اجيب فيات 128 ولا لأ !!!

**eng_ahmed2002** · 11-04-2015 09:50 PM

اصدقائى الاعزاء .. انا عمال اتابع اغلب المنتديات ( لكل نوع عربية يعنى ) لانى عايز اشترى عربية .. بصوا دى اول عربية وانا بسوق خفيف .. وقلقان اجيب عربية غالية تتبهدل منى .. رأيكوا اية .. اجيب فيات 128 ولا ح تتعبنى عند الميكانيكية .. وطبعا انا مش عايز تغلبنى وكل يوم انزل اشترى قطعة غيار والميكانيكى يعذبنى والعربية تشغلنى عندها ..... مش عندى صبر .. ياريت حد ينصحنى من الخبراء .. الخلاصة دى اول عربية يعنى عايز عربية اتعلم فيها ومش تتعبنى وبعد سنة او اتنين ابيعها واجيب بأة عربية العمر تكمل معايا ( 10 - 15 ) سنة ( لو فية عمر ) ... المبلغ اللى معايا حوالى 20 الف وممكن نزودهم شوية ... وشكرا لكل السادة الخبراء .. مهندس احمد :b4_556:

**eng_ahmed2002** · 13-04-2015 01:19 PM

ما فيش ردرود .. يظهر ان مالكى 128 قرفوا منها .. انا عملت نفس المشاركة فى منتدى السوزوكى علشان الناس نصحتنى اجيب ماروتى .. بصراحة هناك ناس عسل ... ردوا .. وقالوا الخلاصة ... واللى طمنى اكتر ان هنا محدش رد .. يبقى الناس مخنوقة من 128 .. شكرا .. الحق افلسع انا بأة .... سلام

**Zing0** · 13-04-2015 03:07 PM

أدام بتدور على راحتك و مش عاوز "تصاحب" الصنايعية يبقى تبعد عن طريق الفيات القديم كله
ماروتى طبعاً ممتازة
الماروتى أحدث و العامل الزمنى عليه عامل كبير
قطع الغيار رخيصة و المصنعية
شكل أحدث و صوت أهدى و استهلاك بنزين أقل
بس المهم متجريش بيها فوق الـ 100 كم/س

أعانك الله