عربية مغيرة موتور بسبب كارتيرة الزيت ....أشتريها ولا لأ؟؟؟

**essamz** · 16-04-2015 11:22 PM

دامى عربية جين تو حالتها العامة جيدة جدًا ، لكن المشكلة إن صاحبها مغيرلها الموتور بسبب إنه أخد مطب جامد فكارتيرة الزيت الخرمت والزيت اتصفى والموتور الفابريكا باظ،،، وغيره بموتور استيراد ..... هل كدة العربية تعتبر معيوبة، وأشتريها ولا لأ خصوصًا إن سعرها عادى يعنى صاحبها مش منزل فى سعرها ولا حاجة ... وهل فى حاجة ممكن أشيك عليه عشان اتأكد من سلامة باقى أجزاء العربية.

**eng.m7md.ali** · 17-04-2015 12:09 AM

هيا متعتبرش معيوبة

لكن لو الايرباج اتفتح بسبب المطب ده هيبقي فيها كلام تاني .. الموتور مايفك ولا كامبرو؟

**essamz** · 17-04-2015 01:13 AM

مش عارف الصراحة الجديد مايفك ولا كامبرو ...بس الأصلى بتاعها كان كامبرو ....... أما موضوع الأيرباج فلأ ما اتفتحش ايرباج

**carrier** · 17-04-2015 03:45 AM

المشاركة الأصلية كتبت بواسطة essamz

أشتريها ولا لأ

.

الاصل لأ

واوعى تصدق موضوع الكرتيره ... لسبب بسيط
... انت مشفتش حاجة خالص
... نصدق كلنا لو التوكيل كتب كده فى تقرير .... وساعتها يبقى اشترى

**Abo_Mazen** · 17-04-2015 12:50 PM

العربيه مغيره مكنه ..ميعيبهاش ..بس إكشف على الشاسيه كويس قويييييييييي..إكشف على الشاسيه في التوكيل ..ما برضه ما تضمنش المكنه إتغيرت ليه ..ممكن تكون حادثه مش زيت نزل وكارتير إتخرم ..وإتأكد برضه إن المكنه مثبوته في الرخصه