السلام عليكم ورحمة الله وبركاته
اخواني واساتذتي الكرام
انا اشتريت عربيه كرايسلر نيون 97
العربيه كانت تمام وزي الفل بس كان في حساس الحرارة مفصول منها
المهم قولت اعمل ابن ناس واعمل صيانه
رحت اشتريت سير كاتينة وبلية كاتينة
المهم رحت للميكانيكي ركب السير وركب البلية وشغل حساس الحرارة والحرارة اتظبطت الحمد لله والمراوح اشتغلت في وقتها وكله زي الفل
قالي اطلع جرب
طلعت اجرب لقيت العربية علي السلانسية بتنتش والار بي ام بيهبط لحد النص
رجعتله قالي ده حساس الايدل فيه مشكلة وابقي غيره
فضلت مستحمل العربية علي الموضوع ده لحد ما جبت حساس ايدل امبارح والاصلي بتاعها كمان
العربيه طبعا اتظبطت في حجات كتير جدا زي الحرق والدخان الاسود والكلام ده
بس بردوا نفس مشكلة السلانسية .......
المشكلة بالظبط
ادور العربيه تبقي تمام
امشي شوية وادوس فرامل علشان مطب او هقف مثلا الار بي ام ينزل والعربية تتبرجل وبتبطل مني
كده دي مش مشكلة حساس ايدل
ممكن يكون السبب في سير الكاتينة ؟؟؟؟ لان الموضوع ده حصل مباشرة بعد تغيير السير
ياريت تردوا عليا علشان انا زهقت فعلا
والعربية بتاكل بنزين بشكل شنيع