السفر الي تايوان

**Yasser Farid** · 11-04-2015 01:41 AM

السلام عليكم
لو سمحتم انا جايلي شغل في جامعه في تايوان او جمهورية الصين براتب الف دولار شهريا
هل الراتب دا يكفيني انا وزوجتي وطفل عمرة سنة؟ يعني هل في غلاء هناك ولا رخيصه؟
هل الحياة هناك سهلة ومريحة ولا في اضطهاد او رهاب اجانب؟
هل هقدر احوش منه ولو لا - هل في فرصه الاقي شغل بارت تايم انمي بيه دخلي؟
اكتر حاجة كويسه بالنسبه لي في الشغل دا اني رايح اشتعل في مكان عالي جدا و في مجالي
ياريت اسمع ردودكم سريعا ان شاء الله
شكرا جزيلا
اخوكم ياسر

**amr011111** · 11-04-2015 01:57 AM

مش عارف العيشه هناك غاليه ولا لاء بس اللى متأكد منه انك لو روحت اى دوله عربيه كاستاذ فى جامعه هتاخد اكتر من الف دولار بكتير

**Yasser Farid** · 11-04-2015 02:13 AM

شكرا لردك
انا مش استاذ
انا معايا ماجستير فقط

**yasser100** · 11-04-2015 10:02 AM

الف دولار اى كلام . للاسف مرتب بخس و بيستهبلوا . زى الف جنيه هنا . تايوان مش رخيصه . طبعا ده مشروع بحثى لمده معينه و بيبعتوا للباحثين من دول كتير خصوصا دول العالم التالت علشان سعرهم رخيص .

**Yasser Farid** · 11-04-2015 10:24 AM

المشاركة الأصلية كتبت بواسطة yasser100

الف دولار اى كلام . للاسف مرتب بخس و بيستهبلوا . زى الف جنيه هنا . تايوان مش رخيصه . طبعا ده مشروع بحثى لمده معينه و بيبعتوا للباحثين من دول كتير خصوصا دول العالم التالت علشان سعرهم رخيص .

شكرا جزيلا
يعني من وجهة نطرك انهم مش هيكفوني كمعيشة ولا مش هقدر احوش؟
لان انا مش باصص للفلوس دلوقتي خالص

**yasser100** · 11-04-2015 10:35 AM

المشاركة الأصلية كتبت بواسطة Yasser Farid

شكرا جزيلا
يعني من وجهة نطرك انهم مش هيكفوني كمعيشة ولا مش هقدر احوش؟
لان انا مش باصص للفلوس دلوقتي خالص

مش هاتحوش حاجه . هاتعيش بالعافيه لو معاك اسرتك . هاتعيش معقول لوحدك . بس فى الحالتين مش هاتحوش حاجه و ده اللى همه قاصدينه . يعملوا شغلهم باقل تكلفه و عدم خروج فلوس خارج البلد و يقولوا كفايه عليه الخبره فى ال cv بتاعه . عندى اصدقاء كتير نفس القصه . هاتضيع سنتين او 3 فقط علشان خبرة انك اشتغلت فى المشروع الفلانى و هاتعطل نفسك لو انت بتحضر ماجيستير او دكتوراه .
رأيي مش تايوان اللى تجازف فيها . ممكن الكلام ده لو امريكا او كندا او المانيا .

انك تلاقى شغل بارت تايم . ما اعتقدش انهم هايسيبوك يكون عندك وقت لكده .

**Yasser Farid** · 12-04-2015 12:47 AM

؟؟؟؟

**Mahmoud Naguib** · 12-04-2015 03:23 AM

دور ف الخليج برضه !!
ولو ملقيتش روح ودور وانت هناك على فرصة أفضل هتلاقي فرص حلوة كتير !
وبرضه كونك سافرت تايوان ده هيبقى إضافة حلوة للسي في بتاعك بعد كدة لو حبيت تسافر اي دولة خليجية أو ف شرق آسيا وحتى ف مصر !

مصر الحلم فيها للأسف أصبح مستحيل ما بالك بالواقع !!

**أحمد كمال** · 12-04-2015 09:02 AM

الف دولار برة مصر في اي دولة متحضرة ما تجيبش مرتب عامل توصيل بيتزا

-

الموضوع: السفر الي تايوان

LinkBack

أدوات الموضوع

عرض

-

-

-

-

-

المواضيع المتشابهه

لانسر بوما تجميع تايوان

جسر قوس قزج في تايوان

! حد جرب يركب ماستر دبرياج تايوان في البومة

حادثة كبيرة بأتوبيس فى تايوان

الكلمات الدلالية لهذا الموضوع

المفضلات

المفضلات

ضوابط المشاركة