فيات 128 ولا ماروتى

**eng_ahmed2002** · 11-04-2015 09:54 PM

السادة الخبراء الاعزاء .. انا عملت مشاركة فى الفيات وح اعمل مشاركو هنا لنفس الموضوع
... انا عمال اتابع اغلب المنتديات ( لكل نوع عربية يعنى ) لانى عايز اشترى عربية .. بصوا دى اول عربية وانا بسوق خفيف .. وقلقان اجيب عربية غالية تتبهدل منى .. رأيكوا اية .. اجيب فيات 128 ولا ح تتعبنى عند الميكانيكية .. وطبعا انا مش عايز تغلبنى وكل يوم انزل اشترى قطعة غيار والميكانيكى يعذبنى والعربية تشغلنى عندها ..... مش عندى صبر .. ياريت حد ينصحنى من الخبراء .. الخلاصة دى اول عربية يعنى عايز عربية اتعلم فيها ومش تتعبنى وبعد سنة او اتنين ابيعها واجيب بأة عربية العمر تكمل معايا ( 10 - 15 ) سنة ( لو فية عمر ) ... المبلغ اللى معايا حوالى 20 الف وممكن نزودهم شوية ... والبعض نصحنى بالماروتى ... رأيكوا اية .... وشكرا لكل السادة الخبراء .. مهندس احمد :b4_556:

**shake** · 11-04-2015 11:58 PM

انا مش عارف 20 الف تجيب ماروتى حالتها حلوة ولا لا بس على العموم الماروتى حلوة وموديل حديث والعربية حالة بس اكيد مش هتروح للميكانيكة كتير عكس الفيات 128

**Mahmoud.Fathy** · 12-04-2015 09:06 AM

لو ينفع تقسط ماروتي او التو زيرو وتدفع ال 20 مقدم وتكمل اقساط هيكون احسن مليون مرة من اى عربية مستعملة ...

**J A G U A R** · 12-04-2015 07:29 PM

يركبوك ماروتى موديل اوائل الالفين بس ممكن تزود حاجه بسيطه

**alking_2006** · 13-04-2015 12:06 AM

ماروتى طبعا
بس حاول تزود المبلع شوية و تجيب موديل مش اقل من 2008 مثلا علشان متتعبش معاها

**Abu mazen** · 13-04-2015 12:39 AM

انا كان معايا 128 وكانت مبهدلاني وعفشيتها بتتعب بسرعه ودايما فاتحه بقها اما الماروتي مع انها اصغر بس ماشاء الله بتستحمل واصيله انا شايف حتي لو مش هتجيب ماروتي بلاش 128

**eng_ahmed2002** · 13-04-2015 01:06 PM

انا عاجز بجد عن الشكر وربنا يجازيكوا خير يا افاضل .. لكل اللى رد واللى نصحنى Abu mazen و alking_2006 و vip74 و m_m_sh_a و J A G U A R و Mahmoud.Fathy و shake الف ميرسى ليكوا وشكلى ح اجيب ماروتى .. بس انا كان قصدى شىء حاجة مؤقتة بدل ما ادشدشها وانا بتعلم .. على العموم برضة الماروتى صغيرة وح اتعلم فيها بسهولة .. ومش ح تبقى ضايعة وحالتها بؤس .. شكرا ليكم .. بس كدة باة ح اروح لمنتدى السوزوكى - الماروتى .. بس طبعا مش ح استغنى عنكم .. اى مشكلة ح اعرضها واللى يقجر ينصحنى .. يبقى لية الف شكررررررررررررررررررررررر رررر .. سلام مؤقت