لية رياضة السيارات مظلومة في مصر (( هاام))

**abdo golf** · 15-04-2015 12:57 PM

السلام عليكم

أية اللي مخلي رياضة السيارات هنا في مصر مش موجودة ( هي موجود بس بشكل غير رسمي زي سباقات الشوارع ) أية اللي مش مخليها رسمي كتير اسئلة غريبة شوية هتقولي في متسابقين وسباقات هقولك ان مفيش غير الاوتو كروس وريد بول دريفت مفيش غير سباق واحد دريفت و مش مصري عاملو سباق دريفت مصري بدون ذكر اسم اول مرة كان حلو جداً وممتاز تاني مرة كنا واقفين في الشمس من الساعة 9 الصبح وبعد لما صلينا الضهر الجمعة رجعنا مفيش غير التنين متسابقين دلو وبعد كدة مفيش حد دخل سكوووت وبعد كدة يتكلم المعلق ويقول السباق اتلغي كانت صدمة لكل الناس حتي المتسابقين اللي مناموش علشان يجهزو عربياتهم للسباق دة كلة راح في الهوا عملو الاعادة بدفع تذكرة غير السباق الملغي وقاعة المؤتمرات ولعت راح السباق اتلغي كة يعني الغلط فينا احنا كمصريين بنضحك علي بعض ولا فمين علشان كدة رياضات الموتور مش واخدة اسم هنا في مصر
وشكاً

**MOTOR HEAD** · 15-04-2015 06:57 PM

عشان المحبين ليها قليلين

دا السبب الرئيسى

**borio1704** · 15-04-2015 10:15 PM

أنا شايف المشكلة في نظرة المجتمع المصري للسيارة في حد ذاتها

السيارة في مصر ما زال الناس (والحكومة على رأسهم) بيبصوا للسيارة كسلعة كمالية "واستفزازية" أحيانا... وبالتالي اللي بيجيب عربية ده إنسان غني وعلى راسه ريشة..

وطبقا للنظرة دي.. فالحكومة عاملة جمارك على السيارات تعتبر من الأعلى في العالم (مصر وسوريا بس على حد علمي هما اللي فيهم جمارك بالمنظر ده)... وده بيزود النظرة دي جوه المجتمع المصري..

تفتكر في مجتمع بيفكر بالطريقة دي... فيه حد عنده استعداد يساعدك تعمل حاجة كويسة؟؟

إذا كانوا موظفين الحكومة ولا نادي السيارات كلهم شايفين المتسابقين معاهم "فلوس زيادة" ومش عارفين يعملوا بيها إيه!!
ولا إمكانية إنك تجيب عربية أصلا وتعدل عليها علشان تنزل بيها السباق.. بتبقى مكلفة قد إيه!!

ولو قلنا الموضوع محتاج داعمين Sponsors .. فالمعروف إن النشاط الاقتصادي في مصر بدوره ناس عايزة تضرب وتجري... يعني محدش بيبص للمستقبل إلا فيما ندر...

للأسف... المجتمع بصورته الحالية وثقافته دي ما تشجعش نهائي .

...