انجدونى يا جماعة من شركة الطارق للتأمين على السيارت و استعمالها بعد كده!!
انا اشتريت عربية لانسر من شركة الطارق اللى هى فى مدينة نصر فى شارع احمد فخرى من حوالى سنة و عرضوا عليا نظام تأمين بلس عندهم يعنى باختصار بيامنوا ليا على العربية مع اى شركة زى الجمعية مثلا و بيقدموا خدمة زيادة و هى ارسال سايق ياخد العرية و يجيبها و متابعة الاجراءات و تسريعها و تخليص الشيك من الجمعية و تجديد الترخيص. كل ده مقابل ان التأمين يكون 3.3% فى السنة. بينى و بينكم انا قولت تمام و اهه راحة بال برده و الناس دى هتسلك فى التامين و المرور احسن منى. و اليكم النتائج بعد مرور سنة كاملة :
1- زيادة الوقت الى الضعف او اكتر بدلا من اختصاره و خدمة عملاء لا يفقهوا شىء غير تثبيت الزبون.
2- بدل ما كنت هتخانق و اوجع قلبى مع شركة التامين بس دلوقتى بقوا اتنين, الشركة و شركة الطارق
3- مراكز الخدمة اللى بيتعاملوا معاها ضايعة و الشغل وحش قوى و مافيش متابعة نهائى
4- المصيبة الكبيرة بقى ان العربية عندهم من شهر لتصليح الاكصدام بس و لما جاتلى النهاردة اكتشفت انها عاملة 134 كيلو زيادة . رحت و اتخانقت معاهم و اكتشفت هناك ان السائق اخدها منى يوم و سلمها التوكيل تانى يوم و فى اليوم ده الباشا عمله 100 كيلو على الاقل و ماعرفش فين و ازاى . و طبعا قالولى ده السواق ده احنا فصلناه من اسبوع و مش عارفين فين... و طبعا ممكن يكون عمل مصيبة بعربيتى و اشسليلها انا
دلونى يا اخوانى اتصرف مع الناس دول ازاى ...
و احب برده احذر كل الاخوان من التعامل مع الشركة دى لانهم كدابين و ماعندهومش امانة على العميل او سيارته
احذرواااااا شركة الطارق للتوزيع و التجارة (altarek auto)
ولو حد عنده حل يقولى . اعمل محضر ولا هيئة الرقابة على التامين ولا جهاز حماية المستهلك ولا ايه ؟؟؟؟