رجه عند الحركة من التوقف و السيارة على الغيار الاول و الانذار فيه مشكلة

السلام عليكم
السادة اساتذة اللانوس
يا جماعه انا دلوقتى بحس برجه شديده لما اكون واقف فى اشارة اول او لما بحرك العربيه من مكان ما انا راكنها المشكله دى ممكن تكون من ايه و ياترى تكلفة اصلاحها كام و هل خطيره ولا ممكن اصبر عليها
و فى حاجه كمان الانذار فى العربية حساس جدا لدرجة ان لو العربية عدا جنبها اى حاجة موتسيكل توكتوك او عربيه صوت الموتور بتاعها على شويه الانذار يزمر علطول و طبعا ده عملى ازعاج جامد و كمان دايما البطارية بلاقيها فاضيه و انا متاكد ان ده السبب فياترى الموضوع ده حله ايه و هل محتاج كهربائى ولا ايه بالضبط

انا هجاوبك فى حدود على
1-الرجه دى ممكن تكون من قواعد الموتور عاوزه تتغير . خالى حد يبصلك عليهم
2-الإنذار ممكن توطى الحساسيه بتاعته من الوحده إلى راكبه لو متعرفهاش ممكن تخلى كهربائى يعملهالك ومش هتاخد 5 دقائق
وإستنى رأى حد تانى من الأعضاء للتأكيد

الرجة دي اسطوانة دبرياج 100%.. أكيد حضرتك ما غيرتش الاسطوانة من أكتر من 5 سنين. أو طريقة سواقتك بتحمل على الدبرياج أكتر من اللازم.. يعني مثلا تقف في الإشارات وانت دايس دبرياج.. أو توقف العربية على مطلع مثلا باستخدام الدبرياج والبنزين.. أو حتى السواقة المستمرة في الزحمة مع استخدام الدبرياج باستمرار.


موضوع الإنذار بسيط جدا.. هتلاقي حضرتك لما ركبت الإنذار في العربية جاي معاه زرار للتحكم في حساسية الإنذار (زي الزرار اللي بتعلي وتوطي منه الصوت مثلا).. وغالبا هتلاقيه متوصل على اللمبة اللي بتنور لما بتقفل العربية وتشغل الإنذار.

شوف الكهربائي حطلك الزرار ده فين.. ممكن يكون تحت الدركيسون مثلا.



...

حضرتك بالنسبة للرجة
لو فى حالة السكون بتحس زى رعشة وانت واقف تبقى قواعد الماتور وانا عندى قطم كورى ممكن تاخده تجرب لو المشكلة راحت ولا لا
ولو فى حالة الطلعة بتاعت العربية بتحس برعشة يبقى اسطوانة ودسك للدبرياج
بالنسبة للانذار يجب ضبط حساسية الانذار عشان تبقى اقل
تحياتى

السلام عليكم
الاخوه الافاضل
اولا احب اشكركم على اهتمامكم و تعليقاتكم اللى استفدت منها و كنت حابب اعرف هل موضوع الاسطوانة و الديسك دول شراء قطع غيار و التركيب يتكلفو كام و هل فى اى خطر لو الواحد صبر عليهم شويه
و تانى حاجه هل فى حد من حضرتكم يقدر يرفع صوره لحساس الانذار و يشاور على الزرار اللى اقدر اوطى منه الحساس شويه لان كل الناس اللى سالتها بتقول الموضوع سهل و ممكن اعمله انا بدل ما اروح للكهربائى و العطله عنده
و شكرا