الياريس بتعمل معاك كام في البنزين

**BLOODY_STONE** · 14-04-2015 02:04 AM

بقالي فترة استهلاك البنزين مش عاجبني في الياريس
سواقتي عادية
فلتر الهوا بيتغير اول باول و البوجيهات طبعا و البوابة و الحساسات و ضغط الكاوتش كله مية مية

كبيرها يوم ما تتمعظم بتعمل 12 كيلو للتر و اغلب الاوقات 10 كيلو للتر سواء سفر هادي او طاير 140 او جوة البلد او تكييف او لا كله زي بعضه هم ال 10 كيلو

ده كده كويس ولا ايه؟ دي عربية 1300 اجماعة

مع العلم مغير الجنوط و وزنها اخف من الحديد الاصلي بتاعها كمان

ايه رايكم ؟

كل ما اقرا عالنت بتعقد في ناس بتعمل بيها ارقام وهمية

ماشية حاليا 60 الف مانوال زيت 5-40 تخليقي من يوم ما جبتها

**borio1704** · 14-04-2015 07:58 PM

أتوقع إن زيادة استهلاك البنزين ليها كذا سبب ليهم علاقة بطريقة السواقة بتاعت حضرتك:

1- كون حضرتك بتسوق في اسكندرية.. ده في حد ذاته يرفع استهلاك أي عربية.. لإن المشاوير كلها قصيرة... كبيرك مشوار 5 كيلو... وده بيزود استهلاك البنزين بالذات لما تكون العربية بتشتغل بعد وقفة كبيرة.

2- لو حضرتك شايل الثرموستات (ثرموستات الكوعة).. أكيد أكيد أكيد استهلاك البنزين هيكون أعلى من المعتاد.. سواء جوه البلد أو على الطوالي.

3- الزحمة (وما أدراك ما الزحمة في اسكندرية) وخصوصا لما تبقى ماشي أول تاني بالكتير.. دي بتزود الاستهلاك بجنون..
عندي مثلا في السيراتو (6 سرعات).. متوسط الاستهلاك على الأول حوالي 35 لتر/100 كم (يعني حوالي 2.8 كم/لتر).. والتاني حوالي 25 لتر/100 كم (حوالي 4 كم/لتر).

ومع ذلك .. متوسط استهلاك العربية عندي حوالي 8 لتر/100 كم (حوالي 12 كم/لتر).. مع العلم بإن العربية 1600 cc وسواقتي فيها حرق كتير .. بس بمشي على طرق سريعة (أو سرعة ثابتة) كتير بردو.

4- اتأكد من دوسة رجلك على البنزين... وخصوصا لما توصل لسرعة شبه ثابتة... وحقوللك على تريكاية (trick) تعملها..
لما توصل سرعتك 60 كم وشايف الطريق مفتوح نسبيا (بمعنى إنك ناوي تثبت على السرعة دي) .. شيل رجلك من على دواسة البنزين وارجع شعّرلها تاني.. الحركة دي لوحدها بتنزل الاستهلاك حوالي 40%.

5- أوعى تعشق غيار فتيس يكون مش مناسب لسرعة العربية.. لإن حتى لو عشقت الرابع مثلا بدل الثالت علشان توفر في الاستهلاك في حين إن التالت يكون أريح للعربية .. ده مش بيوفر في البنزين.. بالعكس.. ده بيديلك نفس الاستهلاك إن ما كانش أكتر شوية.. وكل اللي حضرتك عملته إن استجابة العربية بقت أقل.

الأفضل إنك توصل للسرعة المستقرة بأسرع وقت وبعدين تثبت على السرعة الأعلى بأقل دوسة بنزين.. يعني أقل وقت ممكن باستهلاك متوسط وأكتر وقت ممكن بأقل استهلاك بنزين.

6- أخبار البنزين نفسه إيه؟؟ أوعى تقوللي بتحط بنزين 80 (ده لوحده سبب في ارتفاع استهلاك البنزين 30% على الأقل) ...
عربيتك عايزة بنزين 91 على الأقل (يعني بنزين 92 في مصر).. ومش حقوللك 95 (مع إنه بيوفر شوية) .. بس مش أقل من 92.

جرب الحاجات دي وقلنا إيه الأخبار..

...

**hamottos** · 15-04-2015 04:53 PM

انا كان معايا رينو لوجان 2012 فولل اوبشنز مانيوال وكانت بتعمل معروفة بانها بتشم البنزين ش
معدلها من 6 الى 8 لتر بنزين 92 لكل 100 كيلو حسب الاستخدامدام داخل او خارج المدينه
حاليا امتلك تويوتا يارس 2015 1500 سي سي اوتوماتيك تستهلك نفس استهلاك اللوجان مانيوال واعتقد كده هي بتوفر كتير
خصوصا اننا بنقارن مانيوال باوتوماتيك والاوتوماتيك اعلى استهلاكا للبنزين في العاده
الكتالوج بيقول الياريس 2015 ال 1500 سي سي بستهلك 7 لتر لكل 100 كيلو
الرقم ده بالنسبالي حقيقي بس في السفريات اما داخل المدينه الاستهلاك اعلى بكثير التنك بملاه بعد اللمبه بتاعة البنزين ما تنور 35لتر وبيعمل حوالي 400 كيلو بالعافيه لحد ما اللمبه تنور داخل المدينه مع السواقه الهاديه
بره المدينه بيصل الى 440 وده مع السواقه الاقتصاديه ولمبة الايكو شغاله على طول

**mbaddar2** · 19-04-2015 02:47 PM

اعتقد ماتقلقش
انا لما بسافر من مصر لاسكندرية و ماشى من 160 ل 180 بتاخد حوالى 25 لتر فى ال200 كيلو (ار بى ام 4 ل 5)
و باحس ان وسط اسكندرية الاستهلاك برضه كده رغم ان بكتيه باجيب التالت :019f3b~14:

وسط البلد بيهلك اكتر وبرضه خلى بالك بتفول منين (اكيد ابعد عن مضر و التعاون و خليك فى توتال و موبيل)

**BLOODY_STONE** · 23-04-2015 02:14 PM

متشكر ليكم كلكم بجد رايكم همني جدا

**BLOODY_STONE** · 23-04-2015 02:15 PM

المشاركة الأصلية كتبت بواسطة borio1704

أتوقع إن زيادة استهلاك البنزين ليها كذا سبب ليهم علاقة بطريقة السواقة بتاعت حضرتك:

1- كون حضرتك بتسوق في اسكندرية.. ده في حد ذاته يرفع استهلاك أي عربية.. لإن المشاوير كلها قصيرة... كبيرك مشوار 5 كيلو... وده بيزود استهلاك البنزين بالذات لما تكون العربية بتشتغل بعد وقفة كبيرة.

2- لو حضرتك شايل الثرموستات (ثرموستات الكوعة).. أكيد أكيد أكيد استهلاك البنزين هيكون أعلى من المعتاد.. سواء جوه البلد أو على الطوالي.

3- الزحمة (وما أدراك ما الزحمة في اسكندرية) وخصوصا لما تبقى ماشي أول تاني بالكتير.. دي بتزود الاستهلاك بجنون..
عندي مثلا في السيراتو (6 سرعات).. متوسط الاستهلاك على الأول حوالي 35 لتر/100 كم (يعني حوالي 2.8 كم/لتر).. والتاني حوالي 25 لتر/100 كم (حوالي 4 كم/لتر).

ومع ذلك .. متوسط استهلاك العربية عندي حوالي 8 لتر/100 كم (حوالي 12 كم/لتر).. مع العلم بإن العربية 1600 cc وسواقتي فيها حرق كتير .. بس بمشي على طرق سريعة (أو سرعة ثابتة) كتير بردو.

4- اتأكد من دوسة رجلك على البنزين... وخصوصا لما توصل لسرعة شبه ثابتة... وحقوللك على تريكاية (trick) تعملها..
لما توصل سرعتك 60 كم وشايف الطريق مفتوح نسبيا (بمعنى إنك ناوي تثبت على السرعة دي) .. شيل رجلك من على دواسة البنزين وارجع شعّرلها تاني.. الحركة دي لوحدها بتنزل الاستهلاك حوالي 40%.

5- أوعى تعشق غيار فتيس يكون مش مناسب لسرعة العربية.. لإن حتى لو عشقت الرابع مثلا بدل الثالت علشان توفر في الاستهلاك في حين إن التالت يكون أريح للعربية .. ده مش بيوفر في البنزين.. بالعكس.. ده بيديلك نفس الاستهلاك إن ما كانش أكتر شوية.. وكل اللي حضرتك عملته إن استجابة العربية بقت أقل.

الأفضل إنك توصل للسرعة المستقرة بأسرع وقت وبعدين تثبت على السرعة الأعلى بأقل دوسة بنزين.. يعني أقل وقت ممكن باستهلاك متوسط وأكتر وقت ممكن بأقل استهلاك بنزين.

6- أخبار البنزين نفسه إيه؟؟ أوعى تقوللي بتحط بنزين 80 (ده لوحده سبب في ارتفاع استهلاك البنزين 30% على الأقل) ...
عربيتك عايزة بنزين 91 على الأقل (يعني بنزين 92 في مصر).. ومش حقوللك 95 (مع إنه بيوفر شوية) .. بس مش أقل من 92.

جرب الحاجات دي وقلنا إيه الأخبار..

...

هو ممكن يكون اللي معلي الاستهلاك شوية موضوع الزحمة و اني ساعات بدي غيار عالي عالسرعة و كمان سواقتي بقت زفت بحكم اني مستعجل عالطول

**alalfi** · 03-05-2015 10:18 PM

كده الإستهلاك عالي فعلاً ...
المفروض الصفيحة جوة البلد تعمل مش اقل من 250 كم يعني حوالي 12,5 كم ف اللتر
وف السفر مش أقل من 300 كم يعني حوالي 15 كم ف اللتر .. اكيد فيه مشكلة بتخلي الإستهلاك عالي حاول تعرفها وتحلها

**sokar_zeyada21** · 13-06-2021 10:29 AM

سلام عليكم يا رجالة
معايا ياريس هاتشباك 1.5 موديل 2014
و ملاحظ ان استهلاك البنزين عندي عالي شويتين تلاته , اللتر بيعمل حوالي 6 كيلو , يعني التفويلة بتديني حوالي 280 الى 300 كيلومتر بس .
مع العلم السيارة ماشية 42 الف كيلو , و بحط بنزين 95 .
و الطرق في دبي مش زي زحمة مصر و مشاويري مش كتير يا دوب من الشغل للبيت و العكس اللي هو حوالي يوميا 10 كيلومتر او اقل .
ايه اللي المفروض اشيك عليه و اضبطه عشان اضبط الاستهلاك ؟