دي صور خدتها لجولف 6 2012 إيرباجها مفتحش مع إنها إتخرشمت من قدام!

كنت في توكيل فولكس إنهارده بعمل صيانة للعربية فكنت بتفرج عالعربيات إللي عاملة حوادث في قسم السمكرة لفتت إنتباهي الجولف دي ) إسمها move ودي كانت أواخر الجولف 6 يعني العربية دي مش بس جولف 6 لأ وآخر موديل ليها كمان 2012

يعني مش عارف الواحد يعمل إيه عشان يجيب عربية نسبة أمانها مضمونة أما الألماني وانضف شركة في الألماني كده ؤمال الأمان في العربيات الصيني مثلا يبقى عامل إزاي!!!!!!!!!!!

وزي ماباين في الصور العربية مخيشة تخييشة محترمة وأكيد كانت مستدعية الإيرباج



https://www.imageupload.co.uk/images...6042015265.jpg

https://www.imageupload.co.uk/images...6042015266.jpg

https://www.imageupload.co.uk/images...6042015264.jpg

أنا سمعت والعهده على القائل ..إن عشان الإيرباج يفتح لازم يكون حزام الأمان مربوط ..

ياباشا ايش عرفك ان العربيه ديه ماعملتش حادثه قبل كده و الابرباج فتح و صاحبها مارداش يجيب واحد تاني ؟

انا كنت قريت فى المانيوال بتاع البيكانتو ان ممكن الاير باجز متفتفحش لو العربية اتقلبت على سقفها
استغربت انا للمعلومه دى اوى

اقتباس:

---

المشاركة الأصلية كتبت بواسطة m_m_sh_a

أنا سمعت والعهده على القائل ..إن عشان الإيرباج يفتح لازم يكون حزام الأمان مربوط ..

---

+1
فعلا لو مش رابط حزام الامان الايرباج مش يفتح

أنا حابب بس أوضح حاجة المفهوم الشائع ما بينا ان طالما عربية المانى يبقى لو عملت حادثة جامده تفضل سليمة مع بعض الخسائر البسيطة باختصار كان مفهوم الامان عنجنا ان العربية تطلع سليمة من أى حادثة والحقيقة ان مفهوم الأمان الصح هو ان الركاب يطلعوا من العربية بأقل حد محتمل للإصابات ليهم مش مشكلة العربية بس المهم سلامة وحياة الركاب فيه عربيات كورى مثلا لو عملت حادثة بتلاقى التابلوه اتعجن ومش باين إنما حضرتك بص على تابلوه العربيه الجولف دى من الصور شكله سليم بنسبة كبيرة اوى

بالنسبة لموضوع الايرباج علشان يتفتح لازم يكون حزام الأمان مربوط كمان علشان الايرباج يفتح لازم تبقى الخبطات فى اماكن معينه والاماكن دى بتختلف من عربية لاخرى على حسب ما الشركة بتحدد
تحياتى