الموضوع: أماكن بيع العطور الأصلية بالجملة

المشاركة الأصلية كتبت بواسطة Mahmoud Naguib

حوار ممتاز جدا يا أبو آسر انك تبيعها عن طريق موقع !!
لو كدة يبقى الموضوع كويس وأنصحك تدوس فيه

لو حابب تعرف مين بيبيع جملة شوف حد من المستوردين لأي نشاط وهما بيعرفوا بعض واسأله هيدلك على كذا واحد !

وياريت تشرح أكتر فكرة انك تعمل موقع تبيع عليه وتكلفته وبتعمله فين مثلا لأني حابب أعمل موقع لنشاط معين !

ما هي المشكلة اني معرفش مستوردين للاسف ولا اي سكة لتجار الجملة
موضوع الموقع انا مصمم مواقع في الاساس وبصممه لنفسي طبعا لكن اي شركة تصميم ممكن تعملك الموقع اللي تطلبه خاصة ان في مواقع جاهزة للمواضيع دي زي opencart مثلا والتكلفة حسب الشغل اللي هيتعمل بس ممكن نقول متوسط ٢٠٠٠ جنيه

المشاركة الأصلية كتبت بواسطة M.Elwan

فى محل برفانات فى وسط البلد فى اول طلعت حرب بيشتغل فى الاصلى بس في برفانات عنده ارخص من المحلات من 50 ل70 جنيه بالكتير
يعنى كنت جايب من عنده bvlgari man extreme السيلفر ب420 وكنت شفتها فى bloom اعتقد كانت ب 510
بس ميعتبرش تاجر جمله يعنى

معلومة كويسة للي عايز يشتري اصلي ارخص من المحلات الكبيرة بس ازاي اضمن واعرف ان البرفانات دي اصلية فعلا مش هاي كوبي

المشاركة الأصلية كتبت بواسطة Secret-Man

الاصلى مفيش حد هيكون عنده ثقه انه يشتريها من حد جديد او موقع لسه طالع واماكنها معروفه والزباين برضه معروفه

والبديل الاونلاين موقع نفسك ووسوق فى الموضوع ده

اشتغل كوبى على الطبقه البسيطه والمتوسطه وهتمشى معاك كويس بس محتاج تسويق قوى وتشوفلك مستورد يساعدك فى التوريد

لان استيراد العطور رخم جدا وفى عرض واردات وقصص طويله انت فى غنى عنها

انزل شارع الازهر والموسكى وفى تجار كبيره وعندهم مكاتب فى الصين بتاعتهم يوردولك الى انت عايزه وريح دماغك وجرب فى حاجه بسيطه

موقع نفسك وسوق بتبيع النوع الواحد بكذا سعر وباسعار مستحيل تكون اصلية فاعتقد ان مسالة الثقة مش موجودة برده في المواقع دي لكن انا لو نزلت السعر المعقول واكدت على انها اصلية مش كوبي فاعتقد الموضوع مش هيكون بالصعوبة دي خاصة ان المواقع التانية مش بتذكر مسالة انه اصلي دي خالص
بس برده موضوع الهاي كوبي بدأ يكبر في دماغي وممكن نخلي الاورجينال بالطلب للي غاوي مثلا وبالحجز وكده

المشاركة الأصلية كتبت بواسطة ibrahim sallam

هو انا لما كنت في القاهره

عرفت من محلات عطورقالوا اتنين بس اللي بيبيعو اصلي

واحد اسمه ظاظا والتاني في وش منه اسمه نهر العطور

والاتنين مش محلات ده عباره عن دور في عماره شقه بعماره

فين مكانهم بالضبط وهل بيبيعوا جملة ولا قطاعي