سؤال عن اغلاق الابواب مازدا 3 2015

**bhussein1978** · 10-04-2015 11:40 PM

السلام عليكم....

فى العادى فى اغلب العربيات يتم اغلاق الابواب كلها (لوك) أول ما تتحرك العربيه أو بعد سرعه معينه . هل ده موجود فى العربيه؟ و لم مش موجود ممكن حاجه تركب تعمل الخاصيه دى؟؟

وبرضه هل ممكن تعمل لوك و العربيه دايرة من بره بالمفتاح؟ انا جربت لقيت لازم تبطل العربيه. الفكرة أن احيانا بانزل اشترى حاجات و اسيب الاولاد فى العربيه و التكييف شغال و اقفل عليهم.

مع الشكر

**elostaz13** · 13-04-2015 12:48 AM

اوبشن غلق الابواب عند التحرك موجود في الفل اوبشن من خلال الشاشة تقدر تفعله في فديوهات بتشرح الطريقة اما لو معاك الفئة الاولى زي اللي معايا خليجي مافيش الاوبشن دا ومعتقدش ممكن يركب وبخصوص قفل الباب والسيارة شغالة ايضا مينفعش الا لو اللي راكب جوة عمل اللوك من الباب من الداخل وتقدر انت تفتح من الرموت لما ترجع ممكن استفسار انا بقى عملت مزامنة للاسماء في التلفون اسم اسم بالنطق والا كلهم مرة واحدة ؟؟؟

**bhussein1978** · 14-04-2015 09:52 PM

المشاركة الأصلية كتبت بواسطة elostaz13

اوبشن غلق الابواب عند التحرك موجود في الفل اوبشن من خلال الشاشة تقدر تفعله في فديوهات بتشرح الطريقة اما لو معاك الفئة الاولى زي اللي معايا خليجي مافيش الاوبشن دا ومعتقدش ممكن يركب وبخصوص قفل الباب والسيارة شغالة ايضا مينفعش الا لو اللي راكب جوة عمل اللوك من الباب من الداخل وتقدر انت تفتح من الرموت لما ترجع ممكن استفسار انا بقى عملت مزامنة للاسماء في التلفون اسم اسم بالنطق والا كلهم مرة واحدة ؟؟؟

شكرا للرد...
انا دورت فى الاوبشن اللى فى الشاشه كله و للاسف غير موجود. اللى موجود بس ان العربيه تقفل لوحدها بعد ما تبطلها و تمشى! مش متخيل ان يكون حاجه زى اغلاق الباب مع المشى مش متاحه. و عموما هسأل التوكيل فى أول صيانه ان شاء الله

للعلم لو العربيه دايرة المفتاح بيتلغى من برة يعنى لازم الباب يتفتح يدوى من داخل السيارة :(

الاسماء كلها بتنزل عالشاشه أول ما توصل التليفون و التعرف الصوتى مش محتاج تعريف و شغال كويس المشكله لما تكون سرعه مروحه التكييف عاليه بيلخبط جامد.

**Omar Sarray** · 24-04-2015 03:37 PM

متاحه وموجوده فى اعلا فئه واصبر شويه لان حتنزل دفعه جديده من مازدا 3 وفيها جنوط احلا وهيا 18

**bhussein1978** · 24-04-2015 07:12 PM

المشاركة الأصلية كتبت بواسطة omar sarray

متاحه وموجوده فى اعلا فئه واصبر شويه لان حتنزل دفعه جديده من مازدا 3 وفيها جنوط احلا وهيا 18

والله يا باشا أن عامل 2000 كم دلوقتي :) هايلاين بس مفيش الاوبشن ده لحد الآن :d

**Omar Sarray** · 29-04-2015 04:43 PM

مفيش ازاى أسأل توكيل منا موجود شغاله عندى عادى

**bhussein1978** · 29-04-2015 05:06 PM

المشاركة الأصلية كتبت بواسطة omar sarray

مفيش ازاى أسأل توكيل منا موجود شغاله عندى عادى

الله يبشرك انا الموضوع ده كان مضايقني جدا مع اني سألت المهندس قالي مش موجود :(

**Omar Sarray** · 29-04-2015 06:07 PM

فى مثل يقولك اسال مجرب ولا تسال طبيب ازاى مش موجوده والحاجه دى اساسيه فى كل عربيات الجديده ازاى مش موجوده تلاقيه هوا مش فاهمك وله احاجه

**الدكتور كريم** · 08-01-2017 01:06 AM

السلام عليكم
انا عايز اسال سيادتكم سؤال يا

Omar Sarray

هو انتى راكب مازدا خليجيهيا هيا نفس الاوبشن بتاعت مصر و انا عندى مازدا ٣ هاي لاين و مفيش اوبشن فى الشاشة لغلق الابواب اوتوماتيك عند تحرك السيارة هل فى حل
وشكرا

**Omar Sarray** · 10-01-2017 09:32 AM

لو انت عندك مازدا اعلا فئه فيها بتاكيد سنتر لوك استحاله اعلا فئه مفهاش ياعمى دى لادا جرانتا الى محدش بيبص عليها فيها اعلا فئه سنترلوك ازاى بقى مازدا خليجى اعلا فئه او توكيل مصر مفهاش ازاى