السلام عليكم
محتاجة مساعدتكم وخبرتكم
عاوزة اتعلم السواقة :driving:واطلع رخصة
قولولى بئا الخطوات اللى امشي عليها واحده واحدة كدة
عرض للطباعة
السلام عليكم
محتاجة مساعدتكم وخبرتكم
عاوزة اتعلم السواقة :driving:واطلع رخصة
قولولى بئا الخطوات اللى امشي عليها واحده واحدة كدة
أول حاجه هتعمليها تروحى تقدمى فى مدرسه المرور وديه هتدفعى فيها فلوس حوالى 300 جنيه او اكثر قليلاً ومش هتحضرى المحاضرات بس الموضوع ده بيخلى الامتحان بتاعك سهل يعنى ممكن متمحنيش اشارات وفى امتحان القياده ممكن وانتى راجعه ترجعى طوالى مش حرف اس وممكن مترجعيش خالص :)
ميزة المدرسه انك ان شاء الله هتنجحى فيها ان شاء الله
الحاجه التانيه تتعلمى بره مع اى مدرسه او حد من طرفك
ولو ناويه تجيبى عربيه اتوماتيك اتعلمى على اتوماتيك وامتحنى عادى على اتوماتيك
وبالتوفيق
شكرا للرد
يعنى
1- اتعلم في مدرسة لتعليم
2-اروح اقدم فى مدرسة المرور اللى المفروض انا تابعة ليها
3- هروح امتحن بئا عشان اطلع الرخصة
مظبوووووووووط
كمان ادرببى على الامتحان النظرى
طيب حد يقدر يقترح لى مكان اتعلم فيه ولا كلة زى بعضه !
انا لسة مطلع الرخصة الاسبوع الي فات
وافضل مدرسة مرور بين السريات كنت مع مدرب اسمه عم صيام محترم جدا
وفي حوالي 10 مدربين غيره او اكتر
اول يوم روحت اسال قالي عايز شهادة باطنة و نظر وصور قولتلها ماعيش حاجة
باعتت معايا امين صورني واداني 8 صور وشهادة باطنة ونظر وظبطلي الدنيا ده كل بي 50 جنية بي
( تصوير و الشهادتين باطنة ونظر )
طلبة المؤهل والحمد الله كان مكتوب في البطاقة الجامعة و الكلية ولو مخلص دراسة لازم شهادة
هتدفعي 365 جنية وتاخدي وصل وجدول وهتدفعي 20 جنية ضريبة وشهادة اختبار سواقة و نظري
هتتخدي جدول تدريب لمدة اسبوع بالظبط هيعلمك تطلعي بالعربية ازاي اول يوم وتمشي قدام وترجع بس
تاني يوم نفس الموضوع بس بي اقماع
بداية من ثالث يوم حرف S الي هو امتحان المرور بيدربك عليه
التدريب ده هياخد اسبوع بالظبط وانت بتظبطي مواعيدك مع المدرب
انا كنت بروح الصبح بدري قبل ما اروح الجامعة وبندرب في ارض جنب جامعة القاهرة علي طول وقريب من المترو
يوم الامتحان بقي
المدرب بيودينا الصبح بدري و بيحجزلنا عشان ما نقفش طوابير وبيبقي معانا مافيش ربع ساعة والكل بتوع المدرسة بيخلصوا ونخش الاشارات بيكون هو مدينا الاسئلة من اول يوم علي اسطوانة ( 12 سؤال )
دقيقة بنخلص ونمشي ناخد الملف وكل واحد يروح المرور الي تبعها حسب عنوانه يتصور بس
تديهم الشهادة انك مدرسة سواقة هتخشي تصوري وتدفعي الرسوم 55 بالظبط وشكرا وتاخدي الرخصة في دقيقتين
ومبروك عليكي الرخصة :biggrin2:
لو عايزة رقم المدرب او اي سؤال انا موجود
انتى مرور جيزة ولا قاهرة ؟