السلام عليكم
كنت عامل موضوع بستفسر فيه عن أماكن بيع العطور الأورجينال بسعر الجملة لكن الإخوة نصحوني بأني أخليني في الهاي كوبي واقتنعت بكلامهم فعلا
دلوقتي أنا أعرف مكان بيع النضارات الهاي كوبي جملة وهو في وسط البلد عند محطة مترو محمد نجيب
لكن عايز أعرف أماكن بيع البرفانات الهاي كوبي مش المضروبة ، أسمع إن في أنواع تركي مش بتبقى حلوة وأنواع تانية معرفش مصدرها أوروبا ولا إيه بتبقى جودتها عالية جدا وقريبة من الأصلية وأنا شخصيا بشتري منها لاستخدامي الشخصي لكن طبعا بأسعار القطاعي والإزازة ممكن يوصل تمنها ل٢٨٠ جنيه ال١٠٠ مل بس فعلا متقدرش تفرقها عن الأصلية سواء من الريحة أو من شكل الإزازة والعلبة .. فعايز أعرف بقى المصدر اللي الناس دي بتجيب منه الحاجات دي (طبعا لو سألتهم مش هيقولولي !) ، هل القنطرة فعلا زي ما سمعت قبل كده ولا في أماكن في وسط البلد ؟
نفس الموضوع بالنسبة للساعات عايز أعرف مصدر بيع الساعات الهاي كوبي الجودة العالية اللي بعد الأورجينال علطول
ياريت حد يفيدني جزاكم الله خيرا