السلام عليكو
أنا ليا واحد صحبي معاه بروتون ومتغااظ:k22: قوى عشان علامة بروتون اللى فى العربيه من ورا اتسرقت :049: قولتله ليه هيا مش ثابته كويس فى البودى قاللى لا أساسا ممكن تشدها تتخلع فى ايدك !!!!!!!!!!!
وانا ماشي النهارده برضو شوفت جين 2 متشاله منها العلامه برضو وباين الشنطه منظرها وحش من غيرها ................
فا مفيش اى حل ليها عشان متتسرقش وتبوظ منظر العربيه الجميله ؟؟؟؟
أرجو من أهل الخبره الافاده من هذا الموضوع .
وشكرا
عادي يا باشا ، ما علامة الكورولا بردوا بتتسرق وشكلها بيبقى أسخف لأنها في وش العربية
اعتبرها صدقة كل شوية على العربية ورح اشتري واحدة تاني
وربنا يهدي الحشاشين الي بيبقوا في عرض 10 جنيه
ربنا يعوض علي اتسرقت منه و يهدي السرقها
الله يعوض عليك وحسبي الله ونعم الوكيل فيهم اللي بيسرقوا العلامات
انا برضه علامة civic اتشالت من عندي والعربية لسه جديدة
هو الي سرقها راح يعمل فيها ايهاقتباس:
المشاركة الأصلية كتبت بواسطة mayki4u
عجبته وقال راح ياخذها تذكار انا ما اشوف سبب واحد يخلي واحد يسرق العلامة
لكن مثل ما تقولون انتون في مصر "الله يعينكم بما بتلاكم"
دلوقتى فى موضة اسمها سرقة العلامات ناس كتير وعربيات مختلفة اسرق منها العلامات من قدام ومن ورااااااااااااا ربنا يستر
ربنا يعوض عليك
انا برضو اتسرقت مني علامة الدايهاتسو مرتين
المشبه بأه لما تركب تاكسى وتلاقية حاطط علامات فولكس وهوندا وتيوتا
طيب بيجيبوهم منين؟
كلامك مظبوط والمصيبه تلاقيهم علامات أصلية مش الرخيصه اللى أى كلام ولما تسأله جيبتهم منين يقوللك ياباشا بلاقيهم مع جماعه اصحابي واشتريهم منهم .اقتباس:
المشاركة الأصلية كتبت بواسطة TAG_Turbo0
وعجبي
انا معايا Polo و العلامة اللى قدام اتسرقت اول امبارح :k17:
شكلها موضة جديدة
ياجماعه ربنا يعوض عليكوا و يحفظنا من السرقه, لكن انا باقول للى هيجيب علامه جديده مكان اللى اتسرقت قبل مايركبها يحوط سيليكون من تحت العلامه عشان تمسك جامد فالعربيه و مش لازم تجيب انبوبه كامله انت ممكن بجنيه الراجل يغرقهالك و يغرق العربيه كولها (:, و رابنا يحفظنا جميعا
أنا حطيت ايبوكسي بمصلب للعلامة اللي قدام بتاعة النيو واجا بعد ما محاولة فاشلة لسرقتها انتهت بانها انثنت للخارج ولكن ماطلعتش في ايده لحسن الحظاقتباس:
المشاركة الأصلية كتبت بواسطة formoza
دا بيتباع فين دا يا اخ kobadr وايه شكل علبته وبكام؟؟؟؟؟؟؟؟؟؟؟اقتباس:
المشاركة الأصلية كتبت بواسطة kobadr
شكرا ليك
يأخي ده بيكون أنبوبتين بيتباعوا مع بعض في غلاف واحد شفاف عند محلات البويات بحوالي عشرة جنيه...... م /خالد بدراقتباس:
المشاركة الأصلية كتبت بواسطة mayki4u
المشكلة ان اللي بيسرق العلامة لو ما طلعتش معاه بسهولة ممكن يحاول يطلعها بمفك او اي حاجة و يبوظ العربية انا رأيي ياخدها احسن بس ما يبوظش صاج العربية
يا جماعه قصة سرقات العلامات دي قديمة قوي و مش بس العلامات لأ و مريات العربية اللي علي الباب
الحرامي بن الحرامي الله يولع فية بجاز ديرتي ( عــــذراً ) .
يقوم منقي عربية مدلعه او العلامات بتاعتها بحالتها و يقوم جى و براحة مقلب البادج بتاع الماركة و لو عرف كمان ياخــد اسم الماركة و ممكن لو أنت حاطط برانيط علي قزار العربية ( شماسات ) أو شكل الديفل بتاع الشكمان .
و يا أخدة ينظفة و يغسلة و يحطة في كيس بلاستيك و يرجع يبيعه و غالباً بتلاقيهم في في وسط البلد شارع عبد العزيز درب الباربرة سوق الجمعه .
و المشكلة صحيح انة يطلع حرامي غشيم و يبوظ لك صاج العربية
ذكرياتي مع الموضوع دة :
3 بادج علامة تويوتا
2 اسم تويوتا .
1 مرايا شمال .
1 بادج لانسر و كسر ها و هوبيطلعها فتركها .... الحرامي دة أمين .
1 شماسات عربية ( برانيط ) .
نصيحة :
- أركن دائماً في مكان مكشوف للعين .
- و انت نازل لو لقيت حد ( صاحب محل / واحد قاعد / عسكرى مرور .... ) صبح علية عشان يعرف انك صاحب العربية .
- ركب جهاز أنذار بسرينة .
و بس كفاية كدة أحسن بنقلب علي بعض المواجع .
شكرا يا مزاجنجى باشا على النصايح الغاليه دى وربنا مايوعدك بحرامى بمفك ابدا
ةمشكووور على الرد