السلام عليكم
دي اول مشاركه لي في المنتدي
وكنت حبيت اسال حد معاه بيجو 2008
عاجبني شكلها جداااااااااا وحاسس انها قريبه من شكل الكارينز الجديده
وكنت هشتري الكارينز الجديده بس مستعمله بس لقيت بنفس السعر اجيب 2008 جديده
فانا محتار يارب يارب الاقي حد يفيدني بجد:allo:
السلام عليكم أخى الكريم
أنا بردوا طرحة نفس السوال و مجليش أى رد
الكرينز حاجة وال2008 حاجة تانية.ال2008 كروس اوفر.انا عامل بيها لحد دلواقتي 23800 الف والحمد لله مافيش اي مشاكل.انا بس كان نفسي الكنبة اللي وراء توسع شوية.لازم تشوف الاتنين وتقعد فيهم.وربنا هيكرمك ان شاء الله.وخالي بالك احنا مش كل سنتين والا 3 بنغير العربية.
عربية رائعة وتنفع لأسرة صغيرة ... مريحة جدا والتقفيل والعزل ممتاز ... وفخمة ما شاء الله
العيوب : فعلا الكنبة اللي ورا صغيرة لو أنت مرجع الكرسي لورا على الآخر ... بس أنا عن نفسي مش بعاني من المشكلة ديه لأني مش برجع الكرسي للآخر ... يعني العربية فيها أمكانية إنها تبقى بحر قدامك وضيقة ورا ... فأنت بتحاول توسطن الموضوع شوية
العيب التاني حاسس إن التسارع بطيء شوية ... بس يمكن عشان العربية لسة معملتش 200 كيلو :)
طبعا شكر خاص للأخ nav man إللي فعلا كان بيرد على كل إستفساراتي لغاية لما ربنا كرمني وجيبت العربية :)
يباشا احنا اخوات.استني شوية علي العربية لحد اول 1000 كم وبعدها شد براحتك.انت بس دوس علي البنزين وهتطلع الاسد اللي جوها.ربنا يباركلك فيها ويديك خيرها.
مشكلتي هنا اخي الكريم
ان انا مفيش عربيه بتقعد معايا اكتر من سنتين
يعني جبت النترا 2012 بعتها بعد سنه
جبت ماتريكس مستعمله مقعدتش سنه
واخيرا الكارينز بقالها سنه بالتمام معايا
والغريبه ان كان عندي اول عربيه كيا سبيكاترا وقعددت 3 سنين وكانت مريحاني جداااااااا
جزاكم الله خيرا علي الردود انا لسه محتار بس دخل في الحسبه كمان برليانس v5
تمام يباشا.انا اعتقد ان v5 اكبر من ال 2008 بس اكيد هيكون في فرق لصالح ال 2008 بدون تحيز.والله اعلم.
بص ياباشا بالنسبة للبريليانس ... أنا شوفت العربية ... شكلها جميل ورائع وكل حاجة ... بس الصيني حيفضل صيني ... التقفيل ومشاكله ... ناس كتير أعرفها جابت البريليانس ( بس عربيات تانية مش ال v5 ) ... وعانت منها ....
أنا إللي كنت نفسي أجيبها هيا القاشقاي الجديدة أو سوبارو xv
بس لقيت البيجو بتحقق معظم أحلامي وسعر كويس مقدور عليه :)
والحمد لله ربنا كرمني بيها وإن شاء الله يباركلي فيها :)