فيه ناس هنا في المنتدى بتدخل تعمل المشاركة مرتين بنفس الإسم ...أو يعمل المشاركة وبعدين لما محدش يرد عليها أو يحصل تأخير في الرد يقوم عاملها تاني بس بإسم تاني ..وتلاقي الردود جاياله على المشاركه القديمه وهو قاعد مستنى ردود في المشاركة الجديدة ..الموضوع ده بيعملي فصلان ..لإني بكون لسه رادد على مشاركة فيها مشكلة معينة أو إستفسار معين ..وبعدين أدخل مشاركة تانيه بإسم تاني ألاقي نفس المشكلة وبالنص ..يعني هو حتى قام ناسخها كده كوبي بست وقام عامل مشاركه جديده بإسم تاني ..طيب مش المفروض المشاركات اللي بالشكل ده تتحذف ويتم الإبقاء على مشاركه واحده بس ..أحسن ما الواحد كده حاسس إن في أعضاء بيطلعوا بمنظرين ..أو داخلين المنتدى بنفرين ..ولا هو إستعجال من صاحب المشاركة إنه يلاقي أي رد على مشكلته ..طيب ما في ناس ردت على مشاركتك الأولانيه اللي إنت ما تبعتهاش أصلا ..وقاعد مستنى ردود على المشاركة التانيه ..مش عارف بصراحه ده إسمه إيه ؟؟؟
المفضلات