انا عندي الاسبوع اللي جاي زيارة ميدانية لمصنع الدخيلة فعاوز اعرف اروح من المصنع ازاي لمطعم زفير عشان اتغدى و ممكن اعرف ايه هوا نظام الاسعار هناك بالظبط عشان اعمل حسابي ولو في مطاعم سمك قريبة للدخيلة وحلوة افيدوني
عرض للطباعة
انا عندي الاسبوع اللي جاي زيارة ميدانية لمصنع الدخيلة فعاوز اعرف اروح من المصنع ازاي لمطعم زفير عشان اتغدى و ممكن اعرف ايه هوا نظام الاسعار هناك بالظبط عشان اعمل حسابي ولو في مطاعم سمك قريبة للدخيلة وحلوة افيدوني
زفير قريب جدا من مصنع الدخيله للصلب ... حوالى ٥ دقائق فقط ...
و حضرتك فى المصنع اى حد حيدلك على السكه ...
الاسعار عنده تعتبر مرتفعه لانه قريب جدا من سي جل الشهير و بالتالى بيحك فى اسعاره الى هى اساسا غاليه :)
بما انك فى فسحه و كده كده حتدفع ... روح سي جل مش حتندم لانه على طول سمكه طازه و اكتر من ممتاز و قعدته حلوه ...
لو مفيش بند الجمبرى :) اعمل حسابك على ١٥٠ جم للفرد ...
تحياتى ...
مصنع الدخيله للحديد والصلب؟
لو هو يبقا بينك وبين مطعم زفير حوالي ربع ساعه فقط واي حد هتسأله وانت في المصنع هيقولك
وع العموم مصنع الحديد والصلب في البيطاش ع الشارع الرئيسي هتمشي بالعربيه وكأنك نازل المنشيه( وسط البلد).
هيبقا المطعم على ايدك الشمال هتلف من ملف شركة الاسمنت أمام بنزينة الامارات وتدخل المطعم وبالهنا والشفا
مقدما.
اقرب مطاعم للدخيله سي جل وزفير الاتنين جنب بعض
بالنسبه للاسعار مش اعرف بالظبط بصراحه
وفيه مطعم تاني لكنه ليس بفخامة زفير ولا سي جل لكن يقصده المديرين من شركات البترول وأمثالها ويقصده
ايضا ( الفنانون) عندما يصورون مشاهد تمثيله عند فنار الاسكندريه صاحب المطعم صديق
ويعتبر اسعاره كويسه معقوله مقارنة بسي جل وزفير وهو جنبهم يبعد عنهم مسافة اقل من كيلو
وتحت امرك في اي خدمه
زفير غالى ايضا لانه بجانب سى جل ... فعلى طول عينه على اسعار سي جل ...
و بخصوص جوده سمكه ... انا لما كنت لسه بروحله ... كان بيختلف من مره لاخرى ...كذلك مستوى الخدمه كان كل مره شكل ... تحس انهم ناس مزاجتليه :) فبطلت اروح ...
لكن سى جل ممتاز على طول ...
تحياتى ...
للاسف لا اعرفه ...
لكن لكى تكون عارف ... اسعار مطاعم الاسماك المعروفه فى اسكندريه تقريبا فى نفس الرنج ... يعنى كمثال كيلو البورى بيفرق بالكتير ٢٠ جم من اغلى مكان لاقلهم ...
يعنى انا قلتلك سى جل من غير جمبرى حيكلف حوالى ١٥٠ جم للفرد ... فمش حتلاقى مكان يعتبر كويس اقل من ١٠٠ و ممكن اكلهم ميكونشى على المستوى (زفر يعنى ) لان الطريقه و الصنعه هامه بجانب جوده السمك ...
ارجو ان اكون افدتك ...
تحياتى ...