تابلت سامسونج ولا هواوى

**hugan** · 11-04-2015 01:30 AM

المشاركة الأصلية كتبت بواسطة punisher

علي فكره هوا فابليت اكتر من انه تابليت

يعني ايه فابليت لو تكرمت

**ahmedmohamed7** · 11-04-2015 02:40 AM

المشاركة الأصلية كتبت بواسطة hugan

يعني ايه فابليت لو تكرمت

الفاب ليت هى فئة بين التلفونات و التاب ......حجم الشاشة بيكون اكبر سنة من المعتاد عليه فى التلفونات و اصغر سنة عن المعتاد عليه فى الكومبيوتر اللوحى و طبعا بيبقى فيها خاصية المكالمات
امثلة
سلسلة النوت من سام
الهواواى الميداباد اكس وان و كمان الاسيند مات 7 :)

اصل الكلمة ......فا من فون و ليت من تابليت =فابليت

**afndina** · 11-04-2015 04:39 AM

بصراحة مفيش وجه مقارنة بين سامسونج وهواوي
انا اول تلفون سمارت كان هواوي وقرفت منه بسبب انه مش مدعوم في جوجل بلاي وكنت بدور علي برامجه في كل المواقع , دا غير جودة الصورة والكاميرا والتهنيج
لما جبت سامسونج لقيت فرق رهيب في جودة الصورة والصوت وكمان السرعة والبرامج كلها والتعامل
الشئ الوحيد اللي مميز في هواوي من خلال تجربتي هو البطارية هواوي بطارية بتقعد معايا يومين , سامسونج مبيكملش اليوم
غير كدا هواوي جهاز عقيم مقارنة بسامسونج
عايز اقول حاجة اخيره لو لفيت علي اغلب الاجهزة حتلاقي فرق السعر بينهم نتيجه فرق الامكانيات استحالة حتلاقي موبايل ارخص من موبايل بفرق كبير وامكانيتهم زي بعض مهما اختلفت الماركة

**egyboy** · 11-04-2015 09:35 AM

المشاركة الأصلية كتبت بواسطة afndina

بصراحة مفيش وجه مقارنة بين سامسونج وهواوي
انا اول تلفون سمارت كان هواوي وقرفت منه بسبب انه مش مدعوم في جوجل بلاي وكنت بدور علي برامجه في كل المواقع , دا غير جودة الصورة والكاميرا والتهنيج
لما جبت سامسونج لقيت فرق رهيب في جودة الصورة والصوت وكمان السرعة والبرامج كلها والتعامل
الشئ الوحيد اللي مميز في هواوي من خلال تجربتي هو البطارية هواوي بطارية بتقعد معايا يومين , سامسونج مبيكملش اليوم
غير كدا هواوي جهاز عقيم مقارنة بسامسونج
عايز اقول حاجة اخيره لو لفيت علي اغلب الاجهزة حتلاقي فرق السعر بينهم نتيجه فرق الامكانيات استحالة حتلاقي موبايل ارخص من موبايل بفرق كبير وامكانيتهم زي بعض مهما اختلفت الماركة

بس ازاى مش مدعوم من جوجل بلاى

هواوى برضه اندرويد

وفرق السعر حوالى 500 جنيه بين الاتنين

**egyboy** · 11-04-2015 09:40 AM

المشاركة الأصلية كتبت بواسطة punisher

توكل علي الله وهات هواوي معايا واكثر من رائع

لما تشتريه هيكون جيلي بين وممكن تنزله تحديث كيت كات من السايت ده www.emui.com

كنت شاريه من مربايل شوب ومعاه جراب اصلي وبروتكتف سكرين ب 3000 بس سعره دلوقتي اعتقد 2400 وعلي فكره لسه مركبتش البروتكتف سكرين وشغال باللي متركبه عليه وبطاريته بتقعد يومين كاملين وطبعا علي حسب شغلك عليه وصوته عالي والمكالمات صوتها نقي وواضح

طيب ايه رايك فى التجربة

بيدعم جوجل بلاى ؟؟

ايه الفرق عموما بين استخدامه وسامسونج غير الامكانيات اقصد الاستخدام

مفيش تهنيج وكده ولا بيعلق مع اللعب وخلافه

**punisher** · 11-04-2015 09:56 AM

يا فندم مفيش حاجه اسمها جهاز نظام تشغيله اندرويد ومش مدعوم من جوجل بلاى ..

جوجل بلاى شغال زى الفل ونزل منه اللى انتا عايزه
بعد ما تعمل تحديث لكيت كات هيكون عندك هواوى ابلكيشن ستور ( وساعتها مش هتستخدم جوجل بلاى )

بالنسبه لجوده الشاشه فحضرتك خلى شغال على automatic brightness وهترتاح جدا حتى لو بتستخدمه فى شمس قويه او ضوء خافت جدا ..

الكاميرا بتاعته 13 ميجا بكسل بس للأمانه السونى ال 13 ميجا بكسل كانت احلى بس ده مش معناه انها وحشه :)

لو بطاريه سامسونج قعدت يوم وهى جديده ف كبيرها ساعات بعد استخدام شهور ... هواوى ما شاء الله ف الاول 3 ايام وبعد استخدام حوالى 8 شهور بتقعد يومين مرتاح .. وبردوا على حسب استخدامك ..

بلعب عليه asphalt 8 من غيى اى لاج غير كده مش منزل لعب تقيله

قارن خامات هواوى ميديا باد اكس 1 مع سامسونج وهتحس ان ماسك موبايل محترم

على فكره وقع منى 4 مرات والشاشه سليمه :)

**egyboy** · 11-04-2015 10:53 AM

تسلم يا باشا
جزاك الله خيرا
على النصائح القيمة

**wawamoha** · 11-04-2015 11:44 AM

Le novo من اقوى التابلتس

**afndina** · 11-04-2015 02:41 PM

المشاركة الأصلية كتبت بواسطة punisher

يا فندم مفيش حاجه اسمها جهاز نظام تشغيله اندرويد ومش مدعوم من جوجل بلاى ..

يا باشا انا بتكلم من واقع تجربة ومش انا لوحدي اللي عندي المشكلة دي , لو كلفت نفسك وعملت بحث عن اجهزة غير مدعومة من جوجل بلاي حتلاقي كتير .
ودا مثال صغير
https://ar-ar.facebook.com/alam1andr...68334099910448

ومع احترامي ليك
انا مسكت الهواوي ومسكت السامسونج مفيش وجه مقارنة بين الحاجات اللي انت قلتها بين الاتنين غير فقط البطارية اللي هواوي بيتفوق فيها
وتقدر تعمل بحث عن ريفيو بين اجهزة هواوي وسامسونج وانت تعرف الفرق الرهيب فى الاماكانيات