رحله اختيار الاطار فى السوق المصرى بين افضل الاطارات العالميه و شغل التجار :)

عرض للطباعة

15-04-2015, 04:09 PM
El Gen2

رحله اختيار الاطار فى السوق المصرى بين افضل الاطارات العالميه و شغل التجار :)

كنت متخيل الموضوع بسيط ..... حشترى كاوتش ... ايه المشكله يعنى ....طلعت قصه و موال

بدأت بلفه على محلات الكاوتش اجمع انواع و موديلات و اسعار .... و احترت اخر حيره

فقررت الجاء الى البحث على الانترنت بين المواقع الى بتعمل تقييم و ترتيب للاطارات .... و كانت المفاجاه

تقريبا مفيش ولا نوع فى مصر ليه اى ترتيب متقدم عالميا ...

النوع ده مقصود بيه مش بس الماركه لكن النقشه كمان.

التقييمات للانواع الموجوده فى مصر يا اما سيئه او متوسطه.

حتى بريدجستون gr90 الى هى (تقريبا) اغلى عجله فى مصر مش موجوده على اى موقع من مواقع بريدجستون على مستوى العالم غير موقع الشرق الاوسط.

بعض مواقع التقييم عاملين تقييم ليها و بعضهم مش عندهم العجله دى اصلا

ده بقى غير باقى الماركات ... بيريللى و كونتنتال و ميشلان و هانكوك .... الخ .... عندنا منهم نقشات تقييمها سئ او مع افضل الاحوال متوسط.

و طبعا التجار بيبيعوا باعلى الاسعار و كله فى البطيخ :)
15-04-2015, 05:04 PM
aw2100

افضل كاوتش فى مصر اليوكوهاما c drive أو a drive والبريدجستون gr 90 بعد كده مانصحش باى نوع
15-04-2015, 06:24 PM
ibrahiiimooo

كلام مش صحيح على اطلاقة
رد سريع بص على ال goodyear efficient grip performance و اتفرج على ال european label بتاعه عامل ازاي
15-04-2015, 07:18 PM
Adnfalcon

هوضح نقطه بسيطه ..
كل شركه كاوتش فيها أكتر من موديل
الموديل ذو المواصفات الأعلي بسعر أعلي
مثال .. انا مشتري ميشلان الفرده ب 800 بس في موديلات أعلي بتوصل ل 1800 جنيه ميشلان بردو !!
كل برغوت علي قد دمه هههههه
16-04-2015, 03:30 PM
El Gen2

اقتباس:

المشاركة الأصلية كتبت بواسطة ibrahiiimooo

كلام مش صحيح على اطلاقة
رد سريع بص على ال goodyear efficient grip performance و اتفرج على ال european label بتاعه عامل ازاي

بالنسبه لل european label ده مش مقياس دقيق قوى فى رائى ... لانه بيقيس 3 حاجات بس ... استهلاك البنزين (صراحه مش دى اكتر حاجه فارقه معايا) , الفرامل على الارض المبتله (مش حاسس ان دى فارقه مع مصر اصلا) , و صوت العجل (دى حاجه فارقه طبعا)

مش بيقيس بقى ... الفرامل على الارض الناشفه الى هى اغلب الحال فى مصر و لا نعومه الاطار و لا التحكم ... الخ

بعض التقارير عن ال efficient grip performance كويسه نوعا ما .... بس مش حتلاقيها فى اى ترتيب من الاوائل فى الاطارات الى فى فئتها
16-04-2015, 06:55 PM
El Gen2

اقتباس:

المشاركة الأصلية كتبت بواسطة adnfalcon

هوضح نقطه بسيطه ..
كل شركه كاوتش فيها أكتر من موديل
الموديل ذو المواصفات الأعلي بسعر أعلي
مثال .. انا مشتري ميشلان الفرده ب 800 بس في موديلات أعلي بتوصل ل 1800 جنيه ميشلان بردو !!
كل برغوت علي قد دمه هههههه

بالظبط .... المشكله ان الفرده ام 800 جنيه دى هنا بتباع على اساس انها اعلى حاجه فى السوق و عشان كده غاليه... لكن فى الحقيقه بالنسبه للسوق العالمى مش بتكون من العجل المتقدم خالص