بخصوص كهرباء الموتور ستروين ax

**treky** · 08-04-2015 03:33 PM

يا جماعة عندى حاجة غريبة فى العربية اول ما اشتريتها من حوالى شهرين كنت لما ابطل العربية الاقى فيه رجرجة جامدة بعد ما اشيل المفتاح من الكونتاكت
سألت قالو دى كهرباء زيادة ولازم تقلل الكهرباء اللى داخلة للموتور وفعلا رحت لميكانيكى هدا الموتور والكهرباء
وفعلا صوت الرجرجة راح خالص بس وانا ماشى كل ما اشيل رجلى من على البنزين العربية تبطل
لما جنتنى

**shake** · 08-04-2015 04:46 PM

بص المشكلة دى كانت عندى وقرفتنى بعد شوية هتلاقى مفيش رجرجة بس هتسمع صوت مارش حتى بعد ما تشيل المفتاح بعد محاولات كتير غيرت الكونتاكت المشكلة اختفت

**rotanamasoud** · 09-04-2015 10:15 PM

تشيل رجلك تبطل ياكاربراتير عايز يتظبط يا عايز يتعلى شويه اظبط الار بى ام على 750

**hemanil** · 12-04-2015 03:17 AM

بس ياسيدى هطظبط الكاربيراتير
هتقول ازاى اقولك
1عندك حاجتين مسمار الهو ا ومسمار البنزين حاول تعرف مكانهم
اولا زود مسمار البنزين (السلانسية) الى 1000 لفةعلى الار بى ام
ثانيا اقفل مسمار الهوا للدرجة اللى ما تخلى العربية تبطل منك يعنى لو توقفت عند مستوى ربط معين للمسمار وجيت زودت ربع لفة وبطلت يبقى ترجع الربع لفة دى تانى تمام
نرجع لمسمار البنزين ونفكه لحد مانخلى الار بى الى 500 لفة واعتقد ان ده معقول
معلش هنرجع تانى لمسمار الهوا ونحاول نرجلش خفيف لحد ما صوت عد المكنة يكون صوت منتظم وهادى
حاول وجرب وانا معاك
على فكرة دى مجرد بداية عشان الموضوع محتاج صبر شوية