عرض للطباعة
العربية بقالها شوية كده بتعمل صوت امريكانى فى الملفات حتى و لو كنت سايق على الغيار الاول و كمان بتزحف منى لما ادوس فرامل حتى و لو سرعة 40 و مش عارف ده من ايه .
معقول يكون الكاوتش باظ ؟؟؟ مع ان العربية عاملة 30 الف كيلو بس و ده كاوتش بلادها ده ان سواقتى هادية .. انا صحيح بجرى بسرعة بس عمرى ما طلعت امريكانى ولا خمست بالعربية دى !!!
حد عنده معلومات عن الموضوع ده يا اخوانى
كاوتش ولا زوايا ولا ترصيص ولا ايه
-اول حاجه شوف ضغط العجل كام ممكن تقيسه بالمقياس الى جاى مع العرببه ويفضل يكون الصبح بدرى قبل ما تتحرك بالعربيه
-ممكن تبدل موضع الاطارات على شكل x لان المفرض التبديل يكون كل 20 الف كم (و احتمال ضعيف ان الصفاره الى بتجى مع الملفات تروح )
-بعد كده خش على الزوايا لو الحلول السابقه مجبتش نتيجه (ان شاء الله هوه الى هيضبط العربيه )
صوت الصفير من الكاوتش في الملفات أمر طبيعي
اما الزحف ده فلازم تجرب على ارض جافة ومفيهاش تراب
جرب واخبرنا وان شاء الله نساعدك في إيجاد السبب...
تحياتي ...
الف شكر يا اخوانى على الردود السريعة .. بس احب اقولكم انى فعلا غيرت مكان الاطارت فى صيانة ال20 الف و الصوت ده ظهر بعد التغيير بس بعدها بالف او الفين كيلو ...
خلى ضغط العجل 30
العيب زوايا مش اكتر اضبط زوايا امامى وخلفى ومش هاتسمع اى صوت
الموضوع ده كان عندى برضه بومه 2005 كان الكاوتش دانلوب بتاعها لما غيرته على 65000 كم جبت نوع تانى بقيت احسن من الاول كتير فاعتقد انه ممكن يكون الكاوتش والله اعلم
ضبط زوايا العجل أمامى وخلفى وشوف لو محتاج ترصيص .. وإن شاء الله هتبقى تمام ..