وهو بيركن وغالبا ما يحدث ذلك للاكصامات الاماميه والخلفيه وايضا الجوانب
ونرى دائما ان حل المشكله دى بالنسبه للسيارات ال 4*4 يتم حلها عن طريق تركيب اكصدامات وعتب نيكل مما يحميها من الكثير
اذا كان هناك اى احد عنده فكره او يعرف امكانيه تنفيذ ذلك بالنسبه للسيارات السيدان ياريت يذكر اماكن تنفيذ ذلك واضافه صور اذا كانت متاحه
وياريت لو كان لسياره اوكتافيا A5

**اسلام المصرى** · 26-07-2007 11:51 PM

الأخ الفاضل ESSWAR

طبعا كلامك مظبوط و جميل و أنا عارف أنت تقصد أيه بكلامك , و ذلك عن تجربة و طبعا الحمد لله فى الأول و فى الأخر , أنا شوفت كذا عربية سيدان - هوندا سيتى و تويوتا كورولا - مركبين أكصدمات أمامى و خلفى , خالو منظر العربية و حش جدا - ده رأى - هى طبعا حماية أثناء الركن و فى الصدمات الخفيفة ترييحة مثلا و لكن على حساب شكل السيارة الخارجى , و هى طبعا سلاح ذو حدين لأن فى الخبطات الجامدة هتخش فى العربية .....

أنا رأى سيب العربية ذى ماهى و ربنا موجود , نصيبك هيصيبك حتى لو معاك هامر و أنا عارف أن حضرتك عارف الكلام ده :) ممكن حضرتك تركب باكتات جانبية و على الأكصدمات , تحميك شوية من الناس اللى معندهاش دم أو لا تجيد الركن , ممكن حضرتك تلاقيها فى شارع دمشق , أو لو عايز تاخد فكرة عن موضوع الأكصدمات أنزل شارع معروف فى وسط البلد.

ربنا يباركلك فى عربيتك و يحافظلك عليها , و أسف للاطالة

**Karim_Monir** · 26-07-2007 11:57 PM

وانا نفس الراي
الاكصدامات هاتخليها نص نقل بجد
وكمان عيب خطير انها بتتثبت علي الشاسية يعني كل الخبطات فوق البسيط بتاثر في الشاسية مباشرة

**M_Abdallah** · 31-07-2007 03:21 AM

اكصدامات العربيات السيدان دايما صعب حمايتها وربنا هو الحامي.

__________________
محمد عبدالله

**Ashraf A.Kader** · 01-08-2007 11:32 PM

حاول تركن في مكان امن واوعي تسبها من غير غطاء

**dr_3eshoo** · 26-12-2007 12:13 AM

ربنا هو الحارس في الاول و في الاخر
صاج العربيات الاماني جامد متخفش منه و لو خدوش بسيطه مش بتبان
و ملمعات و حركات من دي بتختفي

**CryptonX** · 26-12-2007 03:33 AM

وفي معلمومة يا جماعة ,., انا شفت 5 سيارات في ميدان سانت فاطيما بعيني .. مسحوب رخصهم بسبب اللاكصدامات او ( الدفندرات ) كما يسموها البعض .

الحل .. انك تتعاقد مع سمكري ( ابونيه ) تروحله كل شهر يرشلك اللاكصدامات ( :) )

**spider6666** · 18-12-2008 02:19 PM

فعلا عندك حق تعمل ابونيه عند سمكري
بس في حلول بديلة
في علبة بتشتريها من كارفور او المحمل دي عبارة عن كريم بتدهن فيه العربية الحتت اللي واخدة لون نتيجة الحكة مع اي عربية تانية
وبتمسحها بفوطة ناعمة اللي لونها برتقالي الو بحتة قطنة وبصراحة اللون اللي في الاكصدامات بتاع العربيات اللي حكتك هايروح تماما وده عن تجربره ولو حبيتو تعرفوا اسم الكريم ده قولولي وانا ابعتلكوا اسمه