كيف اتاكد من مساحة الشقة المعروضة للبيع تمليك

**abokoko** · 12-04-2015 07:56 PM

http://www.nilemotors.net/Nile/463678-a.html

اعرف ازاى ان المساحة اللى بيقول عليها صح
ما هى نسبة المساحة المشتركة للسلم و المنور
كيف يتم المحاسبة على المياه و الكهرباء بالنسبة للعمارة كلها وحساب نصيب الشقة منها

**Forever.Leo** · 12-04-2015 09:18 PM

المفروض العمارة لها رسومات هندسية منها رسم plan لمسطح العمارة عليه مقاسات تخليك تعرف مساحة شقتك و ممكن تقارنها بالواقع لو حبيت .. نسبة شقتك من السلم و المناور بيحدده تصميم العمارة و كام شقة في الدور .. بالنسبة للمية في حال وجود عداد عمومي للعمارة بالكامل .. و عداد كهربة للسلم و الاسانسير فبتتقسم على الشقق بشكل متساوي الا في حالة وجود تفاوت بالمساحات بين الشقق فبيكون الحساب حسب اتفاق السكان .

**hugan** · 12-04-2015 11:19 PM

الشقه اي حد شغال في مجال المعمار ممكن يقيسها بالسم
لما الاجمالي تعرفه هاتقدر تعرف صاحب العماره محمل علي الشقه كام متر

**abokoko** · 13-04-2015 10:46 AM

المشاركة الأصلية كتبت بواسطة hugan

الشقه اي حد شغال في مجال المعمار ممكن يقيسها بالسم
لما الاجمالي تعرفه هاتقدر تعرف صاحب العماره محمل علي الشقه كام متر

صعب فى الفترة دى انى اجيب اى حد يقدر مساحة الشقة
الراجل بالنسبة لى انسان كويس

هو بس وسوسة الستات وتشكيكهم فى المساحة

**Forever.Leo** · 13-04-2015 11:27 AM

المشاركة الأصلية كتبت بواسطة abokoko

الرسوم لسه معاه للاننا لسه بنتكلم ونتفاوض
والستات وما ادراك ما الستات بيقولوا الشقة اقل من المساحة اللى بيقول عليها
هههههههههه

اللى ااقصدة بالكهرباء و المياه
هو هل هيحاسبنى على التكلفة الاوليه لهم
ولو هيحاسبنى هيكون ازاى
علما بوجود خزان مياه ارضى

هو طبيعي تبقى مساحة الشقة اقل من اللي بيقول عليه المالك لانه بيبقى ضايف نسبتك في المناور و السلم لمساحة الشقة .. و ما فيش حرج انك برضه يبقى معاك نسخة من الرسم و لو حتى رسم مبدئي علشان تطمن .. بالنسبة للمية و الكهربا .. المفروض هو يتحمل تكلفة التوصيلات لحد مداخل الشقق و خصوصا الكهربا علشان تتأكد كمان ان مافيش مخالفة في العمارة .. هو عايز يحملك انت ليه ؟

**abokoko** · 13-04-2015 09:05 PM

يبقي معايا نسخة لما يكون الاتفاق تم ونهائي
حضرتك انا حاليا اتفرجت على الشقة
واللى معايا قالوا ان مساحتها اقل مما قاله البائع
احنا شفنا الرسوم الهندسية
وهو علق على المساحة وقال تقدروا تجيبوا اى حد بمعرفتكم يقيس الشقة
بس من اولها هنبدأ شك و ريبه

بالنسبة للخدمات
الخزان الارضي بيكون للمياه وخاص للعمارة كلها
والكهرباء كابل رئيسي لحد العمارة

**mendo** · 13-04-2015 09:27 PM

معظم الشقق بيكون محمل علي مساحتها 20-25% خدمات المنور والسلم وخلافه
تقريبا الشقه تكون في حدود 100 متر صافي والباقي خدمات
او ممكن تقسيم الشقه نفسه لو فيه ممرات مثلا بيخليك تحس انها اصغر لانها بتاخد من حجم الاوض والريسبشن
وطالما الراجل قالك هات حد يقيس يبقي هو واثق ... وانت لازم طبعا تجيب حد يرفعلك المقاسات وبعدين تشوف الصاقي وتحدد هل الشقه تستاهل تمنها ولا لا

**Yousef Fadl** · 14-04-2015 02:52 AM

لو ان الشقه مسجله ممكن تعرف عن طريق كشف التحديد المساحي ولو مش مسجله ممكن عن طريق كتابه بند في العقد ان المسطح ..... متر مربع غير قابله للزياده والنفصان ويمكن عن طريق احضار احد العاملين بالمساحه يقوم برفع المساحه ومعرفه نسبه الاجزاء المشتركه

**abokoko** · 17-04-2015 04:27 PM

حسب الرسم

ممكن اعرف المساحة الاجملية كام

و المساحة الصافية كام

-

الموضوع: كيف اتاكد من مساحة الشقة المعروضة للبيع تمليك

LinkBack

أدوات الموضوع

عرض

كيف اتاكد من مساحة الشقة المعروضة للبيع تمليك - انشر الموضوع فى :

-

-

-

-

-

-

المواضيع المتشابهه

شقة سكنية للبيع مساحة 160 م

شقة تمليك للبيع فى الاسكندرية 70 متر

شقة للبيع تمليك

مساحة الشقة الكلية بتتحسب ازاى

شقه للبيع تمليك

الكلمات الدلالية لهذا الموضوع

المفضلات

المفضلات

ضوابط المشاركة