فكر تاني ياباش مهندس المفروض المرتب بالبدلات شهريا سكن وانتقالات وغيره لايقل عن 6 او 7 ده يدوبك واعرف حد صاحبي كان بياخد شهري اكتر من كدة بس هيسيب شركته عشان مش راضيين يدوله عمولته في المبيعات...
عرض للطباعة
فكر تاني ياباش مهندس المفروض المرتب بالبدلات شهريا سكن وانتقالات وغيره لايقل عن 6 او 7 ده يدوبك واعرف حد صاحبي كان بياخد شهري اكتر من كدة بس هيسيب شركته عشان مش راضيين يدوله عمولته في المبيعات...
مع ان المرتب قليل بس بقولك اقبل و اخلع من هنا
بس تأكد من ان الشركه الوسيطه مش نصابه
اسأل علي رقم الترخيص بتاعهم
هههههههههه انا برضه لما قريت اسمك اتخضيت فى الاول :)
والله يا باشا كلامك تمام بس برضه هرجع اقولك تانى ان اى شغل هنا بتتكلم فى 1500 او 1800 جنيه لمدة سنة
وتانى سنة بتاع حوالى الفين او الفين وشوية
ايه اللى يخلينى اقعد هنا بقى ؟ .... مش معنى انى اروح السعودية انى اعمل ملايين .... اه صحيح المرتب قليل بس احسن من هنا بكتير
ده عقد احتكار مش عقد عمل
هنا فى وجهتين نظر
الاولى تاخد الرسك و تتعلم و صدقنى هتتعلم كتييييير
او تخليك هنا لحد ميجيلك عقد كويس
شوف نفسك فى ايه
نصيحه سافر المرتب مش وحش وفى عموله ول اثبت نفسك هتذيد مصر مفيش فيها شغل اصلآ وكويس انو مطلبش منك خبره 5 سنين توكل على الله مع احترامي لرأي الاعضاء بس تلعوديه افضل من مصر فكل شئ اكل ومعيشه وصفاء نفسى عجيب متضيعش الفرصه ومش هتخسر حاجه الشغل مش مرمي فمصر يعنى لو معجبكش الحال ارجع عادى ده مش معتقل
المرتب طبعا قليل لكن بما انه مفيش حاجة تخسرها ومش مرتبط توكل علي الله انت سنك صغير ومحتاج خبرة سافر وجرب واتعلم واكتسب خبرة في مدة العقد.... في حكمة بتقول ان الا نسان بيتعلم من الوقت الصعب جمد قلبك واعتبر سنتين العقد مدة العملي بعد دراسة الكلية واللي في خلالهم تقدر تبحث عن الاحسن والافضل لوضعك وافتكر لعلة خير وترتاح ...... انا ضد ان حديث التخرج يقعد من غير شغل ويستني الفرصة علشان القهاوي مليانة كتير معظمهم عمرة عدي وهو لسة منتظر !!! ربنا يوفقك ويراضيك بكل خير .... تحياتي من مكة (:
اللي بيرخص نفسه ويقبل بأقل من قيمته لازم هيندم , لازم تجبر الناس على تقديرك بحسب شهاتك
المرتب قليل جدًا ولو شركة محترمة كان هيكون عندها salary scale لمهندس أعلى من كدا
ولو ضغطت شوية ممكن تقدر تزوده فيه مجال للتفاوض دائمًا
وأنا متأكد إن المكتب الوسيط في مصر لازم يشيلك حاجة
والمشكلة مش في إنه كدا كدا مش عنده وظيفة فيقبل وخلاص
المهندس المصري لما بيطلع بالمرتب دا بيخفض قيمة المهندسين المصريين حتى لو خريج
و 3000 ريال في السعودية هتعيشك زي 800 جنيه في مصر
المبلغ دا لا تجرؤ أي مؤسسة سعودية على عرضه على مهندس فلبيني ولا هندي
وهتيجي هنا بالمرتب دا يبقى هتتعب وهتشوف المرتبات و هتندم إنك قبلت
كان ممكن من 5 ولا 7 سنين ينفع المرتب دا لكن حاليًا فلتقل على الدنيا السلام
وأتحدى بعد ماتحط رجلك في السعودية المؤسسة تعملك أي زيادة أو تقبل بأي تفاوض
No pain, no gain
لكن تضحيات مقابل تضحيات يبقى قلته أحسن
لو كدا كدا هتطلع حاول تضغط تزود المرتب الأساسي و العمولة إفترض إنها مش موجودة
البنزين لو هنفترض في اليوم هتصرف 12 ريال بس !! , في الشهر هتصرف أكتر من 200 ريال
فلو هيدوك 200 بس هتحط الباقي من جيبك ؟
دا نظام فواتير مش بتتحدد كدا ووجودها محددة بالشكل دا في العقد يدل على التلاعب من طرفهم
إشتغل على نقطتين دلوقتي لو كان من الأمر بُد
تضغط لزيادة المرتب الأساسي
بدل المحروقات يتحسب بحسب الفواتير
تأمين صحي ( شركة محترمة )
تذكرة سنوية
ونصيحة لوجه الله
الواحد لما بيتعلم وياخد شهادة تقييمه للمرتب يكون بحسب الشهادة مش بحسب مصاريفه
هتعيش بـ 3000 ريال بس هتعيش عيشة عامل معندوش شهادة أو شهادته أقل مش هتعيش كمهندس