-
أي عربية 5 راكب هتكون ضيقة ومتعبة خصوصا في المشاوير الطويلة
خليك فى ال 7 راكب
وعندك منها
تويوتا فورتشنر
بيجو 5008 (إسال عليها بيجيبوها ولا لأ وخلي بالك ممكن تكون بالطلب فتطلبها قبل ما تنزل بفترة)
-
الف شكر لحضرتك mohamed_rhem و فعلا السيارة شفتها على النت رهيبة و لكن مش عارف هل هى من فئة صفين للكراسي - يعنى 2 كنبة ام مثل اى سيارة SUV عادية كالسبورتاج و القاشقاى .....كنت حابب اعرف لو هى فعلا كده ام عادية .....و هل السيارة لسه تحت الاختبار فى السوق المصرى و لا ايه ...بحكم انها سيارة جديدة و لسه الناس متعرفش عيوبها ؟....كمان دى نقطة الواحد يضعها فى الحسبان ......ارجو لو حضرتك تعرف هى السيارة كام كرسي اكون شاكر افضال حضرتك ....لأن يبدو ان السيارات التى متواجدة فى مصر بيكون ليها مواصفات مختلفة .. على سبيل المثال ...الكارينز 2014 هنا كانت السبع كراسي فقط للفئة 2000 cc ....و كمان السبع كراسي كان اخر كرسيين فى حجم لا يتحمل اكبر من طفل 12 سنة ...عشان كده كنت مستبعدها لكن لما عرفت و شوفت صور الكارينز فى مصر لقيتها مختلفة فى كراسيها و كمان السبع كراسي مع كل الفئات .....
-
الف الف شكر لإهتمامك اخى الكريم swimmer25 ....فعلا كلامك مضبوط ..و تويوتا فورتشنر سيارة محترمة و تتواجد هنا مع الكثير من المصريين و طبعا لا نستطيع دفع جماركها و تنزيلها لأنها شريحة عالية تخضع لمبالغ خياليه فى الجمرك و تصل فى النهاية الى ضعف ثمنها لو هنشتريها من مصر .... ..لكن فى مصر انا كنت عايز احافظ على الا اتعدى 1600 cc ...عشان كده لم ادرجها فى المقارنة ....جزاك الله خير و شكرا ليك مرة اخرى
-
التويوتا الفورشنر متوفرة في مصر 4 سلندر 2700cc و هي سيارة suv ممتازة تتسع ل 7 اشخاص بكل أريحية و تحميل و شنط و كل شئ ...
ابتعد عن التيريوس فهي ملكة الانقلاب بسهولة بعد 120 .. الشر بعيد عن السامعين .
اذا حظيت بفرصة لأقتناء الفورشنر حتي و ان كانت مستعملة بسيط فهي الافضل بكل المقاييس .
-
شكرا ليك اخى الكريم NourElmansy على النصيحة و ربنا يكرمك و يحفظك من كل شر - انا مش عارف لو مكنتش سألت الناس المحترمة اللى زيكم فى المنتدى الرائع ده كنت عملت ايه ...يبدو ان معلوماتى عن السيارات كان ينقصها الكثير و ده بحكم بعدى عن البلاد و السيارات خارج مصر مختلفة تماما فى معايرها و اختياراتها عند الشراء لكى تتناسب مع المكان و المسافات و الشوارع و طرق السفر .....الف شكر ليكم يا رجالة مصر و شبابها المحترمين
-
السلام عليكم
انا معايا كارينز موديل 2015
بسم الله ما شاء الله عليها
اكثر من ممتازة
نصيحة خليك في الكارينز افضل
Content Relevant URLs by
vBSEO 3.6.0 PL2