بخصوص شراء ليون 2009 مانيوال افيدوني بالله عليكم

**PeerFly** · 12-04-2015 12:21 AM

السلام عليكم ورحمة الله وبركاته

انا معروض عليه اكتر من عربية ليون 2009 و 2008 مانيوال

الاسعار من 80 الي 90 الف هل دا طبيعي ولا رخيص ؟

بس انا خايف لاني بصراحة معرفش اى شئ عن العربيات دي

فا ياريت تفيدوني بالله عليكم

ايه عيوبها وهل فعلا هي في اعادة البيع صعبة عشان مانيوال ؟

وقطع الغيار متوفره ولا لا واسعاراها معقولة ولا غالية زي ما سمعت

ياريت كل الى عنده نصيحة او معلومة لا يبخل علي بها

وجزاكم الله خيرا

تحياتي

**blazer** · 12-04-2015 01:55 AM

متابع

**monamize4** · 12-04-2015 02:51 AM

عربية محترمة جدااااااا
و كون انها مانيوال يبقى انت كدا هتستريح من اهم مشكلة و هى الفتيس ال dsg
بس الليون تقيلة ف البيع و المانيوال منها هيكون اصعب كمان

عموما لو دى اول عربية ليك او لو بتغير عربيات بسرعة او بتحب العربيات اللى قطع غيارها ف
كل حتة و اى ميكانيكى يشتغل فيها او مش بتحب المانيوال يبقى الليون مش هى الاختيار المناسب

لو دا كله مش فارق معاك و فقط محتاج ركوبة محترمة يبقى مبروك عليك عربية ممتازة
مش هتلاقى اى بديل تانى بالسعر دا يديك نفس المستوى اللى بتقدمه الليون

**PeerFly** · 12-04-2015 06:55 PM

المشاركة الأصلية كتبت بواسطة monamize4

عربية محترمة جدااااااا
و كون انها مانيوال يبقى انت كدا هتستريح من اهم مشكلة و هى الفتيس ال dsg
بس الليون تقيلة ف البيع و المانيوال منها هيكون اصعب كمان

عموما لو دى اول عربية ليك او لو بتغير عربيات بسرعة او بتحب العربيات اللى قطع غيارها ف
كل حتة و اى ميكانيكى يشتغل فيها او مش بتحب المانيوال يبقى الليون مش هى الاختيار المناسب

لو دا كله مش فارق معاك و فقط محتاج ركوبة محترمة يبقى مبروك عليك عربية ممتازة
مش هتلاقى اى بديل تانى بالسعر دا يديك نفس المستوى اللى بتقدمه الليون

متشكر جدا لردك واهتمامك لكن عندي اكتر من استفسار

اولا اسعار قطع الغيار غالية فعلا ولا لا ومتوفرة ولا في اماكن معينه تقصد ؟

ثانيا العربية ليها عيوب تانية غير موضوع الفتيس الاوتو ؟

موضوع البيع مش فارق معايا كتير لانها هتعد معايا مش اقل من سنتين او 3

ياريت حضرتك تفيدني واسف لو كنت تعبتك معايا

وشكرا مقدما

**PeerFly** · 12-04-2015 06:57 PM

المشاركة الأصلية كتبت بواسطة ah-elgendy

ع فكره بالسعر ده ممكن تجيب حاجات تانيه كتير متحصرش نفسك فى سيات بس المبلغ اللى معاك كويس

ياريت حضرتك تديني اقتراحاتك

بس المشكلة اني مش عايز عربيات خارج الاطار الالماني او الاوروبي عموما

وشكرا لاهتمامك

**monamize4** · 12-04-2015 10:55 PM

المشاركة الأصلية كتبت بواسطة peerfly

متشكر جدا لردك واهتمامك لكن عندي اكتر من استفسار

اولا اسعار قطع الغيار غالية فعلا ولا لا ومتوفرة ولا في اماكن معينه تقصد ؟

ثانيا العربية ليها عيوب تانية غير موضوع الفتيس الاوتو ؟

موضوع البيع مش فارق معايا كتير لانها هتعد معايا مش اقل من سنتين او 3

ياريت حضرتك تفيدني واسف لو كنت تعبتك معايا

وشكرا مقدما

بالنسبة لقطع الغيار بالذات ياباشا ,, لازم تسأل انت عنها بنفسك
عشان تعرف هل متوفرة ف محافظتك او قريب من مكان سكنك و لا لأ
خصوصا قطع الغيار اللى مش مشتركة مع موديلات تانية من vag

نسيت اقولك ف العيوب انها مش عاليه عن الارض
و ع فكرة العربية فيها اوبشنز كتييييييييييييييير

**monamize4** · 15-04-2015 09:50 AM

المشاركة الأصلية كتبت بواسطة peerfly

متشكر جدا علي اهتمامك

بس معلش هتقل عليك ياريت تقولي كل العيوب الى تعرفها عن العربية غير انها واطية

باستثناء النقط اللى اتكلمنا عنها ,, مفيش حاجة تانية مهمة

وايه الاوبشن الي فيها

اللى فاكرهم ,,فتحة سقف , مثبت سرعة , مرايات ضم , ملتى فانكشن , 8 ايرباجز ,
voice command , و حدة رفع

وبالنسبة للثبات والسحب والسرعات العالية فعلا هي هي الجولف ولا لا ؟

سحبها كويس اما ثباتها ممتاز
العربية مبنية على نفس شاسية الاودى a3 و الجولف 5 و 6 و الجيتا
و بيشترك معاهم موديلات تانية ,, و الموتور برضه موجود ف موديلات كتير من vag

ومشكووور مقدما

من ناحية المميزات ,, اطمن خالص ياباشا
المهم ان يكون مش فارق معاك انها تقيلة ف البيع
و لازم تسأل بنفسك عن اسعار قطع الغيار و مدى توافرها قريب منك

**SYD** · 18-04-2015 09:41 PM

في البداية احب ارحب بيك في قسم سيات نايل موتورز

العربية ليون من اول لما نزلت في سنة 2000 كانت نازلة عشان تكافئ الجولف وتسد الفراغ بين الأبيزا كعربية هاتشباك صغيرة (city car) وبين التوليدو العائلية المتوسطة (Compact car)
وعلي فكرة هي النسخة الهاتشباك من التوليدو وبالتالي هي داخلة في نفس الفئة بتاعة الكومباكت بس بيسومها C-Segment
التوليدو يا باشا ماشية مع الجولف والأوكتافيا لحد سنة 2002 وبعدين اختفت التوليدو (من مصر علي الأقل لأنها نزلت برة لحد 2009)
الليون بتكمل مسيرة التوليدو الناجحة وبردو ماشية مع الجولف والأوكتافيا علي نفس المنصة
الليون 2000 مبنية علي منصة الجولف 4
الليون 2009 مبنية علي منصة الجولف 5
الليون 2013 مبنية علي منصة الجولف 7 (أسمها MQB)

شوف الموضوع دة لو حابب تتعرف اكتر عن منصات فولكس

نظرة عن كثب: كل ما تريد معرفته عن منصات مجموعة فولكسفاجن

نرجع للسؤال بتاعك
بص يا باشا كل اللي يسري علي جولف 5 يسري عليك تقريباً
من حيث قطع الغيار والعيوب والمميزات والأوبشنز كمان (ممكن سيات تكون اقل حاجة بسيطة اوي ان ماكنتش زيها بالظبط)

وعلي فكرة الموديل دة بالزات من الليون مطلوب اوي بين الشباب اللي بتفكر في جولف 5 و 6 وغالية عليهم وهتلاقيها منتشرة جداً في مدينة نصر وأكتوبر

ماتخافش منها ودووس

تحياتي