محتار أشترى شقة 100 متر غرفتين فى التجمع الخامس، ولا شقة 130 متر 3 غرف فى الشروق

**Mohamed_Hamid** · 17-04-2015 04:29 PM

أؤيد رأى الأخ 4fun14
استخر الله وبص لقدام علشان موضوع النقل من شقة لشقة ده هم وتعب قلب
ربنا يوفقك لما فيه الخير

**devil_storm** · 17-04-2015 07:07 PM

التجمع افضل طبعا، و اقرب لشغلك و عمار اكتر، كمان ١٠٠ متر مساحه كويسه لكن بلاش دور ارضي، دور علي حاجه دور متكرر بنفس السعر

**Dr.mostafaa** · 17-04-2015 08:01 PM

المشاركة الأصلية كتبت بواسطة abou-yahia

هلاك عربيه . بنزين زياده . اقرب للعاصمه الجديده . اوسع . اروق . مدارس ارخص .

متشكر جدا أستاذ أبو يحيى ، واضح إن حضرتك جمعت المزايا والعيوب مع بعض

تحياتى

**Dr.mostafaa** · 17-04-2015 08:04 PM

المشاركة الأصلية كتبت بواسطة kazamodia

التجمع طبعاااااااااااااااااااااا اا
التجمع ارقى بكتير اصبح حاليا عمران بشكل كويس الخدمات موجودة اكثر امان من الشروق واقرب لاماكن كتيرة من الشروق
الشروق عبارة عن صحراء انا مرة رحتها بالليل كنت حاسس والله العظيم اني في فيلم رعب مافيهاش مخلوق فعلا حاجة ترعب ده غير ان ظهر الشروق فبها عشوائيات والشروق تعتبر بعيدة جدا عن كل حاجة مستقلش بالمشوار ومتقلش 10 كيلو هيفرقوا معاك جامد في المشاوير بعد كده
واعرف ان انت قبل اي حاجة بتشتري مكان مش شقة !!

متشكر جداً لحضرتك أستاذ kazamodia، وباؤيدك تماما فى حتة إنى باشترى مكان ، علشان كده أنا محتار

تحياتى

**Dr.mostafaa** · 17-04-2015 08:08 PM

المشاركة الأصلية كتبت بواسطة أبو آسر

التجمع أفضل من حيث الخدمات والعمران
بس مشكلة الغرفتين لو عند حضرتك أولاد وبنات فلازم يكون ليهم غرفتين وغرفة نوم يبقى الشقة صغيرة مش هتنفع
لو مفيش إمكانية حضرتك تزود المبلغ وتشوف شقة 3 غرف في التجمع يبقى عليك وعلى الشروق هي مش وحشة أبدا بس لسة قدامها شوية على ما تعمر زي التجمع والمشوار مش بعيد أوي خاصة الطريق مفتوح وسالك

طبعاً أخى العزيز أبو آسر مشكلة الغرفتين دى صعبة علشان الأولاد، وبدأت بجد أفكر فى إنى أشوف حاجة 3 غرف فى الشروق علشان السبب ده

خالص تحياتى

**Dr.mostafaa** · 17-04-2015 08:11 PM

المشاركة الأصلية كتبت بواسطة medosalah

د. مصطفي

انا ساكن في التجمع الخامس من 10 سنين

واوكد لك ان سرعه المعمار والسكن والتطور في القاهره الجديده اسرع من الشروق كتييييير جدا

بس برده في اماكن في القاهره الجديده شعبيه شويه وفي اماكن متطرفه شويه

فممكن اعرف المنطقه اللي هتاخد فيها الشقه في القاهره الجديده علشان اقدر احدد واقدم النصيحه

يعني مثلا الشقه في التجمع الاول ولا التالت ولا الخامس

ولو في الخامس . فهي في الاحياء المسكونه زي الرابع والحي التات ولا موجوده في المستثمرين وابو الهول والنرجس والياسمين

يعني قولي موقع الشقه وانا احدد ازا كانت تستاهل انك تاخدها حتي لو ارضي ولا لا

أولاً شاكر جداً على مداخلتك المفيدة أخى العزيز أستاذ ميدو ، هى الشقة فى التجمع الخامس ، الأندلس، ومش متاح ليا غير الأرضى

**Dr.mostafaa** · 17-04-2015 08:17 PM

المشاركة الأصلية كتبت بواسطة ainshouka

الدور الأرضى مشكلته فى الحشرات والصراصير بتاع البلاعات ودى مبيفرقش فيها تجمع خامس من مساكن الصفيح
انك مكشوف طول الوقت ﻷناس فحتى لو ساكن فى ارقى ارقى منطقه برضه حتحتاج للخصوصيه فهل مستعد انك تكون مقفل الشبابيك عشان تبقى براحتك
قرر وشوف كده ايه اللى يناسبك

مع حضرتك حق طبعاً، دى أهم عيوب الدور الأرضى ، وبرضه أسباب قوية مخليانى ميال ل 3 غرف فى الشروق

خالص تحياتى

**midooo_119** · 17-04-2015 08:20 PM

المشاركة الأصلية كتبت بواسطة dr.mostafaa

السلام عليكم ورحمة الله

أرجوا من حضراتكم إبداء النصيحة

محتار أشترى شقة 100 متر غرفتين فى التجمع الخامس، ولا شقة 130 متر 3 غرف فى الشروق

مع العلم شغلى فى مدينة نصر ، تحديداً عند نادى السكة

التجمع مكان راقى جدا ومتهيألى أقرب لنادى السكة بس الشقة غرفتين ودور أرضى

الشروق بعيدة عن نادى السكة بس 3 غرف ودور متكرر

وعلى فكرة الاتنين نفس السعر

أرجوا النصيحة،

ملحوظة الشقة مش هابيعها مستقبلاً ، يعنى هاتفضل معايا طول العمر

هقول لحضرتك رايى المتواضع احنا متفقين ان التجمع افضل فاشياء كتير بس ارضى واوضتين و الشروق شقته اوسع ودور متكرر بس بعيد و مش عمار طيب الحل من وجهه نظرى ..احنا اتفقنا ان حضرتك هتهلك بنزين زياده فالمشوار طيب مانوفر فلوس البنزين و ناخد تقريبا 300 جنيه فالشهر بس و حضرتك تأجر شقتك فالتجمع و تاخد ايجار ال135 متر 3 اوض و هتلاقى الفرق تقريبا 300 جنيه يبقى كده انت فضلت فالتجمع خدت شقه اكبر بالفلوس الى كنت هتهكلها بنزين وماهلكتش عربيتك و ربنا يكرمك وتجيب تمليك 3 اوض ..

**Dr.mostafaa** · 17-04-2015 08:28 PM

المشاركة الأصلية كتبت بواسطة mohamed_hamid

أؤيد رأى الأخ 4fun14
استخر الله وبص لقدام علشان موضوع النقل من شقة لشقة ده هم وتعب قلب
ربنا يوفقك لما فيه الخير

تمام، بإذن الله ربنا يوفقنا للخير، ومتشكر جدا لحضرتك

تحياتى

الموضوع: محتار أشترى شقة 100 متر غرفتين فى التجمع الخامس، ولا شقة 130 متر 3 غرف فى الشروق

LinkBack

أدوات الموضوع

عرض

-

-

-

المواضيع المتشابهه

ناس التجمع ماتت عايز اسافر (رخصه القيادة التجمع فى الشروق ولا التجمع)

الشروق ولا العبور ولا التجمع الخامس ؟

التجمع الخامس

هو فيه مرور في التجمع الثالث ااقدر اطلع منه رخصه غير التجمع الخامس.. ارجو المساعده

>>> الشروق العبور التجمع زهراء مدينه نصر الواحه <<<

الكلمات الدلالية لهذا الموضوع

المفضلات

المفضلات

ضوابط المشاركة