السلام عليكم
انا شخصيه مبحبش الاختلاص بالناس او الاختلاص في حدود هزرنا وضحكنا وخلاص بقئ كل واحد يروح لحاله انما دلؤقتي بقي معايا ناس في الشغل جديده منهم واحد هزرنا وضحكنا وخلاص في الشغل القيه جي البيت عندي وقاعد معايا بحكم اني عايش لوحدي معييش حد في الشقه
انا بحب اقعد لوحدي في الشقه اكلم اهلي اقعد علي الكمبيوتر واخرج اتمشي اي نعم بيصبني بعض الملل فبنام اصحي بمزاجي
انما دا يجي بعد الدوام ما يخلص لحد 12 بليل وكل يوم علي كدا لدرجة اني هطق
وانا شخصيا بتكسف اتكلم مع الناس عايز انام او مشغول ودا يقعد يتفرج علي التليفزون ويمسك الريموت يقلب ويفقع بمرارتي بالافلام السوريه ويقعد بقئ يتأثر وحوارات فكسانه علي اساس انه مش تمثيل وانا بتخنق من الجو دا بيبق نفسي انام ببقي عايز اكلم اهلي مش عارف عايز انام مش عارف
هزار بقئ من الفصيل دا وحجات تفقع
وانا مشكلتي اني بتحرج يعني لو ليه عندك مليون جنيه وهموت من الجوع ومعنديش فلوس مقدرش اكلمك معلش انام بحس ان الموقف محرج جدا
قال كلمه قبل كدا وقفشت عليه لقيته جي يصالحني وانا لو واحد قاتلني مجرد انه يقولي سلام بس خلاص كان مفياش حاجه حصلت
انا اعمل ايه فيه يا جماعه بالله عليكم انا هفرقع
للعلم دا بيقعد معايا من 4 لحد 12 بليل