هي المواضيع المكرره في المنتدى ما تعتبرش مخالفة ولا إيه ؟؟؟؟!!!

وبعدين بقى في حكاية المواضيع المكرره دي :H_angry[1]:..أنا بصراحه مش عارف أعمل إيه في الموضوع ده :120146b..من إمبارح للنهارده بتاع أربع مواضيع مكررين:angry27: ..هو مفيش مشرفين هنا يشوفوا حل :E_braces[1]:..عملت مشاركه من يومين عن الموضوع ده وفيه زميل هنا إقترح عليا إني أبلغ عن المشاركات دي :3mla:..وقد كان ..وبقيت ابلغ ..طب إدارة المنتدى تعمم تحذير مثلا بخصوص الموضوع ده ..الموضوع يتاخد بجديه شويه من إدارة المنتدى ..ولا هو كتر مشاركات والسلام ..يبقى ما نزعلش بقى من اللي بيعملو تعليق على مشاركه ويكتبوا فيه ..متابع ..أنا مبحبش أعلق على شغل حد ..بس أنا مش شغلتي إني أقضي وقتي في المنتدى عمال أبعت تقارير للإدارة عن المواضيع المكرره ..أنا بدخل المنتدى عشان أساعد الناس والناس تساعدني ..مش داخل أبلغ عن ده وأبعت تقرير في ده ..وفي نفس الوقت برضه إدارة المنتدى تعمل تعميم عشان الأعضاء ياخدوا بالهم ..يمكن هما مش واخدين بالهم مثلا

التكرار ممنوع طبعا ومنصوص على كده في قواعد المنتدى
نعتذر عن تاخر التدخل الاشرافى

انا اللى مستغرب لة بس انك واخد الموضوع بضيق

خلى روحك رياضية وخد الامور ببساطة

طالما لقيت موضوع متكرر فبتعمل تقرير مشاركة

وثق تماما برضو ان فية غيرك بيعملوا تقارير مشاركة
انت بس ركز مع الناس اللى انت عايز تساعدها لوجة الله
واكيد فية مشرفي لما بيدخلوا ويشوفوا اخر مواضيع تم نشرها ويحذفوا المتكرر

يا سيدي قمة الإحباط لما حضرتك تتعب عشان تكتب مشاركه ..وشغال كتابه بقى وعمال تشرح تجربتك مع مشكلتك اللي كانت مشابهه لصاحب المشاركة ..وإزاي بقى ربنا سهلك الحال وحليت المشكلة ..وتلاقي ناس متفاعله وكله عمال يدلي بدلوه عشان صاحب المشاركه يحل مشكلته ..وبعدين تلاقي صاحبنا سايب الدنيا دي كلها ..ورايح عامل نفس المشاركة بإسم مختلف ..أو بنفس الإسم كمان ..تبقى إنت مش عارف ترد عليه هنا ولا هناك ..طيب أنا نفسي أساعد صاحب المشكلة ..أصل مشكلته دي كان عندي أختها بالضبط وحليتها ..وبعدين بصراحه .وده عن نفسي بقى ..بحس إن مجهودي ملوش قيمه ..لإن بيبقى في ناس تانيه خالص ردت عليه في المشاركه التانيه المكرره بتاعته ..ولا أنا إستفدت من الردود اللي ردوها عليه ..ولا الناس اللي ردت عليه شافت ردي وإستفادت ..هي والله العظيم حاجه معنوية مش أكتر ..أنا لا باخد فلوس من ده ولا من ده ..كفاية بس إنك تبقى مع واحد في مشكلته كده واحده واحده .وييجي في الآخر يقولك الحمدلله ..حليت المشكله ..تصدق كانت المشكلة في كذا وكذا وكذا ..ويقوم قايلك مثلا .روح الله يسهلك طريقك ..هي دي القيمة اللي الواحد بيستناها من المشاركين ..إن مشاكلهم تتحل ..لكن أنا مش مركز في الموضوع ولا حاجه ..ده الموضوع هو اللي بييجي في طريقي وبيعملي نوع من الإحباط أو الزهق ..طيب تقدر تقولي إيه شعورك أو إحساسك لما تلاقيني عامل مشاركة تانيه بنفس الإسم ونفس الموضوع بكره مثلا أو كمان شوية ..وخاصة بقى لما حضرتك تحط نفسك مكاني وتكون إنت اللي كاتب الكلام اللي أنا كاتبه ده مش انا ..فيها قلة تقدير برضه مش كده ؟؟؟؟؟

هقولك انا

ببساطة اللى بيعمل موضوع او اكتر من موضوع بيعملهم عشان يضمن اكبر مشاهدة وبالتالى اكبر ردود

فهو كدة كدة لازم هيتابع كل المواضيع اللى هو عاملها

متقلقش مجهودك مش هيروح الارض وهو هيقراة يعنى هيقراة

واحد صاحبنا بيدعي عليك ليل نهار ...الاسبوع اللي فات كان في عربيته مشكله جامده ومش عارف
سببها وكان ياعيني واقع .. وهو راجل محترم في المنتدي عمره ما طلعت العيبه منه
قصره ... عرض المشكله في باب وبعدين اكتشف انه غلط فحط الموضوع في المكان الصحيح
وواحد ابن حلال ابتدي يساعده في حل المشكه ..
وعلي فكره عربيته كانت فعلا فيها مشكله مش بيعمل موضوع وخلاص
فا اذ بالمراقب الظاهر خد بالعناوين وراح شاطب الموضوع ومدي الصديق اسبوع ايقاف
في وقت الصديق محتاج فعلا لمساعده الاصدقاء
لاته المراقب لو قرا الموضوع كان حس انه الصديق عنده مشكله فعلا في عربيته ومحتاج حد يساعده
وكان شطب المشاركه من اي باب وساب التانيه .. لانه حرام الراجل مش عارف يعمل ايه والميكانيكيه
كل واحد بيفتي ..
الاخوه المراقبين مع كامل الاحترام رجاء حاولوا بس تتاكدوا قبل اتخاذ القرار

اقتباس:

---

المشاركة الأصلية كتبت بواسطة أمجد هووز

واحد صاحبنا بيدعي عليك ليل نهار ...الاسبوع اللي فات كان في عربيته مشكله جامده ومش عارف
سببها وكان ياعيني واقع .. وهو راجل محترم في المنتدي عمره ما طلعت العيبه منه
قصره ... عرض المشكله في باب وبعدين اكتشف انه غلط فحط الموضوع في المكان الصحيح
وواحد ابن حلال ابتدي يساعده في حل المشكه ..
وعلي فكره عربيته كانت فعلا فيها مشكله مش بيعمل موضوع وخلاص
فا اذ بالمراقب الظاهر خد بالعناوين وراح شاطب الموضوع ومدي الصديق اسبوع ايقاف
في وقت الصديق محتاج فعلا لمساعده الاصدقاء
لاته المراقب لو قرا الموضوع كان حس انه الصديق عنده مشكله فعلا في عربيته ومحتاج حد يساعده
وكان شطب المشاركه من اي باب وساب التانيه .. لانه حرام الراجل مش عارف يعمل ايه والميكانيكيه
كل واحد بيفتي ..
الاخوه المراقبين مع كامل الاحترام رجاء حاولوا بس تتاكدوا قبل اتخاذ القرار

---

يعني هو أنا اللي شيلت المشاركه اللي فيها تفاعل و تركت المشاركه اللي بدون تفاعل ؟؟؟..طيب ما هو كده وفع في المشكله اللي أنا كنت بقول عليها ...إن في مشاركه من الإتنين بيبقى فيهم تفاعل ..والمشاركه التانيه مفيهاش تفاعل ..يقوم لما المراقب يكتشف مخالفه زي دي ..سواء بسببي بقى أو إكتشفها صدفه يشيل مشاركه منهم ...طيب ما هو صاحب المشاركه هو اللي غلطان ..ما يصبر ..يستنى حد يتفاعل معاه ...أقولك ..ممكن يدخل يعمل تعليقات على المشاركه بتاعته عشان تيجي في الأول ..زي اللي بيدخلوا مثلا يقولوا إيه .....فين الردود ''''هو محدش هنا ولا إيه..مثلا يعني ..لكن لما هو يعمل مشاركتين يسيب واحده منهم ويحصل تفاعل على التانيه يقوم المراقب يعرف أو أقوم أنا أبلغ عن حاجه زي كده يرجع يدعي عليا أنا ..وأخيرا بقى أنا ما أسأتش ﻻي حد من اللي بيعملوا كده ..عشان حضرتك بتقولي محترم وما تطلعش منه العيبه ..أنا مغلطش في حد ..أنا كل اللي كنت بقوله ضمن قوانين المنتدى مش أكتر ..عموما أنا محبش أرمي حد في ضيقه ..أو أكون سبب في إنه يتحط في مشكله .. أنا على إستعداد إني أعمل مشاركه فيها إعتذار للشخص اللي وقع في المشكله ..لكن برضه مش هعتذر إني ببلغ عن المشاركات المكرره

اقتباس:

---

المشاركة الأصلية كتبت بواسطة m_m_sh_a

يعني هو أنا اللي شيلت المشاركه اللي فيها تفاعل و تركت المشاركه اللي بدون تفاعل ؟؟؟.

---

طب ياريت ساب مشاركه دا شطب الاتنين واسبوع ايقاف وانت السبب؟؟؟

اقتباس:

---

المشاركة الأصلية كتبت بواسطة أمجد هووز

طب ياريت ساب مشاركه دا شطب الاتنين واسبوع ايقاف وانت السبب؟؟؟

---

برضه هيقولي أنا السبب ..يا سيدي الفاضل أنا مش مراقب ..أنا لقيت مخالفه لأحد قوانين المنتدى ..والمخالفه دي بتعملي مشكلة ..حتى لو كانت مشكلة معنويه ...يقوم المراقب اللي شال المشاركتين يبقى ملوش ذنب ..وبقيت أنا السبب ..مش عارف أقول لحضرتك إيه بصراحه ..طيب ما تراسل الإدارة تقولهم في واحد بيدعي عليكم عشان شيلتو المشاركتين بتوعه وحطيتوا الراجل في مشكلة ..وشوف المراقب اللي وقفه ..وراسله على الخاص وإدعي عليه ..يعني إبعتله رساله قوله حسبي الله ونعم الوكيل .. ..أصل أنا مش هعرف أعملك حاجه بصراحه ..وبعدين ما تضمنش مين اللي بلغ عن المشاركه دي ..ممكن يكون أنا أو حد غيري ..لكن في جميع الأحوال ..المراقب اللي عمل كده حضرتك ممكن تعرفه وتسأله إنت ليه حطيت الراجل ده في مأزق بسبب تصرفك ده ..متهيألي كده هيكون أجدى وأحسن ..مش كده برضه ؟؟؟؟