نصيحة ..... فرمل اليد

**M.ABDOU** · 24-04-2015 04:58 PM

المشاركة الأصلية كتبت بواسطة م أحمد

أضرار قفل الدريكسيون أقل من مفيش فرامل لحظة الخطر
بعدين حركة الموتور بدون حدوث عملية الاشعال و هو معشق مع الفتيس فرامل قوية
اما بخصوص ان عربية تقفل الدريكسيون من غير ما الكونتاكت يتشال فدى اول مرة اسمع عنها و الى عنده امثلة يا ريت يوضحها
بل بالعكس فى عربيات فى حالة الخبطات القوية بتفصل داءرة الكهرباء بالكامل

اى عربيه باور كهرباء او باور هيدروليك قفل الكونتاكت حتى لو المفتاح فى مكانه حيخلى الدركسيون تقيل جدا

جربها فى عربيتك وقولنا ايه النتيجه

**م أحمد** · 24-04-2015 05:47 PM

يا جماعة تقل الدريكسيون او حتى غلقه لا يوازى خطورة عدم وجود فرامل
الدريكسيون بيتقل مع السرعة المنخفضة و بيقل مع السرعة العالية فى حالة عدم وجود باور يعنى مش تقيل بالصورة اللى ناس متصوراها -قادر على تحريك العجل ببعض الصعوبة
و فى عربيات زى طرازات فى البروتون مثلا دائرة الباور بتفصل تماما بعد سرعة 120

ب

**M.ABDOU** · 25-04-2015 10:35 AM

المشاركة الأصلية كتبت بواسطة م أحمد

يا جماعة تقل الدريكسيون او حتى غلقه لا يوازى خطورة عدم وجود فرامل
الدريكسيون بيتقل مع السرعة المنخفضة و بيقل مع السرعة العالية فى حالة عدم وجود باور يعنى مش تقيل بالصورة اللى ناس متصوراها -قادر على تحريك العجل ببعض الصعوبة
و فى عربيات زى طرازات فى البروتون مثلا دائرة الباور بتفصل تماما بعد سرعة 120

ب

ممكن تفهمنى ايه الفرق بين انى اجيب الفتيس على الوضع المحايد اموره يعنى وبين انى اقفل كونتاكت

ايه الفرق يعنى؟؟؟؟؟؟؟

**م أحمد** · 26-04-2015 04:04 PM

المشاركة الأصلية كتبت بواسطة m.abdou

ممكن تفهمنى ايه الفرق بين انى اجيب الفتيس على الوضع المحايد اموره يعنى وبين انى اقفل كونتاكت

ايه الفرق يعنى؟؟؟؟؟؟؟

فى وضع المور بتفصل الموتور عن جسم العربية (عن طريق الفتيس) يعنى مفيش حمل على العربية كأنك واقف بتسخن العربية و ساعتها العربية هتمشى بالقصورر الذاتى لها و السرعة دى ممكن فى حالة الفصل المفاجىء او لو على منزل مثلا تكون اعلى من سرعة العربية

لما بتقفل الكونتاكت (بدون ما تشيل المفتاح الكالون بتاعه) الموتر بينقطع عنه شرارة الاشعال و لكنه فى حالة تعشيق على نفس الغيار اللى انت ماشى عليه و فى الحالة دى جسم العربية بيبقى حمل على الموتور و السرعة بتقل كتير

**M.ABDOU** · 26-04-2015 07:05 PM

المشاركة الأصلية كتبت بواسطة م أحمد

فى وضع المور بتفصل الموتور عن جسم العربية (عن طريق الفتيس) يعنى مفيش حمل على العربية كأنك واقف بتسخن العربية و ساعتها العربية هتمشى بالقصورر الذاتى لها و السرعة دى ممكن فى حالة الفصل المفاجىء او لو على منزل مثلا تكون اعلى من سرعة العربية

لما بتقفل الكونتاكت (بدون ما تشيل المفتاح الكالون بتاعه) الموتر بينقطع عنه شرارة الاشعال و لكنه فى حالة تعشيق على نفس الغيار اللى انت ماشى عليه و فى الحالة دى جسم العربية بيبقى حمل على الموتور و السرعة بتقل كتير

طيب اذا كان الهدف اصلا من الاول انك تعمل engine brake ما تعمل غيار عكسى احسن من ده كله وحيكون فى نفس الوقت افضل من انك تقفل كونتاكت وتحتفظ فى نفس الوقت بقدرتك على المناوره

**Ahmed Tarek 00** · 26-04-2015 07:20 PM

انا عندى استفسار بسيط , هوا لما بنشد فرامل اليد وبنطلع بيها لفوق بنستخدم الزرار السوستة اللى بيكون من فوق وللا لأ , أما لما نيجي ننزلها فأكيد بندوس السوستة عشان تقبل تنزل

**windofchange** · 26-04-2015 09:44 PM

لما بنشد اليد لفوق مش بنحتاج السوسته..اما لما نشدها لتحت بنحتاج نضغط علي الزرار بتاعها

**م أحمد** · 26-04-2015 10:34 PM

المشاركة الأصلية كتبت بواسطة m.abdou

طيب اذا كان الهدف اصلا من الاول انك تعمل engine brake ما تعمل غيار عكسى احسن من ده كله وحيكون فى نفس الوقت افضل من انك تقفل كونتاكت وتحتفظ فى نفس الوقت بقدرتك على المناوره

فى العربيات المانوال الكلام دا هيكون له حد و هو الغيار الاول مش هينفع تسقط غيار اقل منه بعد كدة و العربية لازم حاجة برضه توقفها ممكن فرامل اليد او برضه تقفل كونتاكت

برضه تسقيط الغيارات مش هينفع فى الاوتوماتيك خالص

**م أحمد** · 26-04-2015 10:43 PM

المشاركة الأصلية كتبت بواسطة ahmed tarek 00

انا عندى استفسار بسيط , هوا لما بنشد فرامل اليد وبنطلع بيها لفوق بنستخدم الزرار السوستة اللى بيكون من فوق وللا لأ , أما لما نيجي ننزلها فأكيد بندوس السوستة عشان تقبل تنزل

اليد بتاعة فرامل اليد قاعدتها عبارة عن ترس ثابت و خطاف بيتنقل على اسنان الترس

كل ما تشد اليد لفوق الخطاف ينقل من سنة للتانية اللى فوقها و دى صوت التكات اللى بنسمعه و اول ما الخطاف يعشق مع سنة بيفضل شابك معاها علشان الفرامل تفضل ثابتة
طيب الزرار السوستة فائدته ايه ؟

انه متصل بالخطاف و لما بتضغط عليه بتحرر الخطاف من اسنان الترس و تقدر ترجع للوضع الاول تانى