الموضوع: الأسعار النهائية لاشتراكات الإنترنت في مصر

المشاركة الأصلية كتبت بواسطة mazagangee

هيه كده رخصت ?
لما تحطلي استخدام محدود علي الخط ده طريقة للنصب و تقليب الزبون

اه يا باشا رخصت لان الاستخدام العادل مطبق اصلا 150 ميجا ل خط ال 2 جيجا و 300 جيجا لل 4 ميجا على كل الناس و من زمان مطبق محستش انت بيه عشان معدتهاش كنت زويك لحدممره واده عديت ال 150 جيجا و حسيت بيه انه موجود و دلوقتى السعر قل اكتر من النص :) و الاستخدام العادل زاد بمقدار محترم جدا

تطور و عيال جدعان و عمر مكان هياخدو منهم كل حاجه ياريت يكملو و كمان سنه يحصل تطور تانى و يكون فى خطوط فايبر فى الارض على الاقل فى القاهره و الاسكندريه و الجيزه و السرعات تبقى اكتر من كده

منضايق منهم لانهم محددوش سعر ال 8 ميجا و لا استخدامها العادل يعنى ايه من 400 لى 600 للاسف

انا عن نفسى واحد بيدفع 380 جنيه فى ال 4 ميجا و سعه 300 جيجا غصب هدفع 220 و انزل 110 جيجا اكتر ازعل ازاى

الفرق مبين الى تحقق على الواقع و الاحلام هو واقيعه العيال دى مش هتاخد منهم كل شىء لكن نقدر نحرك الموضوع بعد اكتر من 4 سنين مجرد صفحه على النت و فكره مبتعملش شىء مش بقارن بالاحلام بقارن بالواقع الى فيه دلوقتى لو كل سنه بس فى ال 4 سنين الى فاتو حد عرف يتفاوض زيهم كان زمنا وصلنا لفين ؟؟

الاسعار دي كوويسه جدا بالنسبه للاسعار الي موجوده حاليا في فرق كبييير انا شايف انها لو فعلا اتطبقت هتبقى انجاز من الشباب دول

وكمان هما كاتبين ان الاسعار دي هتبقى مؤقته لحد ما البنيه التحتيه تتحسن يعني هتبقى افضل كمان في المستقبل .

انا مش شايف انهم عيال تافهه خالص على الاقل وصلوا لحاجه والمفروض نشجعهم مش نقول انهم حبوا الموضوع حتى لو كان التحسن 0.00001% على الاقل بيحاولوا

الاجتماع مع شركات الاتصالات هيبقى نهاية الشهر الجاري لو خلص بالموافقه هتبقى حاجه حلوه الاسعار هتقل وسعة التحميل هتزيد
وفي حاليا بيركبوا فايبر في اماكن كتير في مصر يعني في شغل كمان مش كلام على ورق

وكل حاجه هتبقى مؤقته بعد الانتهاء من التحسين هيبقى في اسعار تانيه برضه

مش شايف اي سبب يديك الحق انك متدعمش الشباب دول

المشاركة الأصلية كتبت بواسطة marsguy

المشكله إن الأسعار لو رخصت بس شركات الإنترنت ما إشترتش سعان إنترنت جديده يبقى اللي هايحصل إن كل الناس هاتشترك في سرعات أعلى بس مش هاتكون أسرع فعلياً عشان الماسوره الأم نفسها لسه صغيره زي ما هي!

عندهم سعه و بالعبيط و كمان معظمها منح من الاتحاد الاوروبى بس التقسيمه ازاى يكسبو اكتر من الى موجود عندهم حاليا عشان كده قارفنا