check transmission fluid in gear أرجو الرد السريع

السلام عليكم

كنت حابب استفسر عن حل لهذه المشكلة سريعا
عربيتي جراند بونتو 2007
كانت ماشية زي الفل لاقيت مرة وانا بغير زيت الماتور علبة فيها زيت لونه احمر وكان واصل لنصها فقالي بتاع الزيت انه زيت الفتيس ناقص فجابلي زيت موبيل 220 وزوده ومن يومها وهية مش مظبوطة خالص بيطلع رسالة خطأ check transmission fluid in gear

وبتعلق علي طول ممكن اول لمة ادورها او وانا ماشي ومش عارف اعمل ايه الزيت ده صح ولالا وهوة العيب ده ممكن يكون ايه بالضبط وشكرا

وده لينك لفيديو لنفس المشكلة بالضبط
أرجو الرد السريييييييييع

https://www.youtube.com/watch?v=k1XMHy5IJ_U

غير زيت الفتيس بالزيت الموصى به فقط كما هو بالكتالوك لان الرساله دى بتقول افحص الفتيس او الجير بوكس

طيب هية القربة البلاستيك بتاعت زيت الفتيس بتاخد زيت ايه بالضبط عشان انا معنديش الكتالوج وكل واحد برأي

اقتباس:

---

المشاركة الأصلية كتبت بواسطة nedo9300

طيب هية القربة البلاستيك بتاعت زيت الفتيس بتاخد زيت ايه بالضبط عشان انا معنديش الكتالوج وكل واحد برأي

---

لا مش بتاخد زيت ايه قول هى بتاخد زيت اد ايه وهنا المنسوب مهم جدا لربما وجود فايز او اى ضوابط معينه وعموما انا ما اعرفش ملابسات المشكله حصلت ازاى معاك لكن فى احتمالات كتير منها مزج نوعين مختلفين من الزيوت كلا منهما درجه معينه او القربه لها علامه ماكس هل هو حط زيت لغايه ما تخطاها كل دى عوامل تؤدى الى نتائج عكسيه وانت تعرف اكتر باللى حصل لانك شايف ايه اللى تم بالظبط لو القربه لها علامات ماكس ومان التزم العلامات اكتر دقه ابحث فى كل ما تشك فيما تم عمله واجعل خلط الزيتين على بعض اخر حاجه لانه احتمال ضعيف شويه برده ٠ وربنا يسلمها وتكون بسيطه ان شاء الله ٠٠٠٠٠٠٠٠٠٠٠٠٠ وهذا على حد علمى فقط وانتظر ما يقول الاصح ٠ تحياتى

انا نزلت الزيت كله وغيرته ب atf 320 بس المشكلة باه دلوقتي ان العربية بتفصل نقلاتها وانا ماشي لازم اشغلها كام مرة واجرب عشان تنقل

في ناس قالولي ديسك واسطوانة ؟؟؟
مش عارف لحد دلوقتي ايه الحل العربية اتركنت وخلاص لغاية لمة اعرف حد كويس اوي يشتغل فيها انا من دمياط ياريت لو في حد هينجزلي الحوار ده وشغله كويس واسعاره معقوله يقولي ويكتبلي رقمه

اسأل على جروب البونتو على الفيس بوك

لازم تتاكد من الكتالوج ايه نوع الزيت المناسب للفتيس عندك ... احتمال كبير اللخبطه دي بسبب الزيت اللي استخدمته مش متوافق مع الفتيس .. سواء ال 220 او ال 320

ولازم تعمل الموضوع ده في اسرع وقت ويفضل في التوكيل او مركز خدمة معتمد بدل ماتتكلف مبالغ كبيره انت في غنى عنها

مش عربيتك فتيس dual logic برضو ؟

Grande Punto Egypt Club
Ricambi FIAT Customers
FIAT "Club of Egypt"

كل اللى تحتاج تعرفة عن الجراند على الجروبات دى على الفيس بوك