السادة أعضاء المنتدى السلام عليكم ورحمة الله وبركاته،
أرجو الإفادة بخصوص الإختيار بين تويوتا كورولا الفئة الأولى اوتوماتيك وبين رينو فلوانس الفئة الثانية اوتوماتيك مع توضيح الفرق الفني والجوهري بين السيارتين حتى استطيع إتخاذ قرار الشراء السليم وشكرا لكم مقدما
بسم الله..بس قبل اي مقارنه شوف انت عايز ايه من السياره اللي هتشتريها يعني مثلا انا اختارت الفلوانس e3 s 2015..علشان انا عايز سياره مرتفعه عن الارض وخاصه لما بتبقي محمل فيها 5 افراد بالغين وكمان اطفال شبه كده بالغين...مش عايزها تحك في مطب وكمان انا كنت عايز فتحه سقف فكده يعني شوف انت عايز ايه من السياره وهتلاقي الاختيار سهل ان شاء الله وكمان قبل ما تشتري اقعد في دي ودي وشوف انهي مريحه لك في القعده...بالتوفيق ان شاء الله
شكرا لحضرتك جدا على الرد السريع.....أنا فعلا حاجز فلوانس 2015 e3 بس بقالي كام يوم موسوس من الفلوانس عشان بيقولوا انها مش وش بهدلة وانا مشواري للشغل يوميا رايح جاي بعمل في حدود 180 كم فمش عارف انهي احسن بالرغم اني ركبت الاتنين وفيه حاجات في الكورولا محتاجها مش موجودة في الفلوانس وبالعكس ومش عارف اقرر انا محتاج ايه اكتر عاجبني فخامة الفلوانس بس مشواري للشغل قاتل ومش متأكد انها حستحمل وفي نفس الوقت عاجبني شياكتها وفخامتها بس خايف من سعر اعادة بيعها بس برضه خايف من قطع غيار الكورولا اسمع انها غالية .....حيرة شديدةاقتباس:
المشاركة الأصلية كتبت بواسطة mmsobhi
اى عربيه فيها مميزات و عيوب .
مشوارك 180 كم فى اليوم محتاج عربيه اعتماديتها عاليه بالدرجه الاولى , يبقا تتكل على الله و الكورولا , هيه اشهر عربيه بلا منازع فى الاعتماديه .
الفلوينس اعتماديه مع الفيس ليفت لانه الموتور و الفتيس نيسان و نفس تكنولوجيا فتيس الكورولا و لكن تيوتا اعتماديتها اعلى من نيسان برضه و ده طبقا للاحصائيات الرسميه العالميه .
لازم تتنازل عن بعض المميزات مقابل احتياجك الأهم و هو الاعتماديه العاليه بالنسبه لمشوارك و ان كنت اعتقد انه هايكون على طرق سريعه غالبا و ده بيريح اى عربيه نسبيا . منها الشكل و الفخامه و الاوبشن اللى عاجبينك فى الفلوينس .
اسعار قطع الغيار : ما بين الاتنين متقاربه جدا .
نقطة اعادة البيع : هاتتغير مع الفيس ليفت للفلوينس تغير جذرى فلا تقلق من النقطه دى قوى فى حساباتك .
هممم , هو فعلا الفيصل محتاج ايه
اداء اعلى و اعادة بيع ممتازة مع عوامل امان احسن شوية مع اوبشن مفـــــــــــيش , يبقى كورولا اول فئة
اداء كويس و اعادة بيع معقولة مع اوبشن كويس جدا , يبقى فلوانس
اداء الكورولا احسن شوية كتسارع و ثبات و حساسية فرامل , يزيد فيها عامل امان الesp , و فيها اتنين ايرباج
الفلوانس اعادة بيع معقولة , و اوبشن رائع , و مش عارف الفئة اللي بتتكلم عليها فيها 2 ايرباج ولا 6 بس غالبا 2
احتياجاتك هي اللي تحكم , و لو طلعت لكورولا الفئة التانية الكفة هاتميل ناحية الكورولا اكتر , بس ادفع طبعا :)
السلام عليكم انا عقدتى فى السيارات اصبحت الاحتكاك بالمطبات و مستغرب من تعبير ان الفلوانس عالية انا عمرى مسقتها و اكيد مش هقدر على تقييم مسئلة الارتفاع عن الارض زى واحد بيستعملها فكنت عاوز من حضرتك تنقلى خبرتك فى موضوع الاحتكاك بالمطبات لأنى فى طور دراسة سيارة جديدة و شكلها هترسى على هيونداى 35 xi ياريت حضرتك ممكن تفدنى برأيك مع خالص تحياتىاقتباس:
المشاركة الأصلية كتبت بواسطة mmsobhi
296
شكرا لردك أستاذ ياسر وفعلا المشوار على طريق سريع مش في زحمة غير في 10 او 15 كيلو في المسافة إجمالا...ممكن بعد المعطيات دي افضل في الفلوانس؟؟ انا حاجز بالفعل من اسبوعين وبخلص اجراءات البنك e3 بس الشيطان شاطر سعادتك عارف :)اقتباس:
المشاركة الأصلية كتبت بواسطة yasser100
واضح انك ميال جامد للفلوينس . خلاص يبقا الاحسن ما تفكرش فى غيرها . لانه لو اشتريت عربيه ضد راحتك النفسيه حتى لو هيه افضل كل ما هاتركبها مش هاتكون مستريح و كل ما هاتشوف الفلوينس قدامك ها تضايق اكتر . خلاص كمل فى الفلوينس و هاتكون مبسوط .اقتباس:
المشاركة الأصلية كتبت بواسطة baron hk
ربنا يوفقك للافضل :)
ارتفاع ال ix 35 نفس ارتفاع الفلوينس . ما فيش حك فى المطبات بالنسبه للفلوينس .اقتباس:
المشاركة الأصلية كتبت بواسطة ali ashraf
اعترضاقتباس:
المشاركة الأصلية كتبت بواسطة yasser100
الفرق و اضح فى الارتفاع رغم ان الفلونس مميزة فعلا في موضوع المطبات
و لصاحب الموضوع انا لو مكانك الفلونس انسب الاختيارات
تمنياتي بحسن الاختيار
من واحد عنده كورولا و فلوينس. . خد فلوينس و ماتفكرش كتير
حتندم لو جبت كورولا و ركبت بعديها الفلوينس e3
بما انى فى مرحلة دراسة شراء سيارة جديدة حضرتك قلت عبارة قوية جدا و قصيرة جدا و معبرة جدا معقول الفلوانس احسن من التويوتا , يا ريت تفدنا برايك اكثر و هل فعلا الفلوانس مرتفعة بما يناسب الشوارع المصرية و بالنسبة لى انا بسافر الغردقة بالعربية يبقى الانسب ايه فى راى حضرتك و آسف للاطالةاقتباس:
المشاركة الأصلية كتبت بواسطة hegazio
187
بحثت على النت دلوقت ارتفاع الفلوانس موديل 2014 هو 1479 مم و ارتفاع الهيونداى 35 هو 1700 مم يعنى فرق معتبر ما علينا بالنسبة لواحد بيسافر من الغردقة للقاهرة مرتين فى الشهر تقترحوا ايه افضل له؟اقتباس:
المشاركة الأصلية كتبت بواسطة yasser100
498
عموما طريق الغردقه ايه مشكلته فى ارتفاع العربيه ؟ ده طريق سريع . ما فيش فيه اى مطبات عنيفه .اقتباس:
المشاركة الأصلية كتبت بواسطة ali ashraf
الفلوينس ما فيش شكوى نهائي بالنسبه للاحتكاك فى المطبات . الا اذا كان بقا مطب يحك فيه الميكروباص كمان .
السلام عليكم ..وانا برخص العربيه في المرور كانت السياره واقفه بالصدفه بجوار كيا سبوتاج وكانت الفلوانس اعلي منها ...والمهم في ارتفاع السياره هو اثناء التحميل العربيه بتنيها عاليه ولا بتهبط . ده اهم من الارقام
فعلاً حضرتك عندك حق، الرقم الصحيح اللى يقاس عليه خلوص العربية عن الأرض او ال GROUND CLEARANCE بيكون و العربية فى كامل حمولتهااقتباس:
المشاركة الأصلية كتبت بواسطة mmsobhi
الفلوانس خلوصها الأرضى 120mm و هى بكامل حمولتها من 5 أشخاص و شنطة مليانة او كما بيسموها FULLY LADEN
تحياتى
مقارنة صعبة
لازم إختيارك يكون عن تجربة للعربيتين
إتصرف وجرب العربيتين وقرر بنفسك
الإتنين مواصفاتهم عاليه
ومتنافسين بشدة
جميل إن الواحد يعرف المواصفات الدقيقة الفنية لكل عربية منهم
لكن ده مش هو الأساس اللي هيتبنى عليه القرار
الأساس هو التجربة بنفسك
أنا شخصياً جربت الإتنين
وسافرت بالإتنين
وحيروني هما الإتنين
لكن مرتاح للكورولا أكتر
ـ
شكرا لذوقك ياسر باشا بس معلش كان عندي سؤال من متابعتي لمواضيع حضرتك هنا في المنتدى بخصوص زيت توتال 5w40 دلوقتي انا كنت في بنزينة توتال مع صديق ليا وشوفت زيت توتال لزوجة 5w30 اجيبه ولا توتال اصلا زيت مش اعتمادي خصوصا كما سبق وان شرحت لسيادتك اني بعمل كيلومتر زيادة عن الطبيعي بحكم ظروف عملي وايه أفضل الأنواع على اللزوجة 5w30?...أرجو التوضيح :)اقتباس:
المشاركة الأصلية كتبت بواسطة yasser100
تم أخذ النصيحة في الإعتبار يا فندم :)اقتباس:
المشاركة الأصلية كتبت بواسطة hegazio
أنا توصلت لحل المعادلة الصعبة بالنسبة ليا شخصيا وحابب أعرض على سيادتك وجهة نظري.....من الواضح من آراء ملاك السيارتين إن أدائهم متقارب إلى حد بعيد مع تفوق طفيف في بعض المزايا للكورولا تارة وبعض التفوق الطفيف للفلوانس تارة أخرى بس بعد أن قتلت الموضوع بحثا إكتشفت الآتي: الكورولا للأسف مش حينفع أنا شخصيا أركب منها الفئة الأولى أوتوماتيك لأنها تقريبا فاضية وبالتالي الفئة الثانية هي أفضل إختيار لكني سأصدم بعامل الميزانية لأن الفئة الثانية منها ب191000 طيب ما أنا ممكن ب178000 فقط وأبقى وفرت حوالي 13000 جنيه أركب الفلوانس e3sr وكمان حاخد أوبشنز زيادة عن الكورولا الفئة الثانية وأوفر كمان حبة فلوس خصوصا إن الفوارق تصب في مصلحة الفلوانس من حيث الكماليات مع الأخذ في الإعتبار إن الكورولا كآداء ممكن يكون أفضل نسبيا من الفلوانس.....إن شاء الله أنا فلوانس وربنا يبارك وآسف على الإطالة :)اقتباس:
المشاركة الأصلية كتبت بواسطة ahmed1981
لا و لا يهمك .اقتباس:
المشاركة الأصلية كتبت بواسطة Baron HK
توتال 5w30 نزلت اخيرا درجة اللزوجه دى ؟
بص الموتور ده افضل لزوجه و اداء معاه اللزوجه 5w30 , ممتازه بصراحه مع الموتور , انا مش مع ماركة زيت معينه على اد ما تهمنى اللزوجه .
لما غيرت للزوجة 5w30 من حوالى سنه و بعد ال 1000 كم الاولى لم يكن توتال موجوده اللزوجه دى او اى نوع تانى 5w30 و لقيته فى موبيل بالعافيه كمان . و ساعتها انا راسلت شركة توتال بالايميل لعدم توفر درجات اللزوجه فى زيوتهم , للامانه انا ما كنش عندى مشكله انه استخدم توتال 5w30 بس زى ما قلت لك لم يكن متوافر و اشتريت ساعتها موبيل فورميولا 5w30 و اداؤه الصراحه رائع مع الموتور .
من اسبوع لقيت فى ملحق سيارات الاهرام يوم الجمعه اعلان كبير لنيسان سنترا اللى هيه نفس موتور الفلوينس بتاعنا و لقيت معاه اعلان موبيل فورميولا 5w30 كزيت ينصح باستخدامه من نيسان مع موتور السينترا , يعنى انا كنت صح و زاد عليه بالصدفه ماركة الزيت اللى انا كنت شاريها و اللى هيه موبيل .
توتال متخلفه او بمعنى اصح الزيوت اللى بتنزلها لنا هنا متخلفه شويه خصوصا كوارتز 9000 5w40 بتاع التوكيل ده . واخد تصنيف فى ال API الامريكيه SM يعنى بالبلدى اخره عربيات موديل 2010 .
بس خليك فى توتال 5w30 طالما نزلوها فى السوق , اكيد بسبب ضغط الملاك و العملاء فى الموضوع ده .
لو حضرتك مش لاقي أنا ممكن أجيبلك عشان انا لاقيته في بنزينة توتال في العاشر من رمضان عشان انا شغلي هناك وكفاية ذوق حضرتك :)اقتباس:
المشاركة الأصلية كتبت بواسطة yasser100
شكرا يا باشا على كرمك :) .اقتباس:
المشاركة الأصلية كتبت بواسطة baron hk
انا خلاص ماشى على موبيل بقا لى سنه , انا بانقل لك التجربه . خللى بالك من تاريخ صلاحيته و يكون فى بنزينة توتال معتمده لانه اللزوجه دى بقا لها فتره طويله مش موجوده فى السوق من توتال و اسأل برضه التوكيل ممكن يكونوا نزلوها عندهم هايكون احسن .
تحياتى :)
خليك فى تويوتا كرولا علشان خاطر اليبانى دايما اصلى وبيستحمل ومضمون ومتطور