الموضوع: استشارتين يا اهل الخير

سبحان الله والحمد لله والله اكبر
هو انا سؤالى صعب للدرجه دى

المشاركة الأصلية كتبت بواسطة m_m_sh_a

لو الكاسيت نوعه أي كلام ..ممكن يعمل معاك الذبذبه دي حتى لو غيرت سلوك بوجيهات وحطيت مقاومة على الموبينه كمان ..عموما ..شوف أي حد بتاع إستعمال ..وخد من عنده سلوك بوجيهات وجربها ..المشكله راحت يبقى كده تمام ..المشكلة ما راحتش يبقى كده هتضطر تحط مقاومة بعد الموبينه

ربنا يبارك فى حضرتك هو الكاسيت اكيد صينى بس مش عارف اذا كان اى كلام او لا وها احاول اعمل بنصيحة حضرتك
ممكن اعرف هى المقاومه دى بتيجى منين واسمها ايه وشكرا على الرد مره تانيه

المشاركة الأصلية كتبت بواسطة m_m_sh_a

أي كهربائي عارفها ..قصدي على المقاومه يعني ..مقاومه كده هتلاقيها بيضا ومدغلزه وكبيره ..هو الكهربائي عارفها ..بس بالله عليك ..تروح لكهربائي بيفهم ..هي شغلانه بسيطه ومش محتاجه ..بس برضه ..عشان ما تصرفش كتير

ربنا يبارك فيك على المتابعه والرد ان شاء الله ها احاول اشوف كهربائى تانى لان اللى انا معامله مش عارفها وها انزل الاربع او الخميس ان شاء الله التوفيقيه وها اسال عليها

الحمد لله المشكله اتحلت
كنت قريت فى المنتدى موضوع جميل عن البوجيهات فعرفت ان فيه بوجيهات فيها مقاومه عشان
الذبذبه خاصة فى الراديو او كمبيوتر السياره لو حديثه فقلت ابص بصه على البوجيهات بوجيه
بوجيه اتلاقيت ان فيه ثلاثه بوجيهات عليها حرف الار R يعنى فيها مقاومه للذبذه اما الرابع ما كنش عليه
عليه حرف R وكمان كان السن اللى بيربط فى الماتور كان قصير فا استنتجت ان قصر سن البوجيه داخل الماتور
بيخلى الشراره اللى طالعه من البوجيه تطلع على جسم الماتور وبالتالى يعمل الشوشره الجامده دى
فجيبت بوجيه جديد مقارب ل مواصفات بوجيه العربيه وعليه حرف ال R والحمد لله الذبذبه راحت تماما
واخيرا ماهر المعيقلى بقى بيقرا من غير تقطيع
باقى بقى رعشة عداد الار بى ام ربنا يعنى عليها
وفى النهايه اشكر الاخ الكريم m_m_sh_a على محاولنه مسعدتى وربنا يجعله فى ميزان حسناته

المشاركة الأصلية كتبت بواسطة m_m_sh_a

خلي الميكانيكي يضبط لك الإسبراتير مع الكاربراتير ..يعني يضبط كهربا مع بنزين ..لغاية العربيه ما تهدى في السلانسيه بتاعها ..أو ضبط تاكيهات الأول

انا فعلا ضبطت تاكيهات قبل كده ولسه المشكله موجوده
انا
شاكك فى الموبينه لان بصيت على الشراره بتاعتها كانت ضعيف لان عندى العربيه بتاكل بنزين ولسه عامل شغل فى الكربراتير قريب عشان اكل البنزين
او ممكن يكون من عداد الار بى ام نفسه لان الطبلون بتاع البلونيز الحديثه الانجيكشن