رايكم يهمني ....المازدا 3 الجديدة تستاهل و لا اية

السلام عليكم يا شباب
محتاج راي مفصل عن المازدا 3 الجديدة 2015 من حد جربها كويس و كمان رايكو فيها حتى لو مجربتوهاش
انا روحت مرتين غبور العبور و شوفت العربية كويس و عجباني جدا
تحفة في التقفيل من جوة و خامات ممتازة و كمان اي اوبشن تتخيلة لحد الكاميرا الخلفية و 6 اير باج
انا كان معايا مازدا 2008مغيرتش فيها مسمار لحد 80000كيلو وبعتها علشان التغيير بس
عيبها الوحيد انها كانت واطية و بتحك في المطبات
الجديدة عالية و اعلي من التويوتا و الشارك و السيراتو حوالي 16.5 سم و دة كويس جدا
بس الموتور القديم و الفتيس ال 4 نقلات
و لسة عليها خصم 7 الاف جنية
انا معايا ريو هابعها ب 125 يعني هاحط عليها 85 الف و دة مبلغ مش صغير و انتم عارفين الفلوس
طولت عليكم معلش بس اصلي شوفت القشقاي الجديدة امبارح في التجمع شكلها فظيع فكنت هاغير راي

اجمل تصميم و تقفيل فى كل الحديث .

و لكن تكنولوجيا قديمه للاسف و بالتالى سعر مغالى فيه ..

انا كنت زييك كده تمام ومحتار وكان معايا ريو اتكل علي الله وجيبها انا جبتها ومش ندمان الحمد لله

اقتباس:

---

المشاركة الأصلية كتبت بواسطة ezzzzo1983

انا كنت زييك كده تمام ومحتار وكان معايا ريو اتكل علي الله وجيبها انا جبتها ومش ندمان الحمد لله

---

طب و اخبارها معاك اية يا باشا .....معلش بتقل عليك

اقتباس:

---

المشاركة الأصلية كتبت بواسطة ahmed_doudi

طب و اخبارها معاك اية يا باشا .....معلش بتقل عليك

---

بص يا باشا انا لسة معملتش صيانة الالف كل المشيته بيها 570 كيلو بس تمام الحمد لله مبدئيا
في فرق شتاااااااااااااااااااااان في العفشة فرق السما من الارض بجد
مريحة وممتعة في سواقتها انيقة جدا من جوا ومن برة بصراحة عربية ممتعة بصراحة
لكن اكتر من كده يا باشا لسه مقدرش ااقولك

العفشة ناشفة ولا طرية؟
والسحب اخبارة اية؟ ومع التكييف؟
الف مبروك

نصيحة خليك في القشقاي أو الكورولا أو السيفيك

اقتباس:

---

المشاركة الأصلية كتبت بواسطة pioneerahmed

نصيحة خليك في القشقاي أو الكورولا أو السيفيك

---

لية يا باشا ..ممكن توضيح خصوصا ان انت كان عندك مازدا تقريبا

هانقلك الانطباع السعودى عن المازدا بوجه عام يمكن يفيد حضرتك
المازدا فاسدة(هكذا يقولون)
سيارة يابانية و لكن قطع غيار غير متوفرة و صيانة صعبة
زميلى نقل سيارته على سطحة من مدينة الى مدينة اخرى لانه لم يجد من يصلح سيارته
يعنى اسأل عن قطع الغيار و عن مدى معرفة الميكانيكية بها
هناك تحفة فنية من المازدا لكنها للاسف لا تنزل مصر و هى مازدا 6

بص المازدا عربية حلوة جدا بس الموديل القديم الى كان معاك و معايا الي بعدها مسترخصين فية جدا
نفس الموتور و الفتيس و الشاسية و العفشة بس بكواليتي اقل و قطع غيار اغلى و اكثر ندرة و سعر اعادة بيع رايح في داهية
يبقي ليية اجيبها
مهو في بدايل تانية احسن منها زي التويوتا و الهوندا

اقتباس:

---

المشاركة الأصلية كتبت بواسطة dr.amr

العفشة ناشفة ولا طرية؟
والسحب اخبارة اية؟ ومع التكييف؟
الف مبروك

---

الله يبارك فيك بص العشة ناعمه جدا انا بصراحة معملتش صيانة ال 1000 كيلو فا مقدرش احكم
علي السحب مع التكييف دلوقت بس لو في أي جديد حبلغك وربنا يوفقك لما فيه الخير اما بالنسبة
لكلام الساده الافاضل عن العربية

يعنى من الاخر عربيه تستاهل واحد يجبها وله لا

اقتباس:

---

المشاركة الأصلية كتبت بواسطة omar sarray

يعنى من الاخر عربيه تستاهل واحد يجبها وله لا

---

انا رأيي توكل علي الله العربيه ممتازة

اوك ياسيدى حتوكل على الله واصلى صلاه الاستخاره وربك المستعان