السلام عليكم ورحمة الله
أرجوا من حضراتكم إبداء النصيحة
محتار أشترى شقة 100 متر غرفتين فى التجمع الخامس، ولا شقة 130 متر 3 غرف فى الشروق
مع العلم شغلى فى مدينة نصر ، تحديداً عند نادى السكة
التجمع مكان راقى جدا ومتهيألى أقرب لنادى السكة بس الشقة غرفتين ودور أرضى
الشروق بعيدة عن نادى السكة بس 3 غرف ودور متكرر
وعلى فكرة الاتنين نفس السعر
أرجوا النصيحة،
ملحوظة الشقة مش هابيعها مستقبلاً ، يعنى هاتفضل معايا طول العمر
التجمع اريحلك فى مشوار الشغل بس لو عندك اولاد هتتعب و هتدور على تغيير
شقة الشروق اريح على المدى البعيد ....
سؤال هل انت متجوز و عندك اولاد؟ اخبار المدارس ايه و النادى و كده .... شوف الاقرب لكل ده .... لو مفيش يبقى خليك فى الشروق هتسوق ١٠ كيلو زياده بس الشقه هتكفيك للمستقبل ان شاء الله
أولاً متشكر جداً لحضرتك أستاذ محمد، هو أنا بالفعل متجوز وعندى أولاد، وطبعاً بأثمن كلام حضرتك المنطقى جدااا، بس هل يا ترى الفرق بين التجمع الخامس والشروق فقط ال 10 كيلو دى، وفعلاً أنا متخوف جدا من بعد كده لو أخدت فى التجمع ، لأنى ساعتها مش هاعرف أغيراقتباس:
المشاركة الأصلية كتبت بواسطة mohamed_selim
هلاك عربيه . بنزين زياده . اقرب للعاصمه الجديده . اوسع . اروق . مدارس ارخص .
التجمع طبعاااااااااااااااااااااا اا
التجمع ارقى بكتير اصبح حاليا عمران بشكل كويس الخدمات موجودة اكثر امان من الشروق واقرب لاماكن كتيرة من الشروق
الشروق عبارة عن صحراء انا مرة رحتها بالليل كنت حاسس والله العظيم اني في فيلم رعب مافيهاش مخلوق فعلا حاجة ترعب ده غير ان ظهر الشروق فبها عشوائيات والشروق تعتبر بعيدة جدا عن كل حاجة مستقلش بالمشوار ومتقلش 10 كيلو هيفرقوا معاك جامد في المشاوير بعد كده
واعرف ان انت قبل اي حاجة بتشتري مكان مش شقة !!
التجمع أفضل من حيث الخدمات والعمران
بس مشكلة الغرفتين لو عند حضرتك أولاد وبنات فلازم يكون ليهم غرفتين وغرفة نوم يبقى الشقة صغيرة مش هتنفع
لو مفيش إمكانية حضرتك تزود المبلغ وتشوف شقة 3 غرف في التجمع يبقى عليك وعلى الشروق هي مش وحشة أبدا بس لسة قدامها شوية على ما تعمر زي التجمع والمشوار مش بعيد أوي خاصة الطريق مفتوح وسالك
د. مصطفياقتباس:
المشاركة الأصلية كتبت بواسطة dr.mostafaa
انا ساكن في التجمع الخامس من 10 سنين
واوكد لك ان سرعه المعمار والسكن والتطور في القاهره الجديده اسرع من الشروق كتييييير جدا
بس برده في اماكن في القاهره الجديده شعبيه شويه وفي اماكن متطرفه شويه
فممكن اعرف المنطقه اللي هتاخد فيها الشقه في القاهره الجديده علشان اقدر احدد واقدم النصيحه
يعني مثلا الشقه في التجمع الاول ولا التالت ولا الخامس
ولو في الخامس . فهي في الاحياء المسكونه زي الرابع والحي التات ولا موجوده في المستثمرين وابو الهول والنرجس والياسمين
يعني قولي موقع الشقه وانا احدد ازا كانت تستاهل انك تاخدها حتي لو ارضي ولا لا
الدور الأرضى مشكلته فى الحشرات والصراصير بتاع البلاعات ودى مبيفرقش فيها تجمع خامس من مساكن الصفيح
انك مكشوف طول الوقت ﻷناس فحتى لو ساكن فى ارقى ارقى منطقه برضه حتحتاج للخصوصيه فهل مستعد انك تكون مقفل الشبابيك عشان تبقى براحتك
قرر وشوف كده ايه اللى يناسبك
100متر متنفعش خالص تباه للعمر كله..
انصحك تدور فى منطقة الهضبة الوسطى ف المقطم,اسعارها ارخص من التجمع واقرب كتير لمدينه نصر بدل علقة الشروق دى..ان شاء الله توصل لحل وسط يريحك
ممكن تقول السعر في الحالتين كام المتوقع للشراء؟
أؤيد رأى الأخ 4fun14
استخر الله وبص لقدام علشان موضوع النقل من شقة لشقة ده هم وتعب قلب
ربنا يوفقك لما فيه الخير
التجمع افضل طبعا، و اقرب لشغلك و عمار اكتر، كمان ١٠٠ متر مساحه كويسه لكن بلاش دور ارضي، دور علي حاجه دور متكرر بنفس السعر
اقتباس:
المشاركة الأصلية كتبت بواسطة abou-yahia
متشكر جدا أستاذ أبو يحيى ، واضح إن حضرتك جمعت المزايا والعيوب مع بعض
تحياتى
متشكر جداً لحضرتك أستاذ kazamodia، وباؤيدك تماما فى حتة إنى باشترى مكان ، علشان كده أنا محتاراقتباس:
المشاركة الأصلية كتبت بواسطة kazamodia
تحياتى
طبعاً أخى العزيز أبو آسر مشكلة الغرفتين دى صعبة علشان الأولاد، وبدأت بجد أفكر فى إنى أشوف حاجة 3 غرف فى الشروق علشان السبب دهاقتباس:
المشاركة الأصلية كتبت بواسطة أبو آسر
خالص تحياتى
اقتباس:
المشاركة الأصلية كتبت بواسطة medosalah
أولاً شاكر جداً على مداخلتك المفيدة أخى العزيز أستاذ ميدو ، هى الشقة فى التجمع الخامس ، الأندلس، ومش متاح ليا غير الأرضى
مع حضرتك حق طبعاً، دى أهم عيوب الدور الأرضى ، وبرضه أسباب قوية مخليانى ميال ل 3 غرف فى الشروقاقتباس:
المشاركة الأصلية كتبت بواسطة ainshouka
خالص تحياتى
اقتباس:
المشاركة الأصلية كتبت بواسطة dr.mostafaa
هقول لحضرتك رايى المتواضع احنا متفقين ان التجمع افضل فاشياء كتير بس ارضى واوضتين و الشروق شقته اوسع ودور متكرر بس بعيد و مش عمار طيب الحل من وجهه نظرى ..احنا اتفقنا ان حضرتك هتهلك بنزين زياده فالمشوار طيب مانوفر فلوس البنزين و ناخد تقريبا 300 جنيه فالشهر بس و حضرتك تأجر شقتك فالتجمع و تاخد ايجار ال135 متر 3 اوض و هتلاقى الفرق تقريبا 300 جنيه يبقى كده انت فضلت فالتجمع خدت شقه اكبر بالفلوس الى كنت هتهكلها بنزين وماهلكتش عربيتك و ربنا يكرمك وتجيب تمليك 3 اوض ..
باتفق مع حضرتك ، فعلاً ما تنفعش للعمر كله، وكنت فكرت فى الهضبة الوسطى، وطبعاً موقعها مميز جداا، بس خلاص بقت زحمة ، وكمان 10 سنوات، هاتكون صعبة جدا، فحولت تفكيرى للمدن الجديدةاقتباس:
المشاركة الأصلية كتبت بواسطة 4fun14
خالص تحياتى
تمام، بإذن الله ربنا يوفقنا للخير، ومتشكر جدا لحضرتكاقتباس:
المشاركة الأصلية كتبت بواسطة mohamed_hamid
تحياتى
ربنا يسهل ، ونلاقى حاجة دور متكرر، متشكر جدااقتباس:
المشاركة الأصلية كتبت بواسطة devil_storm
تحياتى لحضرتك
حسب انت بتدور فين فى التجمعاقتباس:
المشاركة الأصلية كتبت بواسطة dr.mostafaa
فى مناطق عشان تطلع منها للدائرى هتهلك العربيه اكتر من لو انك هتيجى من الشروق .... المستقبل للشروق فى رايي
مبدايا كده ... حتي لو دور متكرر وفي الاندلس .. انصحك بلاااااااشاقتباس:
المشاركة الأصلية كتبت بواسطة dr.mostafaa
الاندلس لسه قدامها كتير... علشان المعمار والمباني تخلص والناس تبدا تسكن
انصح حضرتك بمنطقه زي المستثمرين او ابو الهول... هتلاقي ابو الهول اسعارها احن شويه من المستثمرين
انا طبعا مش عارف الميزانيه او ان شقه الاندلس مطلوب فيها كام؟..
بس حتي لو هتزود شويه وتسكن في المستثمرين فهتلاقي شقق 120 او 130 كتييييييييييييير جدا واسعارها كويسه وفي بعضها بتسهيلات
بالاضافه ان المنطقه اتبنت وخلصت بالكامل والاعمار فيها سريييييع جدا وكمان اقرب لشارع التسعين ومدينه نصر عن الاندلس
نصيحه ... دور في الوسيط وعلي دوبيزل وهتلاقي حاجات كويسه .. بس بلاش دور ارضي وكمان اندلس
ده لو انت عايز تسكن علطول .. انما لو هتسكن بعد 4 او 5 سنين فممكن
شوف أنا شغال ف العقارات وهقولك أفضل حل ف رأيي !!؟؟
انت ميال أكتر للتجمع بس شقة الأندلس مش هتنفع
طيب متشوف حاجة أقرب شوية من الأندلس لشغلك وأرخص بخصوصية أكبر ومستقبل أفضل !
من أفضل مناطق التجمع منتطقة المستثمرين الشمالية هواها حلو ومستقبلها وقريبة من الرحاب والتسعين وكل المناطق المهمة ف القاهرة الجديدة
وأقرب من الأندلس لمدينة نصر
شوف حاجة مناسبة فيها أنا صاحبي ساكن ف كمبوند روضة الأزهر ومبسوط جدا فيه وهو أسعاره كويسة جدا ومناسبة !