الموضوع: ماهي صناعة سوزوكي ألتو حتى عام 2015؟

المشاركة الأصلية كتبت بواسطة m_m_sh_a

السوزوكي التو 2007 كان فيه منها الألتو زن اللي هو الشكل القديم ..ودي كانت 1100 سي سي ودي كانت مكيفه وإزاز كهربا وجنط إتناشر وكانت كربراتير ..وفي منها برضه الشكل اللي بيسموه نيو التو ..ودي كانت برضه 1100 سي سي بس من غير إزاز كهربا ..بس كانت مكيفه برضه ودي كانت إنجيكشن ..الألتو 2008 نزلت علطول 800 سي سي وكان فيه منها مكيف وباور وكان في منها فاضي لا تكييف ولا باور ...خلي بالك ال 800 سي سي دي تلاتة سلندر مش أربعه ..بالنسبه بقى لقطع الغيار فالتوكيل بصراحه بيغطي خدمة دي ..اللي هي 2007 وبيغطي خدمة دي اللي هي 2008 ..وقطع غيارهم موجوده في التوكيل عادي وبره التوكيل برضه موجدين عادي ..بس عند ناس معينين .مش هقولك حاجتهم مرميه في كل حته ..بس خلي بالك ..ده توكيل مودرن موتورز ..وده ليه معايا قائمة ملاحظات مش وقتها دلوقتي ..وقطع غيارهم موجوده في السوق عادي جدا ..سواء دي ..أو دي ..اللي هي 2007 أو 2008 ..وطبعا أشهر إثنين على مستوى مصر كلها بيشتغلو في حاجتها إستعمال إبتداء من الإبره للصاروح فيها ..ميدو الكنيج في أحمد حلمي في القاهره ..ومحمد يوسف في باكوس في إسكندرية ..نسيت أقولك إن العربيه دي ميكانيكتها سهلة وأي صنايعي بيشتغل فيهم ..بس خلي بالك عشان العربيات ال 800 منهم عايزه ميكانيكي بيعرف يشتغل في العربيات اللي من الحجم ده..دي صورة للألتو زن



والصورة اللي في التوقيع عندي دي صورة النيو التو ..وخلي بالك النيو التو غير الألتو 2015

جزاك الله خيراااا :)

تقصد ايه بقى ان النيو ألتو غير الألتو 2015؟

المشاركة الأصلية كتبت بواسطة m_m_sh_a

يا باشا الألتو زن اللي أنا حاططها في المشاركه بتاعتي ..النيو التو اللي حاططها في التوقيع ..الألتو 2015 دي شكل تاني وهتلاقيها بسهولة في جوجل

أنا كنت فاكرك تقصد حاجة تانية بس مشكور على آية حال :)