مشكلة غريبة جدا في السيراتو و محتاج مساعدة

**ahmedhossam86** · 11-04-2015 02:39 PM

شباب.. معايا سيراتو 2011 الفتيس القديم.. ماشية 83000 كيلو و فيها مشكله غريبة اوي.. انا الحقيقة مش عارف اربطها بمشكلة في الفتيس و لا الفرامل و لا قاعدة الموتور و لا المروحة!

لما باكون جايب الفتيس علي وضع n و دايس فرامل مفيش اي حاجة بتحصل و الدنيا ظريفة.. انقل علي r برضه نفس الحال..

اول ما انقل علي d اسمع صوت كركبة (بتفكرني بكركبة العربيات القديمة قبل ما تبطل).. ارجع للـ n او الـ r مايحصلش حاجة.. الموضوع ده بيزيد اكتر مع التكييف بشكل مبالغ فيه و باحس برجة جامدة في العربية..

**ahmedhossam86** · 14-04-2015 11:38 AM

ايه يا جماعة مشكلة مالهاش حل و لا ايه؟؟

**dentanta** · 15-04-2015 11:29 AM

حصلت معايا قي الانسر وكان السبب اني طلعت علي صخره حد ابن حرام حطها علي السريع فالعربيه طلعت جامد ونزلت بهبده جامده وبعدها ظهرت المشكلة لما كشفت لقيت قواعد المكنه مكسوره وغيرتها والحمد لله كانت تمام بس ده كان في للانسر اتوماتك عامله نفس المشكله اللي بتحكيها

**ahmedhossam86** · 15-04-2015 01:31 PM

متشكر يا باشا.. انا برضه واحد صاحبي كان عنده نفس المشكلة و عمل تغيير لقواعد الموتور.. كانت عنده في الكورولا.. و تكلفتها حوالي ألف جنيه.. عندك فكرة بكام في السيراتو؟؟ انا اكيد خدت مطبات جامدة بيها