معايا 128 موديل 78 كنت عايز اشدها بالكامل
حد يعرف المفروض تكلف فى حدود كام ؟
و اعمل ايه فيها ؟
عرض للطباعة
معايا 128 موديل 78 كنت عايز اشدها بالكامل
حد يعرف المفروض تكلف فى حدود كام ؟
و اعمل ايه فيها ؟
اولا هتغير طقم كهربه و سير الدينامو و سير كاتينة
ثانيا هتخلي ميكانيكي يكشفلك ع القواعد و الطرومبات و طقم الدبرياج و يشوف في تسريب لاي حاجه او لا و تنظف كاربراتير
و بعد كده العفشجي يشوفلك المقصات و البارات و الشدادت و المساعدين و علبة الدريكسيون و الكبالن و البلي
طقم الكهربه 25 جنيه فرنساوي و طقم البوجيهات 40 ngk ياباني و سلك بوجيهات 25 تايلاندي سير الدينامو 15 كوري و 8 صيني سير الكاتينه 45 ايطالي دايكن
ولو عايز اسعار حجات تاني تحت امرك
انا غيرت سير الكاتينه و كل التروس و البليه النهارده
هى العافشه كلها رايحه فى داهيه عايزه تتغير بالكامل من اول الكبالن و الطنابير لحد مساعدين و مقصات
تفتكر تكلف كام بالمصنعيه
شد العربيه بالكامل هيكلفك كتير لو تقدر تبيعها افضل وتجيب عربيه شاهين حاله كويسه يبقى افضل
انما لو ناوى تشد
يبقى هتفك الكراسى والارضيه وتروح على سمكرى يعملك كل مرمات اللحام اللى فيها وتجيب ركبتين جداد وتركبهم لان الـ 128 بتفتح من عند العلب الاماميه والخلفيه والركب وهتلاقى الدواسات فيها بارومه وتعمل طبعا رفارف جلد فوق العجل بحيث لو فيه مطره او كده الميه متجيش تانى على العلب اللى بيحصل فيها بارومه فالافضل انك تشدها الاول عند سمكرى بعدين تدهن العربيه كلها من تحت انتركوت وبعد كده تطلع على كهربائى يشوف الضفيره كويسه ولا عاوزه تتغير وتشيك على كهربة العربيه كلها وبالمره يعملك اضاءه كويسه للصالون وتعمل سنتر وانذار وطبعا تجيب طقم فوانيس جديده
وبعدين تطلع على عفشجى يشوف ايه اللى محتاج يتغير فى العفشه وميكانيكى يغيرلك طقم كهربا وطقم سيور ويفضل تشترى ريداتير جديد مع مروحه ريداتير ايظالى
وبعدين تطلع على سروجى يعملك ارضيه جلد وفرش جلد وبالتوفيق
طقم مقصات امامي علي جلب حديد 140
المقص الخلفي 90
علبة الدريكسيون 150 صيني و 230 تركي
طقم البارات ب 70 تركي
طقم الكبالن 120 صيني ..230 ايطالي
طقم جلب مقصات 80 يوغسلافي
طقم الطنابير 130 ايطالي
طقم تيل امامي 25
طقم مساعدين 290 صيني نوعو حلو مش وحش
طقم مساعدين خلفي نفس السعر
لا ده شغلنا من المستوردين نفسها