محتار فى تسعير العربية دى و فى شراء الانوس

**hazem_khidr** · 28-07-2007 04:59 AM

واضح ان العربية كانت مخبوطة فى وشها ودة سبب انه غير الفوانيس والاكصدام متبهدل, السعر حلو بس بلاش منها لان شكلها كدة فيها شغل كتير.
يا ترى عدادها عامل كام كيلو ؟؟؟
ليه تشترى فابريقة دواخل لما ممكن تشترى برة وجوة ؟

+1 .
اكيد اكيد مخبوطه من قدام و لو مكنتش مخبوطه مكنش الكبود بتاعها راشش.
التمن دا كتير اوي علي العربيه و يا ريتها نضيفه كنا قولنا مش مشكله الف ولا اتنين زيده في سبيل انها نضيفه.
رايي ابعد عنها و ما تستعجلش

**sokasoon** · 28-07-2007 05:10 AM

المشاركة الأصلية كتبت بواسطة Sherif Khalifa

فى لانوس 2 موديل 2000 نزلت منغير بور فعلا و بتبئة 1300

كمان 1300 ولانوس يبقا ابعد نهائى

بس غريبة تكون عربية فول اوبشن ومن غير باور حتى لو 1300

**hazem_khidr** · 28-07-2007 05:20 AM

ما سمعتش عن لانوس 1300 دي خالص يا 1500 لو 1600 بس قليل اوي يكاد يكون معدوم لو لقيت في مصر لانوس 1600 و كمان من غير باور طب ازاي؟؟؟ابعد عن العربيه دي خالص احسن

**Sherif Khalifa** · 28-07-2007 01:36 PM

لا فى 1300 موديل 2000 واحد صحبى راكبها
و راح بورسعيد و ركبلها البور هناك بس ضيعة طبعا

**Nader** · 28-07-2007 01:55 PM

طيب ما 1300 دي احنا مسمعناش عنها اصلاً يعني لو احتاج الموتور قطع غيار هيدوخ عليها لو كانت موجودة اصلاً، بلاش منها احسن الـ1300 دي.

**MMamdouh** · 05-08-2007 12:48 PM

فى لانوس cc1349 فى انجلترا... انا مشوفتش منها فى مصر خالص

و فى دفعة لانوس 2 منغير تكييف ولا باور و حسب معلوماتى كانت نازلة عشان تيقى تاكسى بس الغاء تراخيص التكسى الجديد وقف سوقها

MMamdouh

**wlng76** · 30-09-2007 12:15 PM

اللانوس كانت بتنزل بثلاث أنواع من التجهيزات:فول أوبشنز - هاف اوبشنز(تكييف +باور+كاسيت)- بدون كماليات (كاسيت فقط).
وكلها 1.5لتر
وطبعا العربية دى تم اضافة التكييف لها واكيد عند واحد مش متخصص وأكيد انه برة التوكيل, وطبعا فى الحالة دى التكييف بيكون اعطالة كتيرة قوى, وكل ما تصلح عيب يظهرلك عيب تانى.
فالأحسن تبعد عن العربية دى.
وبعدين انت لو انتظرت لبعد العيد تقدر تشترى 2001 فول اوبشنز رشة برة ونضيفة قوى بالكتير ب47 ألف بس ويمكن ب46