الموضوع: أنا محتار من اية السبب

المشاركة الأصلية كتبت بواسطة mohamedsamir03

عربيتى اكسنت 2007

من حوالى شهر تقريبا جيت ادورها لقيت فية رجة خفيفة او رعشة هى بسيطة وهى على السلانسية ومش على طول والملاحظ معاها ان مؤشر الاربى مش ثابت زى الاول فية هزة خفيفة جدا بس مش رجة مستمرة هى او مش اللى هى بترزع مثلا ولقيت صوت من الشكمان ضعيف مش طبيعى مثلا زى (( بق بق بق ..... )) تقريبا مع وجود ريحة وحشة فى العادم عكس الطبيعى

وعشان الرجة تروح لازم ازود بنزين شوية لحد ار بى 1500 مع ان السلانسية عندى من ساعة ما العربية جت 700 بس

ومع الرجة فية زى صوت خشونة مع نتشة او حديد مع بعضة بتروح شوية لما بزود بنزين واول ما اخف بنزين ترجع

وانا مركب بوجيهات الايريديوم ونضفتها

فهل ممكن يكون السبب

فلتر بنزين (( وهو ممكن الفلتر يتكتم مرة واحدة ))
ولا بوجيهات (( لانها غالية ومش عاوز اشتريها على الفاضى ))
ولا اية بالظبط

لانى رحت لميكانيكى حيرنى فى حاجات كتييير

المشكلة ما أتوقعش إنها تخرج برة دايرة الوقود ودايرة الإشعال

ممكن قوي يكون فيه مشكلة في البوجيهات فعلا.. وعلشان تتأكد.. اشتري بوجيهات عادية من الأصلية بتاعت هيونداي.. وشوف إيه النتيجة.. (اتوقع طقم البوجيهات كله تمنه بتاع 50 جنيه).

اتأكد كمان من توصيل كابلات البوجيهات كويس... وحاول تعرف إذا كان فيهم أي تسريب كهربا.. لو ركزت كويس في الصوت ممكن تسمع زي صوت شرز كهربا بسيط قوي.

ما اعتقدش فلتر البنزين ممكن يعمل المشكلة دي... إنما احتمال يكون عندك حساس العادم فيه مشكلة.

احتمال كمان يكون عندك رشاش مسدود أو بدأ يسيل... وأفضل شيء إنك تجيب منظف دورة الوقود علشان لو فيه أي سدد أو حاجة تتنضف

أيوه كمان... أخبار البنزين نفسه إيه؟؟؟ هل حسيت بالأعراض دي بعد ما فولت من بنزينة معينة؟؟

لو كان كده فعلا يبقى التانك لازم يتفضى ويتنضف كويس لإن ممكن قوي يكون البنزين فيه ميه.


وابقى قولنا إيه اللي حصل..



...