السلام عليكم جميعا
الموضوع ده طبعا مش اهانه للأطباء اللي اتحولوا جزارين يعني اكيد لسه في ناس كويسه
نخش في الموضوع
قريبه لينا كبيره في السن اصيبت والحمد لله بالموضوع اللي في العنوان ده
راحت ل 50 دكتور كللهم بيكرروا نفس العلاج
لحد اما (بالصدفه) راحت لدكتور ربنا يكرمه
وجهها للاتصال بممرضه تعمل في شكره بتأجر معدات طبيه
ليه بقى ؟؟؟
عشان الحاله دي مش بتتعالج بمراهم واسبراي.... الخ
لأ
في جهاز بييجي البيت بيتلف على رجل المريض يشفط اي سوائل من الساق, وسبحان الله والحمد لله, التحسن ممتاز بالنسبه للحاله
الجهاز ده كمان بيعالج قرحة مرض السكري اللي بتصيب الساق برضه
تخيلوا معانا بقى
ان الدكاتره بيتعمدوا ان الناس ماتعرفش الجهاز ده, ليه ؟
عشان تروحله تاني, وتالت, ورابع !!!
الممرضه اللي بتشغل الجهاز اقسمت, انهم بيدفعوا للدكاتره لمجرد انهم يوجهوا المريض للعلاج كده
بدل مايفضل رايح جاي عالدكتور بلا طائل
الموضوع ده مش تشهير
واكيد مش دعايه
اللي يعرف حد عنده المشكله دي يسأل على الجهاز ده
لأن يبدو ان حل الموضوع مش كريمات سطحيه خالص
وربنا يشفي كل مريض