يا جماعة انهاردة فجأة بشغل التكييف مش شغال. كل ما بدوس على زرار تشغيل الكومبريسور كأني ما دوستش على حاجة, لا الكباس بيقوم ولا المراوح بتشتغل ولا الموتور بيعلى ولا اي حاجة.
امبارح كان شغال كويس جدا وبيسقع كويس جدا
هل فيه فيوز مثلا عاوز يتغير؟
عرض للطباعة
يا جماعة انهاردة فجأة بشغل التكييف مش شغال. كل ما بدوس على زرار تشغيل الكومبريسور كأني ما دوستش على حاجة, لا الكباس بيقوم ولا المراوح بتشتغل ولا الموتور بيعلى ولا اي حاجة.
امبارح كان شغال كويس جدا وبيسقع كويس جدا
هل فيه فيوز مثلا عاوز يتغير؟
ممكن فيوز .. و ممكن كويل الكمبروسر .. ان شاء الله حاجه بسيطة.
بقولك لو نويت تبيع ال C قول لي عشان في واحد صاحبي بيدور حاليا.
و لو فاضي رد عليه في الموضوع ده http://www.nilemotors.net/Nile/464147-2008.html
كتاوت الكمبروسر اول واحد من ع اليمين في العلبه المستطيله اللي قدام البطاريه
شيك علي الكتاوت بيبقي لونه اخضر وفيوزه 40 امبير علي الشمال
دى مشكلة كهربا كمنا وضحلك الاعضاء
المشكله دى ممكن يكون حصل تسريب والفريون هرب وفى ساعه فى الشجره لو الدايره مفيهاش فريون متخليش الكمبروسر يشتغل
غالبا فيوز ان شاء الله بسيطه
الف الف شكر يا رجالة تعبتكم معايا
انا فتحت العلبة اللي قدام البطارية ولاقيت فيها فعلا 3 كتاوت خضراء على اليمين و3 برتقالي على الشمال.
حاولت اطلع اول واحد على اليمين مش عاوز يطلع. هل بس بشده لبرة ولا له مشبك؟
وازاي اعرف انه اتحرق. ولو محروق بجيبه جديد ولا استيراد.
فيدو حبيبي. واحشني جدا والله. انت ليك حساب على الفيس يا باشا؟
كريم باشا. كان نفسي جدا اقعد معاك في السخنة والله خاصة انها اول مرة اشوفك وكان نفسي جدا اشوفك من زمان
والله من ناحية النية انا ناوي بس كل ماجي اعمل اعلان الاقي ايدي مش مطاوعاني.
انا بس مش عارف اطلب فيها كام وفيه بعض الحاجات العربية محتاجاها زي الكاتشة اللي تحت الاكصدام ودي لوحدها ب 1000 جنيه تقريبا الاتنين وعاوزة مساعدين وكمان كنت عاوز ارش الاكصدامين بس لو حد هياخدها ممكن احسبله تكاليف رشهم واخمهم من تمن العربية
فا انا مش عارف احدد سعرها.
انا كنت رافع ملف العربية بالكامل من التوكيل بس الصور اتشالت. ممكن ابقى ابعتهملك.
هي عاملة دلوقتي 89700 كيلو. فا طبعا هحتاج اعملها صيانة ال 90 الف قبل ما ابيعها ان شاء الله
انا كنت شاريها من سنتين عاملة 72000 كيلو تقريبا. وكنت بستخدمها للسفر فقط بنسبة 90% لأن جوة البلد كنت بستخدم الفيكترا b
انا غيرتلها الزيت عند 86400 كيلو وحطيتلها شيل هيلكس الترا سوبر بيور الجديد اللي مصنوع من الغاز الطبيعي ب 470 جنيه 5 لتر
لو صاحبك مهتم ممكن يبقى يتفضل في اي وقت يشوفها او لو عاوز اقابله في اي مكان بالنهار ويشوفها ولازم قبل ما يشتري اي عربية يروح يكشف عليها في التوكيل وياخد تقرير. وربنا يوفقه لما فيه الخير
فى احتمال بسيط انه يكون الكلاتش مش بيلقط بسبب الفيشه بتاعته مش نضيفه .. بتتفك و تتنضف و تركب تانى .. بس ده فى حاله ان الزرار بينور لما بتدوس عليه .. هل ده بيحصل معاك ؟
احتمال كبير كمان ان كتاوت التكييف نفسها هى اللى باظت او الفيوز بتاع التكييف نفسه ودول مكانهم فى علبة الفيوزات اللى تحت الدركسون ابدا الاول وشوف الفيوز لانه اول حاجة بتتحرق وبعدين الكتاوت لو ما كانش العيب فى دول يبقى زى ما قال لك زميلنا العزيز فادى من كتاوت كلاتش الكمبروسر اول واحد من اليمين فى علبة الكتاوت اللى وراء البطارية
تحياتى