الموضوع: نقرتين فى سقف العربية

السلام عليكم ورحمة الله وبركاتة

نقرتين جمب بعض صغيرين لكن باينين زى ما تكون طوبة واترمت على السقف مع الرغم ان الغطا معظم الوقت على العربية

والمشكلة انى خايف اوديها لسمكرى يبهدلها وخصوصا انها لسه فابريقة حتى لسه مكملتش التليين بتاعها ولا اسيبها كده وخلاص ولا ممكن تتعالج ؟

المشاركة الأصلية كتبت بواسطة m_m_sh_a

سمكري زيرو يشتغل فيها ...خلي بالك ..ممكن بعد الرد على البارد تفضل مضعضعه وده لإنها هتحتاج معجون ..أقولك ..سيبها أحسن ..خليها تاخد العين

انا استحالة هخلى السمكرى يستخدم الشاكوش فى السقف ... انا سمعت عن جهاز شفط النقر ... انا بسأل هل فعلا عملى لو السمكرى استخدمة ولا لأ ؟

المشاركة الأصلية كتبت بواسطة m_m_sh_a

هو مش جهاز ولا حاجه ..دي عبارة عن شفاطه كاوتش كده ..ومعتقدش إنها تنفع في النقر..شوف الفيديو ده يوضح أكتر

https://www.youtube.com/watch?v=m4dqvPgaZ-o

فيه انواع تانية من الشفط بيكون مقاسات على حسب النقر وفيه زي اللى موجود فى الفيديو وفيه بيكون قطع معدنية او بلاستيك بقطر النقرة وبتتلزق بشمع وبتتسحب لبرة وفيه ناس بتقولى ممكن اجرب علاقات الفوط اللى فى المنزل اللى هيا ضغط هوا قبل ما اروح للسمكرى اهى تجرية

المشاركة الأصلية كتبت بواسطة a7medsh3rawi

طيب انا اعمل ايه
العيال فى الشارع طلعو فوق العربيه وطبقو الكبوت والسقف وخدشو الاكصدام
والعربيه كانت لسه ما كملتش تلات شهور
دخلت جوه العربيه ورفعت السقف بايدى لفوق لانه كان عامل زى الحفره وفضل متكرمش
روحت لسمكرى قاللى لازم يتمعجن
قولت كده حلوه اوى ده حتى شكلها كروهات

يانهاررررر ربنا يوفقك وجهاز الشفط يبقا كويس معاك لأن النقر عندك واسعه ممكن تيجيى بسهولة ... والمشكلة عندى ان فرش السقف ناشف ( لانسر شارك ) فصعب انى اردها بايدي من تحته لازم اشيل الفرش وبصراحة مش جالى قلب العربية مكملتش شهر لسه:b4_556:

هو ده الرابط Amazon.com: Pops-a-dent Dent & Ding Auto Car Repair KIT Popper DIY: Automotive

لكن انا كنت اشتريت واحد من موقع سوق وكان ثمنه 140 جنية لكن اللى عندى السمكرى عملى اكتر ...

وكمان وانا ببحث وجدت انها ممكن تترد عن طريق الثلج الجاف