علامة بروتون بيتتسرق يا رجااااااااااااااااااااااا اااله !!!!!!!!

**formoza** · 11-11-2008 07:25 PM

ياجماعه ربنا يعوض عليكوا و يحفظنا من السرقه, لكن انا باقول للى هيجيب علامه جديده مكان اللى اتسرقت قبل مايركبها يحوط سيليكون من تحت العلامه عشان تمسك جامد فالعربيه و مش لازم تجيب انبوبه كامله انت ممكن بجنيه الراجل يغرقهالك و يغرق العربيه كولها (:, و رابنا يحفظنا جميعا

**kobadr** · 12-11-2008 02:01 AM

المشاركة الأصلية كتبت بواسطة formoza

ياجماعه ربنا يعوض عليكوا و يحفظنا من السرقه, لكن انا باقول للى هيجيب علامه جديده مكان اللى اتسرقت قبل مايركبها يحوط سيليكون من تحت العلامه عشان تمسك جامد فالعربيه

أنا حطيت ايبوكسي بمصلب للعلامة اللي قدام بتاعة النيو واجا بعد ما محاولة فاشلة لسرقتها انتهت بانها انثنت للخارج ولكن ماطلعتش في ايده لحسن الحظ

**mayki4u** · 12-11-2008 02:11 AM

المشاركة الأصلية كتبت بواسطة kobadr

أنا حطيت ايبوكسي بمصلب للعلامة اللي قدام بتاعة النيو واجا بعد ما محاولة فاشلة لسرقتها انتهت بانها انثنت للخارج ولكن ماطلعتش في ايده لحسن الحظ

دا بيتباع فين دا يا اخ kobadr وايه شكل علبته وبكام؟؟؟؟؟؟؟؟؟؟؟
شكرا ليك

**kobadr** · 12-11-2008 02:20 AM

المشاركة الأصلية كتبت بواسطة mayki4u

دا بيتباع فين دا يا اخ kobadr وايه شكل علبته وبكام؟؟؟؟؟؟؟؟؟؟؟
شكرا ليك

يأخي ده بيكون أنبوبتين بيتباعوا مع بعض في غلاف واحد شفاف عند محلات البويات بحوالي عشرة جنيه...... م /خالد بدر

**mino** · 12-11-2008 12:45 PM

المشكلة ان اللي بيسرق العلامة لو ما طلعتش معاه بسهولة ممكن يحاول يطلعها بمفك او اي حاجة و يبوظ العربية انا رأيي ياخدها احسن بس ما يبوظش صاج العربية

**mazagnge** · 12-11-2008 01:29 PM

يا جماعه قصة سرقات العلامات دي قديمة قوي و مش بس العلامات لأ و مريات العربية اللي علي الباب

الحرامي بن الحرامي الله يولع فية بجاز ديرتي ( عــــذراً ) .

يقوم منقي عربية مدلعه او العلامات بتاعتها بحالتها و يقوم جى و براحة مقلب البادج بتاع الماركة و لو عرف كمان ياخــد اسم الماركة و ممكن لو أنت حاطط برانيط علي قزار العربية ( شماسات ) أو شكل الديفل بتاع الشكمان .

و يا أخدة ينظفة و يغسلة و يحطة في كيس بلاستيك و يرجع يبيعه و غالباً بتلاقيهم في في وسط البلد شارع عبد العزيز درب الباربرة سوق الجمعه .

و المشكلة صحيح انة يطلع حرامي غشيم و يبوظ لك صاج العربية

ذكرياتي مع الموضوع دة :

3 بادج علامة تويوتا
2 اسم تويوتا .
1 مرايا شمال .
1 بادج لانسر و كسر ها و هوبيطلعها فتركها .... الحرامي دة أمين .
1 شماسات عربية ( برانيط ) .

نصيحة :

- أركن دائماً في مكان مكشوف للعين .
- و انت نازل لو لقيت حد ( صاحب محل / واحد قاعد / عسكرى مرور .... ) صبح علية عشان يعرف انك صاحب العربية .
- ركب جهاز أنذار بسرينة .

و بس كفاية كدة أحسن بنقلب علي بعض المواجع .