Ix35 وزيارة غير متوقعة لغببور العبور

**mfm_tantawi** · 16-04-2015 11:40 PM

السلام عليكم ، وكل سنة وحضراتكم طيبين ، تجربة حبيت أشاركها معاكو ، بالرغم من المواقف السلبية اللى ممكن الواحد يسمعها عن توكيل غبور من بعض الاغضاء إلا إنى حصل معايا موقفين بيأكدوا ان التوكيل قمة فى الاحترام لغاية دلوقتى، واللى حصل التالى:
وأنا بعمل صيانة 20000 غيرت التيل وبعدين مهندس الاستقبال قالى ان الطنابير فيها ريجة خفيفة من التيل وغيروها وبصراحة لسه هابتدى أتكلم وأقول ليه وعشان إيه ، لقيت الراجل بيقولى متقلقش حضرتك دى فى الضمان.
الموقف التانى كان من أسبوع جيت الصبح بدور العربية كالمعتاد (وهى بصمة بمفتاح ستارت ) العربية مشتغلتش وسمعت صوت تقطيع كدا ومش قادرة تقوم ، المهم كلمتهم على الهوت لين مع العلم إنى مشترك فى خدمة إيليت ، قالولى دى بطارية والمهم غيروهالى برضو فى الضمان مع العلم إن العربية موديل 2013
وبصراحة الناس مش بيعملوا مشاكل ولابيتعبوك فى التعامل.
والشهادة لله المعاملة لغاية دلوقتى فوق الممتازة.

**hardmind_doc** · 17-04-2015 12:08 AM

خير ودى حاجة كويسة ان الواحد يسمع كلمة حلوة عن اى توكيل فى مصر

**ElBakkash** · 17-04-2015 02:49 AM

وعليكم السلام ورحمة الله وبركاتة
والله خبر جميل دا انا بسمع حاجات عن غبور وغيره من التوكيلات فى مصر تخلى الواحد يبيع عربيتة ويقديها مشى .
انما كلامك حضرتك يطمن لانى ناوى والنيه لله اشترى سوناتا وكنت خايف من التوكيل (غبور) .
ربنا يهديه ويفضل كده على طول معك ومع غيرك ويرخص اسعار قطع الغيار والصيانة هو وغيرة من التوكيلات الاخرى .
وشكرا جزيلا لحضرتك على مشاركتنا تجربتك معه

**ali ashraf** · 17-04-2015 03:24 AM

السلام عليكم استاذ طنطاوى مشركتك دى من محاسن الصدف بالنسبة لى لأنى مقدم على شراء هيونداى 35 xi بس مستنى الشكل الجديد و كنت عايز اعرف من حضرتك ملاحظاتك على العربية و بنزين 92 اخباره ايه و اخيرا هل السيارة مناسبة مثلا للسفر مسافات طويلة لأنى عندى دسك فى ظهرى و الكراسى الغير المريحة بتعملى مشاكل مع خالص شكرى و تقديرى وشكرا للتقرير الايجابى عن التوكيل علشان نحس ان لسه فى حاجات كويسة فى البلد

**unl0veable** · 19-04-2015 05:43 AM

المشاركة الأصلية كتبت بواسطة ali ashraf

السلام عليكم استاذ طنطاوى مشركتك دى من محاسن الصدف بالنسبة لى لأنى مقدم على شراء هيونداى 35 xi بس مستنى الشكل الجديد و كنت عايز اعرف من حضرتك ملاحظاتك على العربية و بنزين 92 اخباره ايه و اخيرا هل السيارة مناسبة مثلا للسفر مسافات طويلة لأنى عندى دسك فى ظهرى و الكراسى الغير المريحة بتعملى مشاكل مع خالص شكرى و تقديرى وشكرا للتقرير الايجابى عن التوكيل علشان نحس ان لسه فى حاجات كويسة فى البلد

2016 نزلت ومفيش اي تغيير فى الشكل علي فكرة ولسة محطوش اسعار اصلا - العربية في السفر جميله انا لسة راجع من كايرو وانا اصلا لسة في التليين

محدش عندوا فكرة عن العتب الامسسوارات بقي ؟