السنترا = البلوبيرد = الليفان
= مقلب كبير
عرض للطباعة
السنترا = البلوبيرد = الليفان
= مقلب كبير
مافيش بوست واحد ليك يا ابا يحي مع نيسان بتكره الشركه كلها شكلا وموضوعا..بس ده رايك الشخصي في الوكيل انما تيجي زي قبل كده نتكلم عن فنيات العربيه انسى.بس برضه السنترا مش اوبترا صيني ولا غيره.وبرضه الصني الشكل الجديد حلوه :).
بص خلينا نتفق اننا كلنا هنا عايزين المصلحه العامه
نيسان كشركه اكيد محترمه
انا ليا رائ في موديلات معينه
يعني انا بحب التيدا الجديد والقديم وبنصح الناس بيها
لاكن تعالي بقي للموديلات اللي انا بقول عليها مقلب كبير
بفكرك انا هنا مش بتكلم علي فنيات
انا بتكلم علي موديلات الوكيل بيجبها عشان يدبس الناس فيها لانها ملهاش استمراريه
حتي بائعين قطع الغيار خارج التوكيل مش بيجبولها سواء جديد او مستعمل
فقيمتها بتتضائل مع الوقت وبطبيعه الحال اعتماديتها
ونيسان مش لوخده عندك فولكس بوينتر وباراتي وكروس فوكس
عربيات ممتازه لاكن شوف سعر اعاده بيعهم نتيجه عدم توافر ما سبق الاشاره ليه
نيجي بقه لاصل المشكله
النيسان صني الشكل الجديد والقديم
تخيل عربيه لسه مستلمها
تشتكي من العزل بتاعها ومن سوء خامات الصالون بتاعها ويكون الحل انك تكلف نفسك خارج التوكيل .
تخيل بتزل من غير بار الميزان في العفشه الاماميه لموديل ex وتروح تلف عليه في الحرفيين
تخيل ان العربيه استهلاك البنزين مش طبيعي في الفئه ديه مع ثبات محدود .
تخيل مصنع بيستخدم اردء الخامات في انظمه الفرامل ومع ذلك ................
اجي بعد كده انصح حد بيها او احبها
وعليفكره انا مش بتعصب للشيفروليه وكتير انصح الاعضاء بموديلات تانيه طالما تناسب النصيحه
تحياتي ليك زاتمني ان رسالتي تكون وصلتك
وعلي فكره في ناس ساهمت في تضليل الاعضاء عن عيوب قاتله في الصني عن عمد لمصالح شخصيه
ودول حقيقي منهم لله
الناس مش كلها بتضلل يا ابو يحي لكن فيه ناس بتقول تجربتها لوحدها ولو مافيهاش سلبيات حيمشي وراه ناس كتير.انتا هنا بالذات بتتكلم على السنترا والعربيه معايا وانتا عارف انه كان معايا كروز ٢٠١٤ وغيرها وغيرها.السنترا لا غبار عليها فنيا صاجها كويس اختبارات الامان كويسه نيجي بقا لنقطه قطع الغيار.كل الفتره اللي جايه التوكيلات مش حتوفر قطع الغيار فوري لا حتبعت تجيب يعني المده ١٠ ايام ل ٣ اسابيع.وفره قطع الغيار بره التوكيل حتى في اصعب العربيات بتلاقي بره التوكيل بس الانتشار سنه ولا اتنين بيوفر قطع الغيار بره التوكيل ومحدش بيجيب قطع غيار قبل شحنتين تلاته من اي عربيه واسال بتوع الياريس اول ما استلموا ماتنساش الياريس كانت ميته سنه كامله قبل ما تبتدي تسمع.وانا قلت من اكتر من شهر ان السنترا نفس الكلام وحتنتشر اكتر في الصيف مع عوده المصريين في الخليج لان العربيه ماشيه كويس هناك من سنتين تلاته.
تاني يا ابو يحي ما تزعلش مني.قيم العربيه فنيا الاول وبعدين قول اللي انتا عايزه سوقيا .
دي مش عربيه مجهوله ولا من اللي بينزلوا في بلد واحده عشان تقول عليها كدا.دي بتتقفل في تايلند والمكسيك وغيرهم واللي بيجيلك منها فئه وسطانيه خليجي بعد ٣ سنين من انتشارها هناك وده لانها محتمل تتقفل في مصر بعد كده.
تاني انا مش بدافع عن التوكيل لكن حتلاقي معظم الوكلاء في مصر الفتره اللي جايه ماشيين بنفس الطريقه.
اما النيسان الصني الجديده.العربيه اتحسن تقفيلها بالتدريج لحد ٢٠١٤ وبعدين نزل الفيس ليفت.اللي ركب العربيه في الخليج وركبها هنا شكر في بتاعت هنا اكتر من اللي بتنزل في الخليج .تقبل تحياتي
يا جماعه السنترا تختلف اختلاف كللى عن الصنى , مش معنى انه فى نيسان موديل شعبى شويه و تقفيله و تكنولوجيته على اده انه كل موديلات نيسان كده , الكلام ده موجود فى كل الشركات الكبيره من اول فولكس فاجن و رينو و اوبل و بيجو .
نيسان عندها موديلات جباره و من الشركات المطوره للتكنولوجيا مش مستقبله , يعنى لها بصاماتها فى عالم السيارات .
السنترا من الناحيه الفنيه لا غبار عليها كتنكنولوجيا موتور و فتيس و تكييف , الشكل ده اذواق من شخص لاخر و موجوده فى امريكا كمان نفس الشكل ده مش الخليج بس و مبيعاتها كويسه . مش عايزين نخلط ما بين فنيات العربيه و تقصير التوكيل , الفتره الجايه كلها هايكون فيه مشاكل فى قطع غيار السيارات فى التوكيلات و خارج التوكيلات و ان كانت هاتزيد نسبيا مع السينترا لانها لسه جديده فى السوق .
ياناس انا صاحب الموضوع يافرحتى الناس بتتفرع على العربية فى الشارع و اصلا ولا التوكيل عارف يبيعها ولا ليها قطع غيار واللى بيقول قطع الغيار و ان العربية لسة مش منتشرة و الكيا سيراتو الجديدة لما نزلت امافيش كام شهر و قطع الغيار متوفرة بالهيل فى التوكيل و برا كمان اشمعنا يعنى ولا هو يعنى مصر كلها تبيع عربياتها و تجيب كيا سيراتو بقى و اللى بيقول.السنترا = السيلفى=ليفينا صح فعلا السيلفى و الليفينا ماتوا اصلا منرالاخر كدة نيسان اخرها كان الصنى ٢٠١٠ و شكرا و كان مثلا افلوا المصنع و روحوا للاسف انا بقالى ٨ سنوات معايا الصنى السوبر صابون عربية تحفة كانى راكب عربية المانى والله و طبعا رحت جبت السنترا بس للاسف بجد شابو لكيا الكورى اللى ب٢٠٠٠٠٠ الف والناس بتشترى بردة مصر =كيا سيراتو ياجماعة الكيا بقت هى ال١٢٨ بتاعت مصر من ٣٠ سنة :H_angry[1]:
استاذ مراد هي العربيه مش جالها قطع الغيار واتصلحت.اتكل على الله بيعها واستريح من الهم ده كله وهات سيراتو ٢٠١٥ عربيه جميله وزي الفل وقطع غيارها مرميه في كل حته واعاده البيع بتاعها ولا اروع.ياراجل ده مافيش عربيه في مصر ليها قطع غيار بره التوكيل جديده الا الكوري وهو حد قالك ان السنترا كوري.دي العربيات الكيا اللي لسه حتنزل ليها قطع غيار بره التوكيل.الشعب بيحب الكوري