السلام عليكم
عايز اشترى تابلت صغير
اشترى سامسونج ولا هواوى
Samsung Galaxy Tab 4 7.0 3G vs. Huawei MediaPad X1 - GSMArena.com
هواوى امكانياته اعلى بس انا خايف منه يعطل او حاجة سامسونج برضه مستقرة
ايه رايكم ولو فى اقتراحات تانية ؟؟
عرض للطباعة
السلام عليكم
عايز اشترى تابلت صغير
اشترى سامسونج ولا هواوى
Samsung Galaxy Tab 4 7.0 3G vs. Huawei MediaPad X1 - GSMArena.com
هواوى امكانياته اعلى بس انا خايف منه يعطل او حاجة سامسونج برضه مستقرة
ايه رايكم ولو فى اقتراحات تانية ؟؟
اين الاقتراحات يا شباب ؟؟
سامسونج ام هواوى
عن نفسي أرشح لك هواوي ..
مواصفات أقوي و أعلي + هواوي نفسها أثبتت قوة و جدارة لها في السوق دلوقتي + أن خامة التابلت نفسه أفخم بكتيـر من التاب السامسونج ..
تمام بس انت فاهم الخوف من تجربة منتج جديد
السامسونج دلوقتى بقى هو الاكثر انتشارا ولو حصله عطل او اى حاجة هتعرف تصلحه
ممكن اﻻسعار
بس فعلآ هواوي أنتشر بشكل الرهيب الفترة دي ,, و التوكيل شغال زي الفل و محدش أشتكي منه إلي الأن ..
و الأهم برضه من ده كله: راحتك النفسية ,,
لآن لو أشتريت تابلت في غاية القوة و مش مرتاح له نفسيا, يبقي مش هترتاح بالتعامل معاه و هتزهق منه بسرعة ..
شوف حضرتك ميّال لأيه , و ألف مبرووووووك عليك مقدما يا أفندم ..
السامسونج أقل سعر له كان 1850 جـاقتباس:
ممكن اﻻسعار
الهواوي أقل سعر له كان 2300 جـ ..
توكل علي الله وهات هواوي معايا واكثر من رائع
لما تشتريه هيكون جيلي بين وممكن تنزله تحديث كيت كات من السايت ده www.emui.com
كنت شاريه من مربايل شوب ومعاه جراب اصلي وبروتكتف سكرين ب 3000 بس سعره دلوقتي اعتقد 2400 وعلي فكره لسه مركبتش البروتكتف سكرين وشغال باللي متركبه عليه وبطاريته بتقعد يومين كاملين وطبعا علي حسب شغلك عليه وصوته عالي والمكالمات صوتها نقي وواضح
علي فكره هوا فابليت اكتر من انه تابليت
انا لا احترم سامسونج نهائي مهما كان سعرها... ولو بتفكر ف تابليت توكل علي الله وهات هواوي ولو بتفكر ف موبايل عندك هواوي وطبعا نمره واحد htc
سبحان الله انا لسه مقارن بينهم من كام يوم علشان هشترى واحد و فكرت نفس تفكيرك فى الصيانة و الاكسسوارات لصالح السامسونج و الاداء و الراحة النفسية للهواوى و فى الاخر هجيب الهواوى ان شاء الله
السلام عليكم ٠ ليا سؤال بعد اذنكم من ١٠٠٠ الى ١٤٠٠ يجيبو htc مواصفاته ايه انا مهم عندى عدم التهنيج فى برامج التواصل فايبر وواتس اب وكاميرا معقوله
الفاب ليت هى فئة بين التلفونات و التاب ......حجم الشاشة بيكون اكبر سنة من المعتاد عليه فى التلفونات و اصغر سنة عن المعتاد عليه فى الكومبيوتر اللوحى و طبعا بيبقى فيها خاصية المكالمات
امثلة
سلسلة النوت من سام
الهواواى الميداباد اكس وان و كمان الاسيند مات 7 :)
اصل الكلمة ......فا من فون و ليت من تابليت =فابليت
بصراحة مفيش وجه مقارنة بين سامسونج وهواوي
انا اول تلفون سمارت كان هواوي وقرفت منه بسبب انه مش مدعوم في جوجل بلاي وكنت بدور علي برامجه في كل المواقع , دا غير جودة الصورة والكاميرا والتهنيج
لما جبت سامسونج لقيت فرق رهيب في جودة الصورة والصوت وكمان السرعة والبرامج كلها والتعامل
الشئ الوحيد اللي مميز في هواوي من خلال تجربتي هو البطارية هواوي بطارية بتقعد معايا يومين , سامسونج مبيكملش اليوم
غير كدا هواوي جهاز عقيم مقارنة بسامسونج
عايز اقول حاجة اخيره لو لفيت علي اغلب الاجهزة حتلاقي فرق السعر بينهم نتيجه فرق الامكانيات استحالة حتلاقي موبايل ارخص من موبايل بفرق كبير وامكانيتهم زي بعض مهما اختلفت الماركة
يا فندم مفيش حاجه اسمها جهاز نظام تشغيله اندرويد ومش مدعوم من جوجل بلاى ..
جوجل بلاى شغال زى الفل ونزل منه اللى انتا عايزه
بعد ما تعمل تحديث لكيت كات هيكون عندك هواوى ابلكيشن ستور ( وساعتها مش هتستخدم جوجل بلاى )
بالنسبه لجوده الشاشه فحضرتك خلى شغال على automatic brightness وهترتاح جدا حتى لو بتستخدمه فى شمس قويه او ضوء خافت جدا ..
الكاميرا بتاعته 13 ميجا بكسل بس للأمانه السونى ال 13 ميجا بكسل كانت احلى بس ده مش معناه انها وحشه :)
لو بطاريه سامسونج قعدت يوم وهى جديده ف كبيرها ساعات بعد استخدام شهور ... هواوى ما شاء الله ف الاول 3 ايام وبعد استخدام حوالى 8 شهور بتقعد يومين مرتاح .. وبردوا على حسب استخدامك ..
بلعب عليه asphalt 8 من غيى اى لاج غير كده مش منزل لعب تقيله
قارن خامات هواوى ميديا باد اكس 1 مع سامسونج وهتحس ان ماسك موبايل محترم
على فكره وقع منى 4 مرات والشاشه سليمه :)
تسلم يا باشا
جزاك الله خيرا
على النصائح القيمة
Le novo من اقوى التابلتس
يا باشا انا بتكلم من واقع تجربة ومش انا لوحدي اللي عندي المشكلة دي , لو كلفت نفسك وعملت بحث عن اجهزة غير مدعومة من جوجل بلاي حتلاقي كتير .
ودا مثال صغير
https://ar-ar.facebook.com/alam1andr...68334099910448
ومع احترامي ليك
انا مسكت الهواوي ومسكت السامسونج مفيش وجه مقارنة بين الحاجات اللي انت قلتها بين الاتنين غير فقط البطارية اللي هواوي بيتفوق فيها
وتقدر تعمل بحث عن ريفيو بين اجهزة هواوي وسامسونج وانت تعرف الفرق الرهيب فى الاماكانيات
بس ايه الفكرة يا شباب ؟؟
المفروض انه كله اندرويد