استشارة فى الفتيس الاوتوماتيك لذوى الخبره
سؤال فنى بس يا جماعه للى عنده خبره فى الفتيس الاوتوماتيك . عربيتى ليجانزا كانت النقلات بتاعتها عنيفه اوى فقمت ريحت السلك بتاع المفاجىء شوية فلقيت النقلات بقت ناعمة خالص هل ده يأثر على الفتيس او يبوظ حاجه ؟عشان فى ناس بتيجى فى العربيات المانوال وتلعب فى سلك الدبرياج تخليه عالى بحيث انه يلقط فى الاخر خالص قبل ما تشيل رجلك من عالدبرياج علطول . الحركه دى بتبقى مريحه فى السواقه بالذات فى الزحمه بس بتخلى اسطوانة الدبرياج تتاكل بسرعه لان اللى بيعمل كده كأنه ماشالش رجله من عالدبرياج بشكل كامل فهل بقى الحركه اللى انا عملتها زى دى يعنى ممكن تأثر على الكلتشات بتاعة الفتيش مثلا وتخليها تتأكل ولا ايه محتاج افاده ربنا يرضى عليكم